قصه حقيقه حصلت لي في بحر مستوره قلبي كان بيتوقف!

[NowOrNever]

يوم الخميس الماضي اتفقت انا وصديق لي ان ننزل سنوركل ونصيد بالمسدسات في بحر مستوره......طبعا انا كنت متحمس بصراحه كان وده يكنسل الطلعه لظروف حصلت له في النهايه طلعنا...توجهنا الى قريه مستوره الذي لايعرف ماهي مستوره فهي قريه تبعد عن جده حوالى الساعتين شمالا, وصلنا حوالي الساعه 10 صباحا الجوا كان رائع....اخذنا عدتنا ونزلنا البحر كان بين العده كشاف لكي نستطيع ان نرى مابداخل الكهوف المظلمه من هامور وغيره....طبعا المسافه مابين ما اوقفنا سيارتنا الى الكساره ( الحيد المرجاني) مايقارب 700 متر...يعني مسافه طويله للمشي...طلوع ونزول.... لايوجد في المكان غيرنا فقط انا وصديقي توكلنا على الله ونزلنا بصراحه صفاء البحر وكثره الأسماك تجبرك ان تتعمق اكثر داخل البحر.....اتفقنا انا وصديقي ان ندخل اكثر داخل البحر لأنه كان يوجد حيد مرجاني يبعد عن الحيد الذي كنا متواجدين فيه مايقارب 300 متر...وصلنا الى الحيد المرجاني الأخر شاهدنا جميع مايخطر في البال من اسماك..الذي لفت انتباهنا حجم كبر الشاقه اذا لم ابالغ رأينا مايقارب 4 شواق من الحجم الكبير...المهم واشوف هامور من النوع Xll صراحه اخذ كل تركيزي...ثابت في مكانه وما يتحرك...نزلت له وضربه جابت خبره رميت المسدس علشان اخذ نفس وانزل اسحبه من تحت....الفرحه كانت غامره يوم وضعته داخل الهوك....بالنسبه للهوك كان معلق في كوره طافيه....للسلامه وايضا لعلمنا بوجود قروش في مستوره من نوع القرش النمري وغيره....المهم طلعت ادور صديقي ماني شايفه....بديت ادور عليه شمال يمين ايضا ماني بشايفه ربطت حبل الهوك على الحيد المرجاني وطلعت فوق الحيد المرجاني بديت اناديه الوقت بدأ يمر مايقارب 20 دقيقه الأن وانا انادي بدأ الخوف يعتريني ( وين الكلام اللي نكتبه....لاتذهب الى الصيد وحيدا...دائما برفقه شخص تثق فيه) انا فقدت صديقي بسبب هوايه كان من الأجدر الأستمتاع بها مع الحذر وليس الأستهتار.....حسيت بشعور غريب غضب وخوف في نفس الوقت...غضب على نفسي ليش تركت صديقي وجلست اركز في الصيد....غضب عليه ليش تركني وراح!! خوف عليه يمكن تعرض لقرش شاقه او غيره..يمكن صاره له اغماء وحزام الأثقال نزله في الأعماق.....الغلط مني اصلا انا اللي غصبته ان يطلع معي, واقف وحيد الأن فوق الكساره الشاطي بعيد جدا لااستطيع انا ارى سيارتي... ياناس وين راح في راسي الف سؤال وسؤال
معليش ياشباب واحد يدق الباب اروح افتح له وارجع اكمل القصه

[ابو شراع 62]

يخوي كمل القصه الله يرحم واللديك باب ايش الي طلع دحين

[ابو محمد 111]

افتح الباب ان شاء الله انه خويك

[ابوتركي1]

اكيد صحيت من النوم حلوه

[أبو إبراهيم !!]

