سؤال بخصوص تدريب السلقه على طرد الارنب//

[@قرناص@]

السلام عليكم ورحمة الله وبركاته,,

عندي بعض الاستفسارات وارجو الافاده يالربع ,,

س1/ السلقه تاكل مطبوخ ولاحظت انها ماتطلب الارنب ابد .. ؟(مدري اعطيها اكل نيئ)

س2/طريقة تدريب السلقه على طرد الارنب .. طبعا سئلت بعض الاخوه وردلي (طلع السلقه مع سلق صايده وخله تشوف الطرد وباذن الله بتطرد)

المشكله ماعندي غير ها السلق ومحد(ن) من ربعي رآعي سلق ,,

وش الطريقه الي بتخليها تطرد الارنب,,:j

السلقه عمرها سنه و3شهور ..

اخوكم/قرناص:good:

[ابوريان]

والله مالي بالسلق لكن بحثت ووجدت لك هذه المشاركة أتمنى تفيدك


http://www.mekshat.com/vb/showthread.php?t=61467


وكذلك هذا الرابط


http://www.mekshat.com/vb/showthread.php?t=39979

وعقبال الصيد الوفير إن شاءالله

[راعي خطاف.]

(طلع السلقه مع سلق صايده وخله تشوف الطرد وباذن الله بتطرد)
هذا هو الحل الافضل وفيه حل ثاني

تطمع سلقه في صيد الارنب كان تجيب ارنب بلدي في البدايه بطي وتخليها تمسكه وبعدين اخذ منها الارنب وعطها اي شي تحبه كشوكلات او تمر او غيرها من الي تحبها سلقتك وبتدريج وكل يوم جبلها ارنب اسرع من الي قبله الان تعرف ان الارنب صيدتها

واما بخصوص سوال الاول غلط يالغالي تعطيها لحم ني الان اذا اكلت لحم ني راح تاكل صيدتها وراح تمسك معها طبيعه هذي

وانشالله باقي الاعضاء ينفعونك اكثر
وفالها ظبي انشالله والارنب

[الرعد99]

لاتعطيها لحم يا الطيب اما بخصوص السوال الثاني افادوك الاخوان

[أبوسعود711]

انت وتدريبك اما توكله اكل ني فهي لا زم تا كل صيده ني والمفروض تو كله الاكل اللي متعوده عليه يعني مطبوخ

[دنيا بلا معنى]

الله يعطيك العافيه اخوووي بس سنه وثلاث شهوور حرام عليك المفروض انها صايده له اكثر من خمسين ارنب للحين لكن اسمع مالك الي البلدي او بري وتحشره بشبك كبير هي وياه وتشوف الزين كله وبعدين سؤال يالذيب يعني انت جربتها على بري وما طردته او من عندك قلت ما راح تعرفه لان السلق بالفطره اي شي يتحرك لو كيس طرده على طوول والخبره تلعب دوور بالتاكيد وسلامه فهمك يالغالي تقبل مروري ,,,,,,,,,,,

[@قرناص@]

شكرا لكم يالربع على الردود الطيبه وماقصرتم ,,

لاكن المشكله ان السلقه ماتطلب الارنب ابدآآ يعني لو تطرد البطيئ يمكن ولو احطه عندها تشمه شوي وتتركه!!

علما ان راعيها يقول صايده الارنب والحصني,,!!!!!!!!

السلقه انا شاك فيها انا اعطيها اكل مطبوخ وعندنا كلب حراسه في المزرعه ماياكل الا نيئ واذا شاف الارنب

عزالله مايقصر فيها يطرد طرد مو صاحي!! مدري اجرب عطيها نيئ؟؟

بخصوص انها تاكل الارنب .. اول ماتمسكه بضربها بعدين بكافئها بـ اكل مطبوخ ..

والا اعطيها ارنب مذبوح تاكله واجوعها يومين واجرب افكلها واحدن بطيئ....؟؟؟؟؟؟؟

المشكله سلقه ماتصيد وش ينبغابها.. يالربع افيدوني جزاكم الله خير,,

قرناص

[راعي خطاف.]

