ميراج
07/07/2004, 12:02 PM
سواليف ميراج : من ذاكرة السنين 2
السلام عليكم ورحمة الله وبركاته
كيف حالكم يا صقاقير إنشاء الله طيبين وطيوركم بخير
كل الصقاقير فى الخيمه سولفو ومتعونا بسوالفهم ولكن القيض ما عنده نيه الظاهر سهيل مهوب حولنا الظاهرأخونا شقردى داعى علينا ونفذ تهديده اخونا الفيتو مراسلنا فى الساحل الغربى وهو يذكر لخونا عقاب علوم مجيرمه والشياهين اللى طرحت ذكرنى بأيام الشبك سنين مضت وسجات مع لحوات غانمه شرواكم لاتنسى محفوره فى الذاكره حفر .
فى سنه من السنين كنا نجهز للسفر لتركيا فى موسم الشبك وهجرة الطيور هناك وكنت متعود أتخاوى أنا ورجل يقاله ابو رشيد رجال شروكم يقطع الفرجه وأحب خوته رفقته وطرقتى أنا وياه أكثر من 28 سنه من يوم كنا طلاب فى معهد الخبراء العرب ماتغيرت المهم سيرت عليه خارج الرياض وسولفت معه ولا والله مرتخى كنه مشغول وقال حتى لو خلص شغلى ذا اليومين لازم أصل الوالده فى مكه وسلم عليها وأجلس عندها 3 أيام قلت له وقت الشبك سيف ما يصلح التأخير والظاهر ان ذا السنه مابه روحه لتركيا قال الله يريد بنا خير سريت من عنده متظايق ولانيب مبصوط يوم جا بكره الصباح ولا رجال اسمه خالد يدق على التلفون قال أبا أسيرعليك المهم جانى وقال أنه هو وخوه ودهم بمقناص تركيا وش رايك تخوينا حيث أنك تعرف المقانيص الزينه هناك وتعرف الديره أكثر منا أنا أكلمه وأنا مأيس من خوة كحيلان ابو رشيد قلت توكل على الله قال تراك اميرنا لين نرجع قلت كلشىء جاهز عطونى عماركم وجوزاتكم أسنعها من السفاره وترا ممشانا بعد بكره العصر جهزنا أمورنا وجونى على الوعد وتوكلنا على الله على جيب صالون لاند كروزر موديل 85 جديد توه مطلع من الوكاله قبل اسبوع حركنا 3 اشخاص أنا وخالد وخوه أسمه على تعدينا الحفر وتعشينا واصلنا مسرى ليل يوم جا بكره ولانا فى سوريا مرينا سوق الطيور وتقضينا لوازمنا وتجهنا الى حمص وأخذنا معنا أثنين أعرفهم واحد يصلح شبك والثانى راعى العزبه ومن بكره أتجهنا إلى طرطوس وخذنا سياره مرسيدس ديزل 200 تصدير بى 7000 ريال وسلمناها لخويانا اللى خذنا من حمص وتوجهنا إلى باب الهوى حدود تركيا المهم علشان ما أطولها عليكم جينا المقناص الأول ولا فيه 70 سياره كلهم سوريين وسعوديين ولا كل ها السيارات ما طرحت إلا طير بيع بى 11000 ريال
مشينا لمقناص ثانى اعرفه ولا نفس الشىء ما تخلص نفسك من السيارات ومطروح أكثر من 5 طيور مبيوع واحد منهن بقيمه طيبه جلسنا 4 أيام ولاكتب الله شىء وكان على بالى مقناص بعيد فى منطقه يقال لها سفرى الحصار ألمنطقه هذى تحتاج أقل شىء يومين ونص ممشا متواصل لأن الطريق بعضه ردميات وطرق زراعيه شاورة اخوياى قالو العلم عندك توكل على الله مرينا ديره أسمها أقصراى وأخذنا حمام يكفينا وتوكلنا على الله يوم جينا المقناص بعد يومين فى أخر الليل وأصبحنا ولا القاع سايله ولا والله السيارات تحت شجره عند النهر توجهنا لهم نبى حمض العلوم ولا والله ناس يقال لهم الحديديين من سوريا 8 سيارات أعرف بعضهم سألتهم عن السنجاب عساه واجد قالو واجد لأنه يحبه الطير أكبر من الجرذى يوقف على رجليه تلقاه