ماشاء الله تبارك الله
قصه حليله الله يعافيك

[Crab]

لالالالالالالالالا ياخي حرام عليك تعبت وانا اقرا ؟؟؟؟؟؟؟؟؟؟؟؟؟

عجل علينا يالحبيب

[ali200m]

عجل لنا بالقصة ولاتكون حلم لانه ماودنا تصير حلم هع هع

[ابو اسامه 2]

قديييييييييييييييمه

[ااابوخلف]

ياشباب اللي دق الباب خويه وقاعد يعاتبه وين رحت الله يرجك خوفتني عليك ..

[حوات رابغ]

عجل علينا عساه طيب

[زايد بن بدران]

ههههههههههههههههههههههههههههههههههههههههههه

قديمه بعدين قمت من النوم ههههههههههههههههههههههههه
تقبل مروري................

[هواي البرr]

وين راح ذا ساعة يفتح الباب

[dbdob]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
تفألوبالخيرتجدوه /////نصيحه تفأل بالخيراذا الدعوه مزح

[الكونتر]

ياخوي كمل القصه والله قلقان عليه وش صار فيه .... لايكون كنت تحلم وصحيت طيب انشاء الله يكون خويك بخير بس... بس بسئلك الهمووور وش صار فيه اخاف اخذه خويك...

انشاء الله تكون عدة على خير تقبل مرووووووري

[accentkool]

http://www.samysoft.net/forumim/shokr/1/c477a6fch22ese1.gif

[يمك ادروبي]

مدام خويك الي بتفكله الباب فهذا يعني انه بخير وسلامه وهذا الاهم

[قناص البحر]

السلام عليكم

ياخوي عسى ماشر

هذه نكته ولا قصه

فأتمنى تفيدنا وتقولنا القصه بالكامل

حقيقه أقلقتنا

[ابوريان]

مستعجلين خليه يفتح الباب لصاحبه وبعدين يكمل السالفه ههههههه

[shaheenshah]

اكيد صحيت من النوم حلوه


هههههههههه صااادوه

[سهيل البحري]

السلام عليكم ورحمة الله وبركاته

ههههههه

أنا من البداية ما بلعتها 700 متر مشي

كمل يا عم الناس مرابطين يبغوا يعرفوا النهاية

والله حركة

:d

[نجم حفرالباطن]

بارك الله فيك اخي ولكن ليتك تعجل لنا بالقصه

[محب صيد السمك]

ياخوي ماصارت هذي فتحة باب .... عجل علينا ...

[دولفين]

أتوقع أثناء سرده للقصه
تذكر شي بالبحر وراح يجيبه !!

[المجنوني]

اقوووووووول .....
مافي لا قصة ولا حاجة
بس هذا الانسااان من كثر ما هو مدمن بحر وسنوركل اياام الاسبوع ما عنده وقت يطلع للبحر وحاب يسلي نفسه وطلع بهذا المقلب
ههههههههه
تقبلوا تحياااتي،،،،،،،،

[ع العمرو]

اذا ماتكمل القصة اني .................لاخلي اذاني واذانك اربع......؟

[احمدوعبود]

ياشباب الي دق الباب سلاح الحدود وجالسين يحققو معاه يقولهم امزح وهم مصرين وين خويك اعترف احسن لك

[غسان]

ضحك علينا قال افتح الباب وارجع اظنه فتح الباب وشرد

[برحي]

بغيت اغسل شراعك لأني حسبتك عضو جديد جاي يتمصخر علينا

لكن يوم شفت مشاركاتك هونت

[Activeone]

حرام عليك تعبت من قراة المووووووووووووووووضوع اهم شيء خويك وين؟

[فارس الوايلي]

حرام عليك تعبت من قراة المووووووووووووووووضوع اهم شيء خويك وين؟
خخخخخخخخخخ
انا واحد نفر مثلك

[freediver]

شوقتنا
متابعين بأنتظار تكمله القصه

[جب هآت ود عط]

