تسجيل الدخول

مشاهدة النسخة كاملة : انتظر الطيب من اعضاء المنتدى


vxr1000
13/07/2009, 12:33 PM
احبتي اعضاء هذا المنتدى الطيب مساكم الله بالخير
قبل ايام معدوده قمت بزياره الى مدينة حايل ( سياحه )
ومريت على مصنع الدلال بحايل بعد ان شاهدت تقرير مفصل عنه من احد اعضاء هذا المنتدى واعجبني ابريق النحاس الذي قام بتصويره
وكان مروري على المصنع علشان اباريق النحاس ولاكني للاسف ماحصلت الا ابريق واحد صناعته باكستاني وبعد المكاسر اخذته 150 ريال ودورت في المحلات الموجوده عن ابريق ثاني بس للاسف ماحصلت
وانا لان بالرياض والي يخبر محلات في الرياض تبيع الاباريق النحاسيه يفيدني جزاه الله خير
سرهيد
13/07/2009, 01:11 PM
السلام عليكم

تبيع جديد ما عندي خبر

لكن ممكن تلقى مستعمل وتراثي في سوق الزل بجوار المسجد الكبير مسجد المفتى وفقه الله ورعاه

تقبل احترامي
vxr1000
13/07/2009, 03:58 PM
مشكور على مرورك ياسرهيد الطيب والوفاء
بس الي اسمعه ان سوق الزل غالين اذا فيه محل معين واسعاره زينه تعرفه تدلني عليه واكون شاكر لك
سرهيد
13/07/2009, 04:05 PM
مشكور على مرورك ياسرهيد الطيب والوفاء
بس الي اسمعه ان سوق الزل غالين اذا فيه محل معين واسعاره زينه تعرفه تدلني عليه واكون شاكر لك

هلا بك اخوي

والله للآسف ما عندي اي معلومات اضافية عن تلك البرقات النحاسية

تقبل احترامي
vxr1000
13/07/2009, 04:07 PM
يكفيني مرورك
عتيق
14/07/2009, 05:26 AM
ان بغيت شيء من حايل يالغالي

ارسل لي اللي تبي وانا حاضر

اي شيء تبيه من هالديره اعتبر ان اخوك موجود وقل بس وش تبي
vxr1000
14/07/2009, 12:17 PM
الله يجزاك خير ويكثر من امثالك وهذا مهو غريب على اهل حايل متوارثين الطيب ابا عن جد بدون قصور في باقي الدير ونت كذالك اذا بغيت شي من الرياض ابشربه انشاء الله والله يجعلك ذخر لكل مسلم
عتيق
15/07/2009, 04:16 AM
شف يالغالي vxr1000

والله ماقلت ولا كتبت ردي عليك الا اني صادق

وانت تقول انك مريت على حقين حايل

وانا اقول لك اني من حايل واذا جاز لك اللي خذينته من هنا وبغيت زيه او شيء ثاني انت آمر وحنا نطامر :)
vxr1000
15/07/2009, 12:19 PM
اخوي عتيق

والله اني مصدق وبدون مجامله

ايوالله مريت على حايل وروحت لحايل مهي علشان شغل الا لشوفت الديره وشوفت اهلها وبدون مجامله الي شفته من طبايع اهل الديره تعدا الي سمعته عنهم من حين يدرون عنك انك طرقي الا ويتجودن فيك بالعزيمه ويالله تفتك منهم ويقدمولك النصيحه ولو ماسألت

والي اخذته جازلي لان لونه لون الدله وشكله مايباعد شكل اباريق السيف ودورت زيه في المحلات الي عند مصنع لدلال والمحلات الي تبيع التراث الي برزان ورحت لمحلات الي تبيع المستعمل ولقيت عند واحد سوداني محله يفتح شرق ابريقين نحاس واحد فضي والثاني احمر صناعته محليه جوانبه تشابه جوانب قدر النحاس يعن فيه طقطقه ولاكنه مغليه حاده350 ريال وبنضري انه مايستهلها القدر ارخص منه

واذا بغيت ابرسلك على الخاص ونت كذالك

وجعلك اطامر بطاعة الرحمن ثم برضا والديك وبالعافيه
أمير الخيال
15/07/2009, 05:18 PM
و آلله في سوق الزل فيه وآجد بس آنآ مآني فآكر المحلات
vxr1000
16/07/2009, 12:55 AM
اخوي امير الخيال
مشكور على مرورك وانا ناوي امر سوق الزل بس ابروح وانا فاضي علشان اروق على المكاسر بسبب غلاه الي اسمع عنه
واذا تعرف محل دلني عليه وجزاك الله خير