المساعد الشخصي الرقمي

مشاهدة النسخة كاملة : ارجو الدخول للأهميه جدآ وا ارجو الرد


ابو حصوصه
10/07/2009, 06:04 PM
بسم الله الرحمن الرحيم

السلام عليكم ورحمة الله وبركاتة ،،،،

وبعد التحيه ،،

أمل من له خبره في تربيط اليكون او يعرف مكان زين يربط اليكون الدينالي والله يا اخوان تعبت وانا ادور كل ما رحت ليماني احسه نصاب وانا مالي خبره زود بهل الصناعيه طبعآ انا موجود في الرياض وطالبكم طلبه الا يعرف مكان كويس يعلمني اياه ومالكم غير الاجر بأذن الله تعالي لن موتري متفكك مره حتي الابواب مع المطب تهز وانا بسافر يوم الخميس الجاي بأذن الله تعالي بودي الوالده الله يطول بعمره بمشيه. ارجو الافاده منكم ودمتم بحفظ الله ورعايته

سبحان الله وبحمده سبحان الله العظيم
الا بذكر الله تطمئن القلوب
لا اله الا الله استغفره واتوب اليه
دخيل العتيبي
10/07/2009, 06:45 PM
رح لمشعل العتيبي الصناعيه القديمه وذمني وامدحني بس لاتكثرالكلام معه تراه شايب نفسه في راس خشمه اذاقمت تحرص عليه قالك خذموترك وطلع وشغله مظبوط وغالى وهو الى يشتغل بنفسه تحياتي
ابو حصوصه
10/07/2009, 06:53 PM
رح لمشعل العتيبي الصناعيه القديمه وذمني وامدحني بس لاتكثرالكلام معه تراه شايب نفسه في راس خشمه اذاقمت تحرص عليه قالك خذموترك وطلع وشغله مظبوط وغالى وهو الى يشتغل بنفسه تحياتي


جزاك الله خير اخوي ولكن تقدر تحددلي موقعه بضبط او تقريبآ وتقبل تحياتي .
أمطار الخريف
10/07/2009, 06:54 PM
ابو حصوصه .. تبي رايي لا تربط التربيط يضر الموتر وأنا خوكـ
بعدين ترى التربيط في بعض الورش نصب x نصب طيب وش دراك انه ربط زين يعني لعب في لعب نصيحتي خل موترك زي ماهو ...
تمنياتي لك بتوفيق ان شاء الله
ابو حصوصه
10/07/2009, 06:59 PM
ابو حصوصه .. تبي رايي لا تربط التربيط يضر الموتر وأنا خوكـ
بعدين ترى التربيط في بعض الورش نصب x نصب طيب وش دراك انه ربط زين يعني لعب في لعب نصيحتي خل موترك زي ماهو ...
تمنياتي لك بتوفيق ان شاء الله

الله لا يهينك ع الرد ولكن كلامك في محله لكن الموتر متفكك وانا فكرت قلت خل اربطه يمكن يزين ولكن بشوف كيف طريقتهم كيف التربيط او بجلس عندهم تحياتي لك اخوي .
abc-00-abc
10/07/2009, 09:29 PM
و عليكم السلام و رحمة الله و بركاتة

فيه و رشه اسمها و رشة الخليج
يشتغل فيها هندي و فلبينيين

دخلت الجيب ( قراند شيروكي
) عندهم قبل اسبوعين و كان فيه اصوات مع اي مطب
و بعد ما صلحته الحمد لله طلع الموتر ما يحتاج

و صف الورشه طريق الخرج تخلي السالم للزجاج على اليمين و وجهك شمال
تمشي لحد ما يجيك كبري المشاة بعده لف على اليمين اول تقاطع شف الورشه
على يدك اليمين اسمها ورشة الخليج
الورشه زينة و اسعارهم مقبوله

الله يوفقك و يعطيك خير سيارتك و يكفيك شرها

اخوك ابو محمد
ابو حصوصه
11/07/2009, 07:33 AM
و عليكم السلام و رحمة الله و بركاتة

فيه و رشه اسمها و رشة الخليج
يشتغل فيها هندي و فلبينيين

دخلت الجيب ( قراند شيروكي
) عندهم قبل اسبوعين و كان فيه اصوات مع اي مطب
و بعد ما صلحته الحمد لله طلع الموتر ما يحتاج

و صف الورشه طريق الخرج تخلي السالم للزجاج على اليمين و وجهك شمال
تمشي لحد ما يجيك كبري المشاة بعده لف على اليمين اول تقاطع شف الورشه
على يدك اليمين اسمها ورشة الخليج
الورشه زينة و اسعارهم مقبوله

الله يوفقك و يعطيك خير سيارتك و يكفيك شرها

اخوك ابو محمد


الله لا يهينك اخوي وجزاك الله الف خير بمر عليهم اليوم وبشوفهم .
ALMOKTAR
11/07/2009, 08:54 AM
كلامك على العين وعلى الراس يا اخ امطار الخربف بس معليش تربيط السيارة امر ضروري كل سنة مرة وخاصة لهل البر وبالنسبة انه يضر السيارة فلا بالعكس التربيط هو عبارة عن شد الصواميل والمسامير المرتخية وتغيير الجلد التعبانة او المستهلكة ولاحظ الوكالة بعد صيانة الالف وش يسون بالموتر انا شفتهم بعيني في نيسان يربطون ونيت ددسن
ابو حصوصه
11/07/2009, 07:14 PM
السلام عليكم
جزاء الله خير كل من رد على


ســــــــبـــــحــــانـــ الـــلـــهــ
وبـــحــــمـــــدهـ

ســــــــبـــــحــــانـــ الـــلـــهــ
الـــلـــهــ الـــعــــظــــيمـ