وشو؟؟؟؟؟؟؟؟؟ لآلآ يآخي مهب وقت باب هالحين قله قله يجي مره ثانيه ولآ قل سير علي بكرآ يا اخوي وربي من اليوم اقرآ ومتحمس وقلت الحين بيلقآه .. بس تصدق فكررت تفكير الله يستر .... قلت يمكن ابو الشباب بيرمي الهآمور رمآ خويه... الله يحفضنآ اجل الهآمور كبير ..... ههههههههههههههههههههههههههههههههههههههههه

[صديق المبدعين]

انصحك لا تستخدم هذا الاسلو ب في سرد القصص

[jeddahauto]

ياخي انتا كييييييييييييييييييييف ؟؟؟
لو كانت قصه حقيقيه فمو معقول تترك كل الاخوان معلقين و بعضهم وضح قلقه من باب خوفه على اخوه المسلم ...و موب معقول ذا كله باب ؟؟؟

ولو كانت نكته فأسمح لي انك ما تعرف تنكت لان القصص هاذي تقلب مواجع لبعض الاخوان لانها حصلت بالواقع قصص مشابهه ونهايتها كانت ماهي بزينه

اتمنى تكون القصه لها نهايه طيبه لو كانت بجد حتى تكون الهدف منها الموعظه والعبره

[الرهيب2000]

اتوقع الرجال مات والا حصله شي عند الباب

[chicoo]

حلوووووووووووووووه الحركة!!

بس على فكرة؟؟

تراها كح كحححح كلها غبار ((قديمة))

[A B D U L L A H]

ضحك علينا قال افتح الباب وارجع اظنه فتح الباب وشرد

ههههههههههههههههههـ الله يرج ابليسكم جميعا

انواع التعليقات :D

عجل علينا اخوي ... :no:

[accentkool]

لا احد يلومة لو احد فينا انحط بها الموقف ماذا يفعل

يمكن ان القصة حقيقية واللذي دق الباب هو من القار المفقود

وذهبو يبحثون عنة ولم يكمل القصة لانشغالة

[مشكنم]

قال صلى الله عليه وسلم ( لا تكذب ولو كنت مازحا)

[جبرني وقتي]

وين رواح بس قديمة مره مره

[جبرني وقتي]

قال صلى الله عليه وسلم ( لا تكذب ولو كنت مازحا)
هذ الكلم ولابلاش

[alawee]

يابويا مايصير كذا تعلقنا :no2:

كل شوي اتاكد كملت القصه ولا لا

اما ان طلعت نكته ترى ........:no:

[ebn-aljazerh]

حلوه الحركه
الكل يقول قديمه بس العجيب تلقاهم مرابطين وش نهاية القصه ؟
وإذا صار مثلي ضافها للمفضله وكل ربع ساعه راجع يشوف وين وصلت القصه !!!

[NowOrNever]

على راسي من فوق لكل من رد
العذر والسموحه منكم....اللي كان عند الباب ضيف...

ياشباب هذه كانت فقط مقدمه لقصتنا... القصه توها مابدت....

