احتاج الى مساعدتكم في اخراج تصريح

[abuufahad]

السلام عليكم

يعطيكم العافيه جميعا

انا احتاج الى استخراج رخصه جديد لطراد

هل يوجد احد ثقه ممكن يساعدني وياخذ اتعابه على استخراج التصريح

او

ماهي الطرق والاجرأت الاسهل في استخراج رخصه نزهه للطراد

وسؤال اخير

كيف اقدر اعمل مبايعه وهل معارض السيارات هم من يمكن ان يعمل مبايعه او اي مكتب عادي

والف شكر على المساعده مقدما

للمعلوميه انا في الخبر - الشرقيه

[abuufahad]

:confused: :confused: :confused: :confused: :confused: :confused: :j

[محآآآآآآآآآآر]

وعليكم السلام ورحمة الله وبركاتة
ياهلا بيك والله يابوفهد
بالنسبة لإستخراج تصريح جديد للطراد تحتاج إلى فواتير شراء ( من المصنع )
ويتم إستخراجها من وزارة النقل والمواصلات
وأما بالنسبة للمبايعة فتتم عند شيخ الصيادين أو في الثروة السمكية
هل يوجد احد ثقه ممكن يساعدني
والله يابوفهد كان بودي أساعدك لكن أخوك من مدينة ينبع البحر
أتمنى تلقى من يساعدك من الشباب المكشاتية
أخوك،،،،،،
محآآآآآآآآآآر

[abuufahad]

الله يعطيك العافيه اخوي محااااااار وما قصرت الله يسعدك

[skyhawk]

السلام عليكم،

محاكيك توه مشتريله طراد وأنتهيت من أوراقه....
إذا كان مستعمل:

1- ورقة المبايعه من وزارة المواصلات قسم النقل البحري بالدمام.
2- يتم تعبئة المبايعه وترفق مع دفاتر الطراد (الرخصه - الملكيه - دفتر نزول البحر) ويتم التصديق عليها من العمده.
3- فحص الطراد من قبل مشرف النقل البحري (كل سبت يأتي لفرضة الخبر) أو تصوير الطراد ومعداته كاملة والقصيبي للنقل البحري (على خط الكباري بجانب وكالة هوندا) يقوم بالفحص مقابل 150 ريال.
4- شيك مصدق بقيمة 300 ريال بأسم (مؤسسة النقد العربي السعودي)
5- مراجعة حرس الحدود بالخبر (الفرضه القديمه مقابل الشرطه) لإصدار دفتر نزول جديد للقارب بأسمك.
6- ترفع جميع الأوراق للنقل البحري بوزارة المواصلات بالدمام وخلال يوم تستلم الرخصه وبقية الدفاتر بأسمك.

وبالتوفيق،،،

[abuufahad]

الله يبيض وجهك ياغالي ماقصرت الله يسعدك

[فهد العامر]

اشكركم جميعاً ونا والله كنت ابي زي هاذي المعلومات وعندي استفسار يا اهل الخير هل اذا بشتري قارب لابد اني اعرف الغوص او السباحه ولا عادي ..

[كنعد]

اشكركم جميعاً ونا والله كنت ابي زي هاذي المعلومات وعندي استفسار يا اهل الخير هل اذا بشتري قارب لابد اني اعرف الغوص او السباحه ولا عادي ..


اذا جيت تطلع رخصة صيد لك انت وليس للقارب مثل رخصة السيارة

يسالونك اذا تعرف تسبح؟ ولا لا

[صايد الحوت]

لزم شهاده مصدقه انك تعرف تسبح وصوره منها والله يعينك على الشهاده انا جلست شهر على مادبرتها ولا بواسطه بعد عشان شهاده سباحه يوم ماقدرت ادبرها كنت بكتب على القارب للبيع لعدم التفرغ هههههههههههههه والله يوفقك يارب تحياتي

[فهد العامر]

يعني شغله

طيب منوين اجيب رخصه سباحه وبكم ياخذون ..

[كنعد]

غريييييييييييبة

مااتوقع يسالون على شهادة سباحة

يمكن عندكم في جدة بس

بس بمدينة الدمام مااسئلوني الا سؤال واحد

(( تعرف تسبح ولا لا ؟؟ قلت لهم اعرف اسبح قالي اكييييد لا تكذب علينا قلت اكيد ))

[صايد الحوت]

انا سويتها في الجبيل ياالغالي واذا انت تعرف احد في الجبيل او تجي الجبيل في نادي الولوه هناك يسونه 100 او 150 ريال وبتوفيق