المساعد الشخصي الرقمي

مشاهدة النسخة كاملة : شله امن القوم عمياهم دليل 00000000000 تم حله من قبل أبو سليمان


هيل
12/07/2009, 02:21 PM
شفـتلي باالامس ماهوب القليل


العجيبه والعجب بالي حصل

شله امن القوم عمياهم دليل


دلـهـم للـي تشـتـة وانـفـصـل

عقب ما حارو اجل ويش السبيل


العـمى قـداالمـفتـح ثم وصـل
مع اجمل التحيات لجميع الزملاءبدون عدد
فهد الهلالي
12/07/2009, 02:30 PM
صح السانك ياخوي هيل والله يمسيك بالخير
اشوف الكبر بدا يؤثر عليك قلل من تواجدك ومشاركاتك يابو عبدالله عساك على اجر ان شاءالله
واللع يمتعك بالصحه والعافيه وان يرزقك حسن الختام
رمعه مايكون الماجلان او القارمن او الجدي رمعات على عجل
تقبل تحياتي
العارض
12/07/2009, 02:31 PM
ماهو الماجلان

بارك الله فيك
ياعين ابوي
12/07/2009, 02:33 PM
ممكن يكون الكنوود

او

الخريطه
الطويلعي2005
12/07/2009, 02:58 PM
صح اللسانك يا هيل واعتقد و الله العالم إنه مثل ما قال الشيخ القارمن
هيل
12/07/2009, 11:34 PM
ي
مساكم الله بالخيرجميع
اشكرك ياشيخناعلى السؤال و جزاك الله خير(بس كانت عندي لوحة المفاتيح ماتكتب حروف العربي )
العارض 0عين ابوي 0الطويلعي
مالكم لوي ننتظرالرمعات الجيات
برق القصيم
12/07/2009, 11:50 PM
صح لسانك اخوي الهيل


رميعتين طال عمرك:
يعقوب عليه السلام او الاثر(الجره)
ودوك ذي فوق البيعه: تحليل الحمض DNA
هيل
13/07/2009, 12:30 AM
هلابك برق القصيم
والرمعه مالك لوي
والجايه احلاء
ياعين ابوي
13/07/2009, 12:35 AM
ممكن يكون جواز السفر
او

الطريق
برق القصيم
13/07/2009, 12:49 AM
نعاود الرمع
نقول الجهاز اللي يستخدمونه للبحث عن المعادن او الماء تحت الارض
مثل الصنات يعني
مسيرs
13/07/2009, 01:03 AM
حيا سيد الالغاز.
بهار النخبه.
ويش رايك بالجهاز اللي يبحث عن الاسلاك تحت الارض المنقطعه للهاتف او الكهرباء
ياعين ابوي
13/07/2009, 01:25 AM
طرتلي رمعه
ممكن يكون جهاز الليزر
او
ميزان الحراره
ابو اسامه 2
13/07/2009, 01:36 AM
هلا بك يا هيل

وصح لسانك

وش رايك بــــ تتبع الاثر ( قص الاثر ) من قصاص الاثر - العرقوب


او البوصله

او الاستدلال بالنجوم


تحياتي لك
هيل
13/07/2009, 07:21 AM
ياعين ابوها-برق القصيم-مسيرالود-بحرالجروح
ماحلا الغز ال ردودكم وتصميمكم
والحلول مالكم لوى
تحيــــــــــــــــــــــــاتي
وضاح الرقعي
13/07/2009, 10:06 AM
صح لسانك اخي العزيز هيل
والاخوان رمعوا الاجهزة ...وانا ارمع جهاز الكشف عن الالغام .......
او محطة الفضاء اللي انفصلت ثم رجعوها بمركبة قبل فترة
هيل
13/07/2009, 12:02 PM
هلابك أعز اخوي وضاح الرقعي
والرمعه مالك لوي
تحيتـــــــــــــــــــــــــــــــــــــــاتي
RPM..5800
13/07/2009, 12:18 PM
صح لــسانــــــك
torrjom
18/07/2009, 03:04 AM
صح السانك يالهيل