مترزز دايم جلسنا فى المقناص 10 أيام ولا كتب الله شىء أخوياى نشاما ما تحس بالغربه معهم يتسابقون على العلم الطيب أنا ودى لهم بخير ومتظايق ما ودى يفلسون صلينا العشى هاك اليوم ودعيت الله أنه ما يضيع تعبنا ونمت ما تعشيت قلت لخوياى أنا مالى فى العشى وكانت العاده أذا بغينا نمرح نتفرق نخاف يهجدنا احد نمت لى يجى ساعه وتوقضت على نور موتر عنا 3 كيلو قمت وعلمت ربعى وقلت الموتر ناصيكم لأن ماله درب إلا من عندنا وصلنا الموتر ونزل منه أثنين وسلمو ولا والله عرب رحبنا بهم وجلسو قالو هذى عزبة فلان قلنا وصلتو ولاهم سوريين قال واحد منهم ما فيه إلا سلامتكم حنا عندنا طير من 4 ايام وعجزنا عنه والطير كفو يستاهل التعب وحنا ما خلينا عنه شىء واليوم شاركونا كود يقوم حظنا وحظكم وتراكم أهل سدس ورانا 4 سيارات غيرنا قلت وش بعده عنا قال 65 كيلو مع طريق مهد قلت توكلو على الله وسرينا وأمرحنا قبله ب 2 كيلو يوم اصبحنا ولا والله هذا هو على الجال أبيض كنه مروه ولا معى زراجى ( فرخ قطا ) وركب الشبكه عليه وجهزه ونكزه له ولا والله ماجاها يوم الله كتب لنا نصيب فيه ويحول علينا فرخ اخضر ويطلب القطات يوم شافه القرناس ولا والله أشوفه يوم بحض ولا يوم أرخى جناحه يبى الفرخ والقطات ما شفت فى حياتى اسبق من ذاك الوحش وينش الفرخ مره والقطات مره يوم جا هاك المره وهو يعلق القطات ويوقع ونقوم نديره من بعيد نبى نوكد الشبكه عالقه والطير بين أذا كان معلق ولا والله يرص عمره على الصيده قلت لخوى سق عليه إنشاء الله انه فى الشبكه ولا قدامنا مربخ ماء ما درينا عنه المهم سقنا عليه وظف الصيده وطار بها يوم شفناه من قريب ولا والله طير السعد ونعلق البوارى عليه ونطق التنده ولا كنه شايل عصفور وصلنا الما اللى اقول ما درينا عنه ولا اخوينا خالد يوم هاب من الطين والطير يسوحل بى يوقع وأنا اصيح عليه سق سق تكفى لايروح خالد يا محزم بطنى قال ايوالله خالد وهو يدوس على جهة الطير قطوع والبوارى معلقه طح طح طح ولا يوم فك القطات يوم شاف الموتر فى الطين يبى يتخلص منها ولاه معلق وهو يجيك يبى القاع ونحول عليه ونمهده ولا والله طير امير 0 أخوانا السوريين عندهم طبع إذا طرحو طير يعلقون البوارى ويولعون لأنوار علشان الشريطيه يدرون أنهم صايدين وصلونا اخويانا وباركنا لبعض ونقوم نسنع طيرنا نسبقه ياالله لقينا برقع يركب عليه ثنو مصيبه صلحنا قهوتنا وفطورنا وجونا القوانيص يباركون ويشوفون الطير طبعاً فى كل مقناص فيه مخبرين للشريطيه اللى فى سوريا المهم بكره جونا الرحيباويه وشروه منا = 216000 ريال سعودى كل سياره نصيبهم 36000 الف ريال هذا اول خير ونرجع لمقناصنا وبعد يومين صدنا شيهانه ( قوسيه ) وبعد عشر أيام صدنا طير بعناه 8000 الاف ريال أبو رشيد ما عنده وسيلة أتصال إلا الرحيباويه فى سوريا وعلموه انهم شرو منا طير غالى وهو ما توقع أنى أبا روح لتركيا وأنا ما علمته المهم يوم رجعنا للرياض ويذبح الوالد الله يرحمه ذاك الطلى ويعزم اخوياى ويعزم ابو رشيد يوم جانا وتعشينا وهو يهل علينا ابو رشيد ذيك القصيده . زعل على روحتنا ما علمناه وهو شاعر معروف .