اولا حبيت اوضح خريطه الموقع...الصوره توضح مكان مانزلنا علشان تعطيكم جوا

مع الصوره:-

http://www.mekshat.com/pix/upload03/images118/mk78566_www.jpg

نبدأ مكان ما انتهينا.....
جالس افكر ياناس وين راح مرت اكثر من 25 دقيقه ادور عليه...وشوي والمح لون اصفر طرف زعانفه!! وهو نازل يغطس...بسرعه اسحب الهوك وانزل اسبح لما وصلت له...تخيلوا معي فرحان انه الحمدلله عايش وموجود وما صار له شيء..وصلت عنده وجلست اعاتبه....فينك جالس ساعه ادور عليك....بكل برود جات اجابته...( معليش والله التهيت شوئ...شوف تحت طالع حجم الهاموره لاتفوفتك) بصراحه بغيت انفجر قلقان عليه وهو بكل بساطه مركز على الصيد ولا همه!! علشان ما اخبي عليكم حجم الهامور يغري شوي اخذت نظره على الطاير لكن ماحبيت اوضح له...جلست اعاتبه شوي في النهايه اتفقنا انه هو يأخذ الهوك مع الكوره الطافيه علشان لونها احمر وراح تكون واضحه تحدد مكانه...ولو ضاع المره هذه راح اكون انا السبب...المهم اتفقنا بعد جدال انه ندخل داخل شوي مكان مانزلنا اخر مره....الوقت تقريبا كان بعد العصر تقريبا قبل المغرب..اتفقنا نصيد هناك ونرجع بأسرع وقت...بصراحه الصيد كان يطرب والهوك مليان...الطمع وش تقولوا....وصلنا الحيد المرجاني الأخير...وجلسنا نصيد الأن حنا من جد بعيدين داخل البحر...شوي ونشوف ثلاثه قروش من الحجم الكبير جميعها نفس الشكل... المشكله ما اعرف اميز اي نوع من القروش كلها شكل واحد عندي...اللي اميزه هو ابو زعنفه بيضه وابو زعنفه سوداء..لكن هذه غريبه حجمها مقوس من اللي اشاهدها في التلفزيون..ما ادري من فين جات بدينا نسحب نفسنا بجانب الحيد المرجان...الكوره الطافيه مع الهوك والسمك مازالت داخل البحرشوي واحد من القروش يهجم على صيدنا نحاول نسحب الصيد والقرش يسحب...بسرعه طلعنا فوق الحيد المرجاني...نستطيع ان نشاهد زعانف القروش من فوق السطح.....الأن لازم نتأخذ قرار نتخلص من صيدنا ونسحب نفسنا لكن المسافه من جد طويله لازم سباحه حتى نصل للحيد الأخر..صاحبي ارتبك وبدأ الخوف يعتريه حاولت اتمالك اعصابي...سحبت الهوك فوق الحيد المرجاني...وحاولت انه يكون بعيد عننا علشان لو فيه شاقه....صرت كل شويء انزل واشاهد القروش...جميعا مازالت موجوده تروح وترجع....فجأه اشوف قرش حجم عاثلي لونه ضارب على البني كأنه قرش نمري.....هذا اللي ناقصنا...صرنا محاصرين...بدأ الظلام يدخل علينا انا وصديقي فوق الحيد المرجاني ننتظر الفرج...انتظروا الجزء الأخير من قصتنا

[يوسف حوته]

الحمد لله الي سلمكم من كل شر والله موقف صعب بصراحه وينشف الدم ويبغاله تفكير وتركيز للخروج من الورطه وكمل القصه وكيف رجعتو

[NowOrNever]

الحمد لله الي سلمكم من كل شر والله موقف صعب بصراحه وينشف الدم ويبغاله تفكير وتركيز للخروج من الورطه وكمل القصه وكيف رجعتو

مشكور يايوسف يعطيك الف عافيه
نكمل القصه

[NowOrNever]

علشان مايصير ملل...راح نكمل قصتنا

فين وصلنا....
بدأ الليل يخيم علينا انا وصديقي محاصرين بالقروش داخل البحر المفتوح!! الرجعه طويله...وصيدنا معنا
ننتظر فرج قريب....تذكرت انه معنا كشاف...صرنا نشوف ابوات قريبه مننا على بعد ليس ببعيد بدأنا نلوح بنور الكشاف ونسمع صدى اصواتنا....من حسن حظنا لم نكن بعيدين عن مسار ابوات الصيادين اصبح عندنا بصيص امل...اقترب بوت من جهتنا...شاف نور كشافنا وبدأ يقترب اكثر...واكثر...بدأنا نسمع اصوات اصحاب البوت اكثر...السلام عليكم صوت صاحب البوت....اجمل صوت سمعته تلك الليله...ساعدنا...كان صوت صديقي يصرخ بأعلى صوته ينادي صاحب البوت...بدأنا نتكلم مع صاحب البوت عرفنا بأسمه...تعرفنا عليه...شرحنا له وضعنا....قدم لنا المساعده بعد ان اوقف بوته بمسافه ليست بعيده عننا...صعدنا بوته وتوجهنا الى المرسى...بفرح بالنجاه محملين بصيدنا ومع تجربه