رمعه


جهاز الطير والريشه اللي تركب على الطير
بن_عنزة
18/07/2009, 08:26 AM
صح لسانك..
ممكن تكون الخريطة؟
المسلهم
18/07/2009, 02:04 PM
ماهو مكوك الفضاء
فهد الهلالي
18/07/2009, 02:37 PM
اخوي هيل تحياتي
رمعه طال عمرك
مايكون الاصابع والعمى وطريقه برايل في القراءه والحروف العمى يدلهم باللمس والمفتح لو يقعد اسبوع ماطلع حرف واحد منها
تحياتي لك يابوعبدالله
هيل
19/07/2009, 01:57 PM
مساكم الله بالخيرجميعاً احبائي
الشيخ مسكين-المسلهم-بن عنزه-طرجمِ
بارك الله فيكم
مـــــــــــــــــــــــــالكم لوى
ولاتحرموننا من رمعاتكم
وضح النقى
19/07/2009, 02:03 PM
رمعة مبتدئ

إشارة المرور
فهد الهلالي
19/07/2009, 03:21 PM
شفـتلي باالامس ماهوب القليل


العجيبه والعجب بالي حصل


شله امن القوم عمياهم دليل


دلـهـم للـي تشـتـة وانـفـصـل


عقب ما حارو اجل ويش السبيل


العـمى قـداالمـفتـح ثم وصـل





مع اجمل التحيات لجميع الزملاءبدون عدد


اخوي هيل الله يمسيك بالخير
سؤال بسيط ارجوا ان مايوثر على اللغز
دلهم للي تشته وانفصل
مامعنى كلمة تشته
اناء شخصيا ماعرف هذه الكلمه تجهلني
تحياتي لك
وضح النقى
20/07/2009, 05:39 AM
رمعة جديدة

اللوحات الإرشادية على الطرق
هيل
20/07/2009, 10:27 AM
وضح النقى مالك لوي
الشيخ مسكين تشتة وانفصل
يعني (كان كتله واحده وتشتة انقصل
والمفروض ياشيخنا حناتعرفه الي اعمار نا 27في 3
اتمنى الرمعه الجايه بالجبهه
ضاري خان
20/07/2009, 11:07 AM
شفـتلي باالامس ماهوب القليل


العجيبه والعجب بالي حصل


شله امن القوم عمياهم دليل


دلـهـم للـي تشـتـة وانـفـصـل


عقب ما حارو اجل ويش السبيل


العـمى قـداالمـفتـح ثم وصـل



مع اجمل التحيات لجميع الزملاءبدون عدد


صح لسانك اخوي هيل
رمعه
قصة الدليل مع خالد بن الوليد رضي الله عنه اللى دلهم لبير الماء
وتقبل تحياتي
هيل
20/07/2009, 11:37 AM
مع اجمل التحيات
اخوي ضاري خان مالك لوى
ولاتفكربالقصص القديمه
بارك الله فيك ورحم الله والديك
هيل
22/07/2009, 07:03 PM
[quote=هيل;2911226]مع اجمل التحيات
اخوي ضاري خان مالك لوى
ولاتفكربالقصص القديمه
بارك الله فيك ورحم الله والديك
مساكم الله بالخيرمانبيع بالكوم الااليوم تخفيضات
الغزمايدخل فيه اجهزه ومازال يعملبه في بعض المواقف
تــحيـــــــــــــــــــــــــــــــــــــــــــــ ـــــــــــــــــــــــــا تــي
torrjom
22/07/2009, 07:14 PM
اخوي هيل مساك الله بالخير

رمعه

السيم الحديد (مدري وش اسمه)اللي يستخدمونه الكهربائيين عند التسلسك
انا السيف
22/07/2009, 08:39 PM
هيل

مساك الله بالخير وصح اللسانك

ويش رايك بقص العرق للعلاج

يعني تتبع العرق وفصله
هيل
23/07/2009, 01:02 AM
اخوي (اناالسيف)
هلابك مليون
ومالك لوي
المماتوس
24/07/2009, 06:41 PM
مايطيب الكيف بدون هيل ;)
ماهي البصمة
هيل
24/07/2009, 08:32 PM
المماتوس الله اطيب ايامك
البصمه مالك لوي
ومانستغني عن رمعاتك الجايه
تحيـــــــــــــــــــــــــــــــــــــــــــــات ي
ياعين ابوي
24/07/2009, 09:42 PM
السلام عليكم ورحمة الله

وش تقول ب الوسيط او الشفيع
هيل
24/07/2009, 11:33 PM
مساكم الله بالخيرجميعا
عين ابوي الرمعه مالك لوي
اتمنى ان تكون القادمه بالصميم
تحيـــــــــــــــــــــــــــــــــــــــــــاتي
ياعين ابوي
25/07/2009, 12:38 AM
طيب مايكون الوسم الي يوسمون فيه الابل