وإليكم القصيده وأعتذر عن الأطاله
سر يا قلم سجل كلام تهيا=حيث أن خير أصحابنا قد نسينا
أثرك يابو طارق أتسوى كذيا=تروح ما علمتنى يا الخدينا
تقول ابى اقضى ها الأجازه هنيا=واثرك تخطط للسفر من سنينا
زعلت ليننى كشفت الغبيا=ومادام هذا علمكم سامحينا
انا احسب أنك رايح هسويا=وانك رفيق أمفرغين اليدينا
وثرك أمخاوى طيبين الحميا=اللى لهم فى المجد سن وسنينا
ناس (ن) عوايدها تحشم الخويا=ماهوب ناصب لخوياه الكمينا
مال 0000 فى المراجل نهيا=سلم(ن) لجدانن لهم قادمينا
واللى على طيب الجدود امغذيا=الطيبين اعيالهم طيبينا
زرت الديار اللى هواها عذيا=دار(ن) هواها ينعش الميتينا
دار(ن)تخلى ميت القلب حيا=تفرج أهموم المستهام الحزينا
ياليتنى خاويتكم لو شويا=ومعكم على هاك المراتع غزينا
مير العوض مقبل ووقتك مديا=الله يفرجها عليك وعلينا
أرجوه يلحقنا السعد فى البقيا=أمين يارب العباد اجمعينا
وقبل تحياتى وقدرك عليا=وأحذر تقول إن الهديا نسيناقائل القصيده ابو رشيد
وهو : الشاعر جاسر بن رشيد العصيمى العتيبى
وسلامتكم وعذرا على الأطاله
السلام عليكم ورحمة الله وبركاته
كيف حالكم يا صقاقير إنشاء الله طيبين وطيوركم بخير
كل الصقاقير فى الخيمه سولفو ومتعونا بسوالفهم ولكن القيض ما عنده نيه الظاهر سهيل مهوب حولنا الظاهرأخونا شقردى داعى علينا ونفذ تهديده اخونا الفيتو مراسلنا فى الساحل الغربى وهو يذكر لخونا عقاب علوم مجيرمه والشياهين اللى طرحت ذكرنى بأيام الشبك سنين مضت وسجات مع لحوات غانمه شرواكم لاتنسى محفوره فى الذاكره حفر .
فى سنه من السنين كنا نجهز للسفر لتركيا فى موسم الشبك وهجرة الطيور هناك وكنت متعود أتخاوى أنا ورجل يقاله ابو رشيد رجال شروكم يقطع الفرجه وأحب خوته رفقته وطرقتى أنا وياه أكثر من 28 سنه من يوم كنا طلاب فى معهد الخبراء العرب ماتغيرت المهم سيرت عليه خارج الرياض وسولفت معه ولا والله مرتخى كنه مشغول وقال حتى لو خلص شغلى ذا اليومين لازم أصل الوالده فى مكه وسلم عليها وأجلس عندها 3 أيام قلت له وقت الشبك سيف ما يصلح التأخير والظاهر ان ذا السنه مابه روحه لتركيا قال الله يريد بنا خير سريت من عنده متظايق ولانيب مبصوط يوم جا بكره الصباح ولا رجال اسمه خالد يدق على التلفون قال أبا أسيرعليك المهم جانى وقال أنه هو وخوه ودهم بمقناص تركيا وش رايك تخوينا حيث أنك تعرف المقانيص الزينه هناك وتعرف الديره أكثر منا أنا أكلمه وأنا مأيس من خوة كحيلان ابو رشيد قلت توكل على الله قال تراك اميرنا لين نرجع قلت كلشىء جاهز عطونى عماركم وجوزاتكم أسنعها من السفاره وترا ممشانا بعد بكره العصر جهزنا أمورنا وجونى على الوعد وتوكلنا على الله على جيب صالون لاند كروزر موديل 85 جديد توه مطلع من الوكاله قبل اسبوع حركنا 3 اشخاص أنا وخالد وخوه