في النهايه:-
هذه القصه من وحي الخيال :) وليست حقيقيه
وضعتها بين ايديكم للتشويق :) واخذ العبره فقط, ممكن تحصل لي او لأحد فيكم لاقدر الله
دائما اجعل صيدك بعيد عنك لاتعلق الهوك قريب منك, اجعله في كره طافيه, اذا لا يوجد عندك كره طافيه, علقه في قارورتين مويه صحا مربوطه بحبل
لاتتعمق داخل البحر اثناء صيدك من على الشاطي, دائما اجعل نفسك قريب من الحيد المرجاني القريب من الشاطيء...سامحوني لكن الغرض كان لأخذ العبره
تقبلوا تحياتي NowOrNever

[زايد بن بدران]

وشلون اخذ العبره من قصص الخيال !!!!!!!!!!!!!!!!!!!!!!!

[NowOrNever]

وشلون اخذ العبره من قصص الخيال !!!!!!!!!!!!!!!!!!!!!!!

اخ زايد
ليس شرط ان تكون القصه حقيقيه لنأخذ العبره منها؟؟؟
هذه وجهه نظري؟
احترم وجهه نظرك

[alfahd020]

ياعمي الله يعطيك العافيه الناس زمان تشتري النصايح وزايد زعلان هههههههههههههههههههههههه

[ابو شراع 62]

والله العظيم حسيت نفسي عايش في القصه
و انها من اروع المواضيع
الله يعطيك العافيه من جد اخذت عبره

[سر البحر]

الممتع في الموضوع اني اعتبرتك في البدايه انسان فاضي .
لاكن فعلا أبدعت في نسج الخيال وكنت تصور طريقة موت الكثير من الغواصين .


طرحك جريئ وممتع / ويبقى الباع الطويل للسر الكبير في الطرح الواقعي الشيق .

تقبل مروري

[ابوتركي1]

قصه حلوه000 وماقلنا انه حلم وصحيت من النوم000

[ابوهتان2007]

مشكور على طرحك الشيق والمفيد

ولك كل الشكر

[المجنوني]

علشان مايصير ملل...راح نكمل قصتنا



وضعتها بين ايديكم للتشويق :) واخذ العبره فقط, ممكن تحصل لي او لأحد فيكم لاقدر الله
دائما اجعل صيدك بعيد عنك لاتعلق الهوك قريب منك, اجعله في كره طافيه, اذا لا يوجد عندك كره طافيه, علقه في قارورتين مويه صحا مربوطه بحبل
لاتتعمق داخل البحر اثناء صيدك من على الشاطي, دائما اجعل نفسك قريب من الحيد المرجاني القريب من الشاطيء...سامحوني لكن الغرض كان لأخذ العبره
تقبلوا تحياتي NowOrNever
الله يعطيك الف عافية اخوي
ولمصداقية كلامك
انظر الى موضوعي واللي صااار مع اخونا ابو مشك
والحمد لله على السلااامة
تسلم على الموضوع وتقبل مروري ،،،،،،،،، اخوك / ابو ريم المجنوني ،،،،

[جـرح الشمـال]

ههههههههههههههههههه حلووووووووة
بس لاتكررها لانك وقفت قلوبنا بعد

[ابو مشك]

تسلم اخوي على الموضوع

وانا من الناس الي جرب يخلي صيده معلق في حزام الاثقال
وشفت الي حصل بنفسي وفي نفسي والحمد لله انها جات على عضه بسيطه

بارك الله فيك اخوي

[RPM..5800]

متحمس انا مرة

[shaheen70]

الله يعطيك العافية
قصة جميلة

[R.B.G]

مشكوررررررررررررررررر
الله يعافيك