وش تقول ؟؟؟؟
هيل
25/07/2009, 11:50 AM
الله امسي الجميع بالخير
عين ابوها مالك لوي والتوضيح
العمى حقيقي والشله مجموعة رجال
تحيـــــــــــــــــــــــــــــــــــــــــــــــ اتي
المماتوس
25/07/2009, 02:42 PM
بسم الله ... هذولا ربعنا المكشاتيه..
مسوي ذكي :cool: كتبت العمى في قوقل ويطلع .. شلة من القوم عمياهم دليل..هه لقيته
وانا أرعص بعجله إلا وأنا طاب عليكم :D
ياعين ابوي
25/07/2009, 03:47 PM
يعني العمى حقيقي قصدك رجال

والا عضو من اعضاء الانسان مثل الفم والاصابع

عندي رمعه ابقولها ممكن يكون المتر او الميزان
عاشق السناف
25/07/2009, 07:00 PM
صح لسانك

له علاقه بالدين ؟؟
الصيرمي
25/07/2009, 11:06 PM
وش رايك بجهاز الصقور الي يوضع للبحث عن الصقر الضائع
هيل
26/07/2009, 02:04 AM
المماتوس الله ابارك بقوقل الي خلاك تسيرعلينا
عين ابوي التوضيح الاول واضح
عاشق السناف ليس له علاقه بالدين الا من باب العدل
الصيرمي ليس له علاقه بالصقور بل فقط بين الاوادم
مع تحياتي وتقديري تشريفكم الغز
وضح النقى
26/07/2009, 05:43 AM
السلام عليكم ورحمة الله وبركاته

وش تقو طال عمرك بـ ( سماحة المفتي الشيخ عبدالعزيز آل الشيخ )
أو أحد المشايخ ممن فقد نعمة البصر حفظ الله الجميع

تحياتي للجميع
هيل
27/07/2009, 08:15 PM
وضح النقى ياهلابك ملايين
ومالك لوي
والجايه صايبه باذن الله
ياعين ابوي
27/07/2009, 08:22 PM
السلام عليكم اخوي ,,, هيل ,,,

وش تقول ب السيف
هيل
28/07/2009, 05:22 PM
ياعين ابوها
اتمنى الرجوع الي التوضيح السابق
مع اطيب تحياتي للجميع
ياعين ابوي
28/07/2009, 07:19 PM
ممكن يكون الشاهداو الاثبات والحكم
torrjom
28/07/2009, 08:20 PM
مساء الخير يالهيل

رمعه بعد التوضيح

المعوقين لهم مواقف خاصه فى الدوائر الحكوميه وبعض الاماكن العامه
من ضمنهم العمي
يوصل قبلك وانت مفتح

هذي حوبطه لعلها تقرب الحل
ياعين ابوي
28/07/2009, 08:50 PM
يعني هو رجال بالحقيقه ممكن يكون المطوع الي بالكتاتيب
هيل
29/07/2009, 10:56 PM
اخوي طرجم
اختي ياعين ابوها
مساكم الله بالخير
الرمعات مالكم لواء واللغز طول وللتوضيح اكثريستخدم فيه المفتح اكثرمن العمى وانابالصدفه صادفة عمى يقوم بالمهمه وهذاالشيءيكثربااحدالعيدين
تحيتي للجميع
انا السيف
29/07/2009, 11:41 PM
الغالي هيل


ممكن النقش اللي على رقم الخمسه اللي بالهاتف

وضع لاجل الكفيف يعرف الارقام بها
هيل
30/07/2009, 02:02 AM
هلا بالجميع
(اناالسيف)
مالك لوى
واتمنى ان تكون الرمعه الجايه تفضخ عينه
ياعين ابوي
30/07/2009, 02:42 AM
الحين فهمت

هو أكيد خاص بعيد الاضحى

ممكن يكون الونش الي يرفع الذبيحه <<<<ترى ماأعرف اسمه
هيل
30/07/2009, 11:59 AM
يالله صبحهم بالخير
عين ابوها
اشكرك على الحاحك وعزمك على حل الغز وكما ذكرت سابقاً ا لشله كلهم اوادم بما فيهم العمى
اتمنى ان تكون الرمعه القادمه بالصميم
انا السيف
30/07/2009, 04:51 PM
طيب ويش رايك بطريقة ( برايل ) للكتابه الخاصه

