تكفون يالنشاما مالقيت لصوت الدفرنس (الكرونة) حل فزعتكم ياهل الخبره

[ALMOKTAR]

اولاً امسيكم واصبحكم بالخير ياهل مكشات الطيبين
ثانياً عندي صوت الكرونة الخلفي في سيارتي ومالقيت لة حل لي اكثر من شهر ما خليت ورشه
طبيعة الصوت:
(يطلع لي حنة خفيفة نسبياً مابين سرعة ال60و100 واذا رفعت رجلي عن البنزين يروح الصوت او حطيت الموتر وانا ماشي في N برضة يختفي الصوت)
تاريخ المشكلة:
(من اكثر من شهرين كان عندي صوت خفيف جداً جداً مابين ال60وال80 وبعد شهر زاد الصوت ولكنة لم يصل الى درجة الازعاج القوي و الان اعاني من هذا الصوت جداً مع ان استخدامي للسيارة محافظ جداً)
الاجراء:
1(لم اتخذ اي اجراء لعدم اقتناعي بأراء الكثير من الميكانيكيين فمنهم من قال حط شحم واللي قال نشارة خشب واللي قال اللة يكرم النعمة حط موز والاغلبية قالو غير)
2(كلما رحت اغير زيت الماكينة عند قلف اكسبرس قالو غير زيت الدفرنس وانا ماغيرتة بناءاً على نصيحت المكيانيكي الخاص ولان ما حد غير زيت كرونة ومشت معه اكثر من شهر الا وهي مخبطة مع ان الزيت انا شفتة اسود محروق وانا خايف اغير يجيني ما جا غيري)
هذا وسلامتكم واسف للاطالة بس كنت ابغى ابين المشكلة من جميع الجوانب
مع العلم ان سيارتي فورد

[ابوظبي سيف]

عزيزي

المشكله هذي عانى منها واحد من زملانا وسيارته فورد وكل شي قالوه سواه ومانفع الا بعد ماغير الدفرنس بالمره وارتاح وانت احسن غيره واختصر الوقت والدراهم

[AMAZ]

اول شي :
انصحك بتغيير الزيت لكن لازم يكون الزيت (من عند وكالة جي ام سي(الجميح او بالبيد او التوكيلات) الزيت يجي كل علبه واحد لتر سعر العلبه الواحده تقريبا (45إلى 60) ريال ولا تنسى تاخذ معاه مثبت الزيت . سعره(25) ريال علبه واحده .
اما بخصوص الزيوت الموجودة لدى البناشر وكذلك قلف (ابعد عنها رايح تحوس عليك وتخرب عليك اكثر من اول واسئل مجرب كان عندي صوت خفيف ولما غيرت زيت من عند البنشري زاد الصوت اكثر من اول وضطريت اغير كارونه كامله وكان السبب من تغيير الزيت الموجود لدى البناشر . ).على فكره الزيت ماتحصله تقريبا الا عند الوكالات المذكوره حتى قطع الغيار ماتلقاه عندهم . خذلك في البداية خمس علب مع المثبت .

[MماونشيM]

الله يكون بعونك ويفرج همك

[صلهامه]

جرب تحط زيت خاص نوع 80/90 ثمانين على تسعين
كان عندى بليزر وغيرت زيت الدفرنس عند ورشه مو بنشرى قال لى رح جب زيت 80/90 ولزم على هالزيت ورحت دخت على الصناعية القديمة فى البطحا ما لقيته كل اللى عندهم زيت 145 ولقيته عند الوكالة ومن يومها والسيارة مضبوطه

لكن اصبر يمكن احد الاخوان يفيدك اكثر

[بدوي جنوبي]

نصيحتي لك اترك كل شيئ كما هو
لا تغير زيت ،، اذا كان ناقص زود زيت عيار 140 الاصلي 1 جالون لون العلبه اخضر مكتوب عليه زيت تروس بالبيد
ولا تصلح اي قطعه
والصوت اللي عندك بسيط جدااا ،،، وترا يعتبر طبيعي
وسبب الصوت فضاوة بسيطه بين ترس التاج والبنيون

تحياتي

[سوبر VTC]

هلا و غلا اخوي
و الله يعينك
عموما اذا انت بالقصيم
اوصف لك ورشه سعودي متخصص بالامريكي
و رجال نصوح و يخاف الله
تحياتي

[الكايف2]

مرحبا بالجميع استأذن اخوي صاحب الموضوع واقول انا برضه عندي
نفس المشكله ولكن السياره نيسان شاص لعل الحل يجينا جميع
تحياتي

[راعي المجهم]

حط موز أو نشارة خشب يختفي الصوت بنسبة 85 % بإذن الله

[ALMOKTAR]

والله احترت ما ادري ويش اسوي والمشكلة يابدوي جنوبي ان الصوت قاعد يزيد والزيت اسود محروق بس اذا تعرف كيف اسوي حل للفضاوة دلني تكفى
وانا ما ادري الموز ونشارة الخشب هل هي مجربة وهل تنفع للفورد

[القناص 2008]

السلام عليكم اخوي
انا على خبرتي اشوف ان كلام اخوي بدوي جنوبي مشرفنا
رأيه سليم او الكرونه ممكن تكون الكرونه وحده من السنن رايحه
واتمنا اني افدتك اخوك القناص 2008 تحياتي

[القناص 2008]

ولذلك يحدث ونه في الدفرنس الخلفي

[أبوعبدالمحسن]

بسم الله الرحمن الرحيم
أخي العزيز أنا صارت معي بجيب تايوتا صالون 97 ورحت على أكثر من مكنيك وكلهم معلمين وفنانين بالجيوب وكل واحد قعد يفتيلي فتوى غير واحد قال الكرونه واحد قال عامود البيليه واحد قال الدفرنس واحد قال مسننات الكرونه.........!
المهم شفت أكثر شيء حسيت أنه قريب وأشترط عليه أذا ماهي العله يرجع لي السيارة زي ماجبتها له ولاله ولاريال المهم كانت مسننات الكرونه لابد من فرط الكرونه وتغيير مسنناتها وزبطة معاي مية بالمية وأنتهى الصوت لكن أنصح تركب مسننات أصلي

[كيبك كبك]

يبيلك وزن كارونه

[كايد]

السلام عليكم

شف اخوي الغالي


انا عندي باترول 96 جنني بالصوت اللي ذكرت وكلن يفتي
رحت قالو عمود وطلع العمود زين
قالو رمانات الدبل واروح لورشة العتيبي بالصناعية القديمة ولقيت سوري الله يجزاه خير اسمه ابو عبدو رجل ناصح وكشف وجرب "ملاحظة اذا شغلت الدبل يختفي الصوت" المهم حط الموتر عالحفره ورفع الموتر ومشاه الين 80 كم/س
المهم وكشف ثم شغلو الدبل على نفس الوضعيه
قال روح عندي الدبل والقيور 100%
عندي اما الكرونة او الدفرنس
طبعا ما اخذ ولاريال

المهم رحت لورشه تشارجر وقلت له عن السالفه وطلعت المشكلة من الدفرنس ...

اهم شي لا تستعجل ولا يضيق صدرك كل مشكلة ولها حل .
تقبل تحياتي

[shaheenshah]

شف وانا اخوك جميع الحلول اللي اشاروا بها الاخوان هي حلول مؤقتة
الموز والنشارة علشان يثقل الزيت ويملأ الفراغ ويخف الصوت
وانا لو اني مكانك كان غيرته على طول اختصارا للوقت والجهد والقلق والتكاليف
ونادراً ما تنفك الكارونه وترجع زي اول بدون مشاكل وهالكلام عن تجربه