كلب حراسه في المزرعه ماياكل الا نيئ واذا شاف الارنب

عزالله مايقصر فيها يطرد طرد مو صاحي!!
جوعها وخلها تشوف كلب الحراسه يوم يطرد الارنب وانشالله بتطرده ويالغالي الجوع يكسر خشم سلقه جوعها راح تسويلك الي تباه

[@قرناص@]

كلب حراسه في المزرعه ماياكل الا نيئ واذا شاف الارنب

عزالله مايقصر فيها يطرد طرد مو صاحي!!
جوعها وخلها تشوف كلب الحراسه يوم يطرد الارنب وانشالله بتطرده ويالغالي الجوع يكسر خشم سلقه جوعها راح تسويلك الي تباه


ماقصرت يالغالي// المزرعه بالخرج ومشوار لها وانا مشغول وبروح ان شاءالله بعد اسبوع او اسبوعين,,

بخصوص التجويع خلها على ربك يارجال السلقه عظممم هههه مجوعها

الظاهر باكلها ارنب بعدين بجوعها يومين وبفك لها ارنب,, :j

[راعي خطاف.]

الظاهر باكلها ارنب بعدين بجوعها يومين وبفك لها ارنب,,

جرب هذي طريقه يالغالي وعطنى علمها اذا انفعت هذي طريقه

[دنيا بلا معنى]

تبي نصيحتي ابعد عن الني للأنك راح تعاني من مشكله ثانيه بعدين تصيد الصيده وتهجبها وتاكلها وتتعلم على الني وتبلشبها لانها لو ذاقت الني ادمنت خلاص والراي الاول ولاخير لك لكن النصيحه بجمل على ما قيل تقبل مروري

[@قرناص@]

تبي نصيحتي ابعد عن الني للأنك راح تعاني من مشكله ثانيه بعدين تصيد الصيده وتهجبها وتاكلها وتتعلم على الني وتبلشبها لانها لو ذاقت الني ادمنت خلاص والراي الاول ولاخير لك لكن النصيحه بجمل على ما قيل تقبل مروري


شكرآ على مرورك..

اخوي طيب اذا بعدت عن النيئ ماراح تصيد .. يعني تصيد وتسير فيه مشاكل والا ماتصيد ابد..!!!:j

عطنى حل يالغالي//

[جـرح الشمـال]

اخوي قرناص حياك الله يالغالي
مالي خبرة بالسلق بس فيه طرقة جربها ان شاء الله تنفع اللي هي الله يسلمك (( الحمامة))
وهو عباره عن تدريب السلق على الطرد بطريقه الحمام

يمسكون الحمامه ويشيلون منها ريش الي تحت ويخلون امواسها

الي هو ريشها الطويل الاخير عشان تطير الحمامه وهي مسوحله

يعني تطير على سوى الارض ويقوم السلووقي ويلحقها عشان يستفيد مهد ولياقه
7
7
7
وهذا مقطع
http://www.youtube.com/watch?v=CqeG-8dh3Tc&eurl=http%3A%2F%2Fwww%2Ealgnos%2Ecom%2Fvb%2Fshowth read%2Ephp%3Ft%3D661&feature=player_embedded

تحياتي لك

[البرقاووي]

انا اقوول انك اذا شفت ارنب فكها عليه وصح عليها(( واطرد وراه ))



وان شاء الله تبا تبيض وجهك

[قناص الهمله]

يفيدونك الربع يالغالي

[دنيا بلا معنى]

يالربع الموضوع توسع بالحيل اخووي السلق ما ياكل ني لكن يصيد عادي لانها ببساطه فطره بالسلق لو ترمي كيس يركض وراه يعني اي شي يتحرك وراه وبعد فتره الخبره تلعب دورها وبعدين مجوعها ثلاث ايام يخرب عقلك والله مجرم جوعها يوم بالكثير انت كذا جالس تنتقم منها وبعدين لازم تشوفلك سلق متعلم من وين مدري مشكلتك بعيد والي ما تغلى عليك الي تعلمها هي وعشره زيها كان بك حيل تجي الجوووف ابشر تقبل مروري ............ اخوك خالد التميمي

[@قرناص@]

شكرآ على ردودكم يالغالين ومحد قصر ،،

اخوي دنيا بلاا معنى مافيه مشاكل ان الموضوع يتوسع بالعكس الفايده لي انا والاجر للاخوان ان شاء الله..

بخصوص الكلبه وتجويعها كلمة تجويع اقصد فيها حرمانها من الاكل من دجاج ولحم فقط اما الماء والخبز مع الماء تاكله وبعض العظم ولاتخاف السلق ماعليها شيئ ،،

والحين رجعت اكلتها لمحاوله ثانيه ويمكن تكون بعد اسبوع ..

شكرآ لكم يالغالين ولحد الان السلقه لم تصيد وبعض الاخوان يشك انها لوقيه ..ّّ

السلقه مواريها طيبه والصور قريبآ ان شاء الله.

قرناص