المساعد الشخصي الرقمي

مشاهدة النسخة كاملة : سف ايت


مهبااش
08/07/2009, 10:00 AM
صبحكم الله بخير وشلونكم يربع انا نو اخذ (سف ايت) بس ودي اخذ ريكم ياربع وشرايكم فيه وشنو اشريكه الافضل لاحد يبخل علي برد لاهل الخبر ومعلومه اني ابي حجمه 16 16
عاهد بن علي
08/07/2009, 10:43 AM
الله يصبحك بالرضى والعافيه

ان شاء الله الاخوان ما يقصرون
حب الوطن
08/07/2009, 10:47 AM
السلام عليكم ورحمة الله وبركاته

اخوي مهباااش

هل المقصود من سف ايت ... سفن ايت ولا لا افدنا

وان شاءالله الرجال في مكشات مايقصرون في افادتك وافادتي انا

اخوك / حب الوطن
قناص الهمله
08/07/2009, 11:04 AM
الله يرزقــــــــــك
نجم حفرالباطن
08/07/2009, 11:08 AM
ان شاء الله الاخوان مايقصرون
محمد الفهيد
08/07/2009, 01:24 PM
السفن ايت
خلطه تكون بعد الثري كوارتر
يعني يكون الطير اقرب للبيور
ويتميز بحجم أكبر يوصل 18ونص
بس بالنسبه لقياس 16 اتوقع ايكون قرموشه (مثلوث)
ويعتمد على المزرعه ونوعها
راعي غضبان
08/07/2009, 01:30 PM
وعليك السلام افادك اخوي محمد الفهيد وماقصر الله يبيض وجهه ووجهك ولك مني جزيل الشكر تقبل مرورررررررررررررررررررررررررررررررررري
ربع خالي
08/07/2009, 02:43 PM
مرحبا اخوي مهبااش ان كنت تقصد الــ 7*8 فأنا مجرب منهم الحرار وشاري اثنين منهم ,, الحر يجيك وافي وفي سرعه هائله وفي اول سنه يتعبك شوي بالاوكسيديا وهو مرض وخاصه اذا اكل حمام طازه , ولك عليه شوي مايتحمل الحراره , ولكن في ثاني سنه يبتدي في التأقلم على الجو وجسمه يبني مضاد عن الامراض , ومن يهد ويصيد وتدهله على الصيد تصبح طبوعه مثل الطيور الوحش من هداوه ,, ولكن فيهم عيب وهذا انا شفته على طيوري وما ادري اذا كل التهجين بهذا العيب او لا وهو :: بأنه يعشى عند فك البرقع للهدد او الدعو ,, واذا كنت في مقناص وانت محري بالصيده لازم تفك البرقع عنه لمدة دقيقه ومن بعدها يرد النظر الواضح للطير , وتقدر تبرقع الطير وتكمل دوارتك للصيده ,, عموما الاحسن بعد كل نصف ساعه تفك البرقع عنه لمده بسيطه ,,,( اللي بالتوقيع واحد من الطيور ال 7*8)
تقبل مروري
تحياتي
حمدان502
08/07/2009, 02:48 PM
انا اللي اعرفه اخوي انه السفن ايت يمدحونه اهل الجيرات ، وبخصوص المزرعة فأظن انه في بداية رمضان راح تتوفر في سوق دبي (ند الشبا ) وفيه طيور واجد من مزارع اروربيه مختلفة . بس يفضل انك تاخذ هاك خارجي (wild hack) ، تحياتي لك.
مذخور
08/07/2009, 03:08 PM
ماقصرو الاخوان بيض اللة وجيههم ,,
@قرناص@
08/07/2009, 03:33 PM
الاخوان ماقصرو والحقيقه ماعندي علم بالجيرآت والتفاريخ,,
أبو إبراهيم !!
08/07/2009, 06:33 PM
الله يعطيكم العافيه على الردود والمعلومات المفيدهـ
راعي صعيب111
08/07/2009, 07:41 PM
ان شاء الله الاخوان ما يقصرون
الوثبه
08/07/2009, 10:14 PM
السلام عليكم ورحمة الله وبركاته

اخوي السفن ايت الحر ايجيك من 17 وانت طالع واللي ايجي قياسه في بحر 16 يكون قرموشه
انا انصحك بالسفن ايت طير سبوق وفي ناس مجربه هالتهجين في السنين اللي مضت عندنا في الامارات وهي ناجحه وبخصوص الأمراض فالسفن ايت ما ينخاف عليه مثل البيور عادي تعطيه اول اسبوع حبوب مضاد حيوي مع العلف ويتأقلم مع الجو تدريجيا .
السفن ايت مثل اي طير ما في داعي تاخذ برقعه كل فتره قبل الهدد
بخصوص المزارع اللي تنتج الطير المزارع البريطانيه الموثوق فيها لان في بعض المزارع يبيعك الطير على انه ثري كوارتر ويقولك هذا سفن ايت
وانا من رأيي الشخصي احسن مزارع جابت السفن ايت السنه الماضيه المزرعه البريطانيه المملوكه للسيد يوسف في ابوظبي
والمزرعه الثانيه فالكون سنتر في دبي

واذا عندك اي استفسار عن الطيور في ابوظبي انا حاضر
راسلني على الخاص وفالك طيب
مهبااش
08/07/2009, 10:34 PM
بيض الله وجيهكم وماقصرتو كفيتو وفيتو
مهبااش
08/07/2009, 10:46 PM
اخوي الوثبه انا ماقدر اسل لك علي الخاص لان لازم خمسين مشاركه
حمدان502
09/07/2009, 11:34 AM
اخوي الوثبة ياليت لو تبين لنا عنوان الاخ يوسف او رقم تلفونه اذا امكن ونكون شاكرين لك بعد اذن اخوي مهباش . وتحياتي للجميع.
الوثبه
10/07/2009, 02:08 PM
اخوي مهباش حط رقم تيلفونك على العام واستأذن من المشرفين وانا راح اتصلك واعطيك كل المعلومات

اخوي حمدان ارسلي رقمك على الخاص وانا راح اخبرك بكل شي واعطيك رقم يوسف
مشبر البران
11/07/2009, 12:32 AM
يفيدونك اهل الجيرة