او برنامج الكمبيوتر الناطق الخاص للمكفوفين
ياعين ابوي
30/07/2009, 06:59 PM
والله انا الي احترت


ممكن يكون الرمي ,,,, رمي الجمار


او


الكشافه الي بالحج
هيل
30/07/2009, 08:51 PM
اناالسيف ياعين ابوها
مالكم لوى
ياعين ابوي
01/08/2009, 02:28 PM
طيب وش تقول بهلال شهر شوال
هيل
01/08/2009, 06:48 PM
طيب وش تقول بهلال شهر شوال

مرحبا فيك
مالك لوى
تحيتي لك
ابوخالد المطيري
04/08/2009, 12:25 PM
السلام عليكم
مايكون طريقة ذبح الاضحيه
ابوسعودد
04/08/2009, 12:41 PM
شفـتلي باالامس ماهوب القليل


العجيبه والعجب بالي حصل

شله امن القوم عمياهم دليل


دلـهـم للـي تشـتـة وانـفـصـل

عقب ما حارو اجل ويش السبيل


العـمى قـداالمـفتـح ثم وصـل

اول رمعه لعلى وعسى تكون صحيحه
يمكن يكون الجرح اذا اصاب العميان او الم فهو يحدد للمفتح مكان الالم او الجرح .
هيل
04/08/2009, 09:16 PM
حياك الله يابوسعود ونتمى ان تستمرالمشاركه
والرمعه مالك لوى واتمنى القادمه تصيبه
هيل
05/08/2009, 03:07 AM
ابوتولين صباح الخير واسف لتأخر بالرد
اما بالنسبه لرمعه لتوضيح فهي طرف بالغز
مع اجمل تحـــــــــــــــــــــــــــــــــــــــــــيا تي
ابوسعودد
05/08/2009, 01:51 PM
كل انسان يضحي في العيد يعني قد يكون الحل ان العمى يسمي بسم الله على ضحيته ويذكر عليها ما نواها له . اللهم عن نفسي وعن والدي ... وهكذا .
هتلر2007
05/08/2009, 02:41 PM
مساكم الله بالخير

خلونا نرمع مع الرامعين

اخوي هيل

الظاهر انك تقصد صلخ الاضحية وتقطيعها
هيل
06/08/2009, 12:58 AM
هتلر ويابوسعود صبحكم الله بخير
ومالكم لوي وين الشله من القوم
ياعين ابوي
06/08/2009, 01:36 AM
والله حيرنا هاللغز

ممكن يكون التكبير

او

المكرفون
هيل
06/08/2009, 09:05 AM
عين ابوها صباح الخير
احس ان الغز اخذوقت طويل فالتوضيح اكثريتكون الغزمن=
1-شله
2-اعمى
3- الي تشتة وانفصل
التوضيح للجميع
ابو سلييمان
08/08/2009, 08:08 AM
السلام عليكم اخوي هيل
ما يكون الى يوزع اللحم بالضحية
لا صارت الضحية بعير ومتشاركين عدة اشخاص فيه
ابوسعودد
08/08/2009, 08:48 AM
اتوقع انه امام وخطيب صلاة العيد اعمى .
عابر سبيل933
08/08/2009, 09:47 AM
ماهم صفوف المحاورة يرددون كلام الشاعر العمى مايحضرني اسمه
هيل
08/08/2009, 05:13 PM
الله يفتحلك ابواب الجنه يابو سليمان
صح السانك ملايين الله الله
هذا عندما يتشاركون مجموعه بحاشي يتم توزيعه من قبل القصاب
ومن ثم يغلمطون واحد او اذا فيه اعمى يشيرواحد منهم الي كل قسم من اللحم ثم يقول هذا لمن
فيردالاعمى او من عصبة عيناه لفلان حتى ينتهي من المجاميع
صح السانك يابوسليمان /والشكرموصول لكل من رمع على الغز
هتلر2007
09/08/2009, 03:17 PM
صح لسانك اخوي هيل
ولا يهون ابو سليمان

بس بصراحة انا اول مرة اسمع بها الحركة

عندنا نقسمها بتساوي او كلاً يختار اللي يعجبه

على العموم لغز مليان والله

سلاااام