أسمه على تعدينا الحفر وتعشينا واصلنا مسرى ليل يوم جا بكره ولانا فى سوريا مرينا سوق الطيور وتقضينا لوازمنا وتجهنا الى حمص وأخذنا معنا أثنين أعرفهم واحد يصلح شبك والثانى راعى العزبه ومن بكره أتجهنا إلى طرطوس وخذنا سياره مرسيدس ديزل 200 تصدير بى 7000 ريال وسلمناها لخويانا اللى خذنا من حمص وتوجهنا إلى باب الهوى حدود تركيا المهم علشان ما أطولها عليكم جينا المقناص الأول ولا فيه 70 سياره كلهم سوريين وسعوديين ولا كل ها السيارات ما طرحت إلا طير بيع بى 11000 ريال
مشينا لمقناص ثانى اعرفه ولا نفس الشىء ما تخلص نفسك من السيارات ومطروح أكثر من 5 طيور مبيوع واحد منهن بقيمه طيبه جلسنا 4 أيام ولاكتب الله شىء وكان على بالى مقناص بعيد فى منطقه يقال لها سفرى الحصار ألمنطقه هذى تحتاج أقل شىء يومين ونص ممشا متواصل لأن الطريق بعضه ردميات وطرق زراعيه شاورة اخوياى قالو العلم عندك توكل على الله مرينا ديره أسمها أقصراى وأخذنا حمام يكفينا وتوكلنا على الله يوم جينا المقناص بعد يومين فى أخر الليل وأصبحنا ولا القاع سايله ولا والله السيارات تحت شجره عند النهر توجهنا لهم نبى حمض العلوم ولا والله ناس يقال لهم الحديديين من سوريا 8 سيارات أعرف بعضهم سألتهم عن السنجاب عساه واجد قالو واجد لأنه يحبه الطير أكبر من الجرذى يوقف على رجليه تلقاه مترزز دايم جلسنا فى المقناص 10 أيام ولا كتب الله شىء أخوياى نشاما ما تحس بالغربه معهم يتسابقون على العلم الطيب أنا ودى لهم بخير ومتظايق ما ودى يفلسون صلينا العشى هاك اليوم ودعيت الله أنه ما يضيع تعبنا ونمت ما تعشيت قلت لخوياى أنا مالى فى العشى وكانت العاده أذا بغينا نمرح نتفرق نخاف يهجدنا احد نمت لى يجى ساعه وتوقضت على نور موتر عنا 3 كيلو قمت وعلمت ربعى وقلت الموتر ناصيكم لأن ماله درب إلا من عندنا وصلنا الموتر ونزل منه أثنين وسلمو ولا والله عرب رحبنا بهم وجلسو قالو هذى عزبة فلان قلنا وصلتو ولاهم سوريين قال واحد منهم ما فيه إلا سلامتكم حنا عندنا طير من 4 ايام وعجزنا عنه والطير كفو يستاهل التعب وحنا ما خلينا عنه شىء واليوم شاركونا كود يقوم حظنا وحظكم وتراكم أهل سدس ورانا 4 سيارات غيرنا قلت وش بعده عنا قال 65 كيلو مع طريق مهد قلت توكلو على الله وسرينا وأمرحنا قبله ب 2 كيلو يوم اصبحنا ولا والله هذا هو على الجال أبيض كنه مروه ولا معى زراجى ( فرخ قطا ) وركب الشبكه عليه وجهزه ونكزه له ولا والله ماجاها يوم الله كتب لنا نصيب فيه ويحول علينا فرخ اخضر ويطلب القطات يوم شافه القرناس ولا والله أشوفه يوم بحض ولا يوم أرخى جناحه يبى الفرخ والقطات ما شفت فى حياتى اسبق من ذاك الوحش وينش الفرخ مره والقطات مره يوم جا هاك المره وهو يعلق القطات ويوقع ونقوم نديره من بعيد نبى نوكد