المساعد الشخصي الرقمي

مشاهدة النسخة كاملة : هذا اللى قال لى وكيل دار موجه !!


صلهامه
08/07/2004, 05:14 AM
السلام عليكم ورحمة الله وبركاته

اشتريت قبل خمسة ايام جهاز جارمن 176cبسعر 2030 ريال مع الشريحه 16 وخرائط تفصيليه

الجهاز لحاله بــ 1800 .............. ويوم جيته بعدها باربعة ايام قال لى ترى الشركه وقفت انتاج الجهازهذا
وارتفع سعره الحين صار بــ 2000 ...... ويمكن يزيد ...

قلت له ليش وقفوه ؟؟ قال لى يمكن عشان يطرحون عنه الانتاج الجديد 276 ... هذا اوضح شاشه واكثر الوان ....


مدرى يا جماعه هل انا استعجلت بالشراء والا لا ؟؟


واذا مكنم احد جرب النوع الجديد يقول لنا وش رايه ؟؟


والسلام
خشم الحصان
09/07/2004, 02:02 AM
الاخ الغالي
صلهامه
السلام عليكم
ليش يابعدهم يضيق صدرك الجهاز قمة ولا فيه عذروب بنسبه للستعمال اذا ليش يضيق الصدر
ياضيق الصدر وسع الخاطر واذا كان عندك شك في الجهاز اكتب الي تبي تعرفه ومضيق صدرك واذا تبي نبذه عن جهاز 276c الي يقول لك وكيل دار موجه هذا هو(http://www.mekshat.com/vb/showthread.php?s=&threadid=17100
بعدين هنالك عدة محلات تبيع قارمن لزم الوكيل
اخوك
خشم الحصان
صلهامه
09/07/2004, 01:03 PM
هل اوالله وغلا بك خشم

يا عزوتى مانى زعلان ..... سؤالى كان عن توقيف انتاج الجهاز 176c يعنى اللى عنده واحد يمسكه ...

يقولون ان من ميزات الجهاز 276cالجديد انه اكثر الوان وأوضح فى النهار بس ...


وتسلم يا عزوتى
السعلو
11/07/2004, 07:55 AM
بس عاد الوكيل يعرف معلومات اكثر من غيره ويوم عرف انه وقف انتاجه من الشركة ارسل احد عماله للمحلات اللي عندهم 176 والذين يشترونه من خارج المملكة وعندهم كمية كبيرة منه وهم ما يدرون انه توقف انتاجه وضف اللي عندهم ( ضف الاجهزة اللى في السوق كلها ) وذلك تمهيدا لرفع اسعارها

هذه المعلومات رواها لي احد الثقات والذي افادني انه رأي الوكيل يشترى من احد منافسية 100 جهاز 176

( اللهم لا تبارك و لا توفق كل من يرفع الاسعارعلى المسلمين او يقوم بالاحتكار امين)
مثابر
11/07/2004, 10:55 AM
والله سالفة الاحتكار هذي مدوختنا
Khalid AlGhamdi
11/07/2004, 12:14 PM
والله عندنا شي عجيب

الحين المفروض ينزل سعره اكثر من 1700 بما انه فيه نوع جديد نازل مو يرفعون سعر القديم لانه توقف انتاجه !!!
وصلا مجرد ان الشركة توقف انتاجه المفروض يطيح سعره اكثر واكثر

يعني هو افضل من الجديد يوم يرفعون سعره ولا فيه مواصفات خاصه ماتلاقيها الا فيه !!

وين حماية المستهلك !!! شكلها صارت حماية التجار !!!

الله المستعان ، لكن زي ماقال السعلو

( اللهم لا تبارك و لا توفق كل من يرفع الاسعارعلى المسلمين او يقوم بالاحتكار امين)
gulfhunter
11/07/2004, 05:27 PM
السلام عليكم ورحمة الله وبركاته

أنا لي راي في موضوع أحتكار 176 .... أعتقد ان الوكيل راح يبتلش في الجهاز لأن الجهاز الجديد 276 هو تطوير الجهاز القديم (176) والشركه تلافة المشاكل الى في الجهاز القديم....... (لا تزعل يا صلهامه)
الرهالي
11/07/2004, 08:49 PM
السلام عليكم ورحمة الله وبركاته
الاخوة الاعزاء
جهاز جارمن 176C موجود لدى دار البوصلة ولم ينقطع لديها ومازال سعر الجملة كما هو 1700 ريال وسعر الجهاز الواحد يتراوح بين 1750-1800 ريال ولن يتم رفع سعر الجهاز حسب معلوماتي من الاخوة في دار البوصلة .

دمتم في حفظ الله.
خشم الحصان
11/07/2004, 09:46 PM
الاخوه الغالين
السلام عليكم
اذا كان هذا سواياهم مع الناس لاعاد تذكرونهم بانهم هم الوحدين الموجودين في السوق فافيه محلات كثيره مزالت مبيقيه السعر القديم علي ماهو عليه لذي يجب ذكر المحلات التي تحترم الكشات مثل دار البوصله علي ذكر الاخ الغالي(الرهالي) وغيرها وتركو دار موجه وعلي قول المثل (خلو دار موجه في سبد اهلها) ومافي هالبلد الا هالولد واذا كنتم تعرفون عنوان الشركه ارسلو لهم رسايل بالبريد الاكتروني عن سبب كنس جميع الاجهزه التي في السوق وحصرها في الشركه ومن ثما رفع السعر (حسبي الله ونعم الوكيل عليهم)
اخوكم
خشم الحصان
سنافي
12/07/2004, 01:45 AM
الأصل كُتب بواسطة خشم الحصان
الاخوه الغالين
السلام عليكم
اذا كان هذا سواياهم مع الناس لاعاد تذكرونهم بانهم هم الوحدين الموجودين في السوق فافيه محلات كثيره مزالت مبيقيه السعر القديم علي ماهو عليه لذي يجب ذكر المحلات التي تحترم الكشات مثل دار البوصله علي ذكر الاخ الغالي(الرهالي) وغيرها وتركو دار موجه وعلي قول المثل (خلو دار موجه في سبد اهلها) ومافي هالبلد الا هالولد واذا كنتم تعرفون عنوان الشركه ارسلو لهم رسايل بالبريد الاكتروني عن سبب كنس جميع الاجهزه التي في السوق وحصرها في الشركه ومن ثما رفع السعر (حسبي الله ونعم الوكيل عليهم)
اخوكم
خشم الحصان
ظفيري القصيم
14/07/2004, 04:12 PM
والله غريب هذا الكلام عن القارمن 176 نعم إنه جهاز جيد بس فقط سمعته تعدت أجهزة افضل منه كثيرا ولا أعرف السبب

هل فيه أحد في المنتدي يملك محل فيه كثيرا من هذا النوع ويريد تصريفها أو ماذاالسبب

الوانه ليس واضحة بالمقارنه بالإجهزه الأخري وإستقباله عادي

ومن بتقي الله يجعل له مخرجا ويرزقه من حيث لايحتسب


والفرق بينه وبين 276 مثل الفرق بين الفكس أر والجي إكس