الشبكه عالقه والطير بين أذا كان معلق ولا والله يرص عمره على الصيده قلت لخوى سق عليه إنشاء الله انه فى الشبكه ولا قدامنا مربخ ماء ما درينا عنه المهم سقنا عليه وظف الصيده وطار بها يوم شفناه من قريب ولا والله طير السعد ونعلق البوارى عليه ونطق التنده ولا كنه شايل عصفور وصلنا الما اللى اقول ما درينا عنه ولا اخوينا خالد يوم هاب من الطين والطير يسوحل بى يوقع وأنا اصيح عليه سق سق تكفى لايروح خالد يا محزم بطنى قال ايوالله خالد وهو يدوس على جهة الطير قطوع والبوارى معلقه طح طح طح ولا يوم فك القطات يوم شاف الموتر فى الطين يبى يتخلص منها ولاه معلق وهو يجيك يبى القاع ونحول عليه ونمهده ولا والله طير امير 0 أخوانا السوريين عندهم طبع إذا طرحو طير يعلقون البوارى ويولعون لأنوار علشان الشريطيه يدرون أنهم صايدين وصلونا اخويانا وباركنا لبعض ونقوم نسنع طيرنا نسبقه ياالله لقينا برقع يركب عليه ثنو مصيبه صلحنا قهوتنا وفطورنا وجونا القوانيص يباركون ويشوفون الطير طبعاً فى كل مقناص فيه مخبرين للشريطيه اللى فى سوريا المهم بكره جونا الرحيباويه وشروه منا = 216000 ريال سعودى كل سياره نصيبهم 36000 الف ريال هذا اول خير ونرجع لمقناصنا وبعد يومين صدنا شيهانه ( قوسيه ) وبعد عشر أيام صدنا طير بعناه 8000 الاف ريال أبو رشيد ما عنده وسيلة أتصال إلا الرحيباويه فى سوريا وعلموه انهم شرو منا طير غالى وهو ما توقع أنى أبا روح لتركيا وأنا ما علمته المهم يوم رجعنا للرياض ويذبح الوالد الله يرحمه ذاك الطلى ويعزم اخوياى ويعزم ابو رشيد يوم جانا وتعشينا وهو يهل علينا ابو رشيد ذيك القصيده . زعل على روحتنا ما علمناه وهو شاعر معروف .
وإليكم القصيده وأعتذر عن الأطاله
سر يا قلم سجل كلام تهيا=حيث أن خير أصحابنا قد نسينا
أثرك يابو طارق أتسوى كذيا=تروح ما علمتنى يا الخدينا
تقول ابى اقضى ها الأجازه هنيا=واثرك تخطط للسفر من سنينا
زعلت ليننى كشفت الغبيا=ومادام هذا علمكم سامحينا
انا احسب أنك رايح هسويا=وانك رفيق أمفرغين اليدينا
وثرك أمخاوى طيبين الحميا=اللى لهم فى المجد سن وسنينا
ناس (ن) عوايدها تحشم الخويا=ماهوب ناصب لخوياه الكمينا
مال 0000 فى المراجل نهيا=سلم(ن) لجدانن لهم قادمينا
واللى على طيب الجدود امغذيا=الطيبين اعيالهم طيبينا
زرت الديار اللى هواها عذيا=دار(ن) هواها ينعش الميتينا
دار(ن)تخلى ميت القلب حيا=تفرج أهموم المستهام الحزينا
ياليتنى خاويتكم لو شويا=ومعكم على هاك المراتع غزينا
مير العوض مقبل ووقتك مديا=الله يفرجها عليك وعلينا
أرجوه يلحقنا السعد فى البقيا=أمين يارب العباد اجمعينا
وقبل تحياتى وقدرك عليا=وأحذر تقول إن الهديا نسيناقائل القصيده ابو رشيد
وهو : الشاعر جاسر بن رشيد العصيمى العتيبى
وسلامتكم وعذرا على الأطاله