اللكزس يحتر فوق الــ 140 ..!!!!؟؟؟ [الأرشيف]

خالد السيف

14/07/2009, 10:59 AM

السلام عليكم ورحمة الله وبركاته

شريت لي جيب لكزس موديل 2001 والموتر نظيف مره وفاحصه بالكمبيوتر وكل شي تمام

ولما سافرت عليه الموتر ترتفع حرارته فوق النص لم ادوس اكثر من 140 واذا اقل من الـ 140 حرارته على النص ، بدلت التورمسات + كلاتش المروحه + تنظيف الرايديتر مع الدواء الاخضر ولا زالت المشكلة موجوده

من كان له خبره في هذا المجال يفيدنا مشكورا

سوبر VTC

14/07/2009, 11:13 AM

و عليكم السلام و رحمة الله
الله يطعمك من خيره و يكفيك شره
دائما اساس المشكله
غطاء الاديتر اذا كان ينسم ترتفع الحراره
تاكد من ان الاديتر مواصفات خليجية او سعوديه
مثلا قد يكون رصه وحده صغيره جدا
تاكد ان الماء يدور من خلال طرمبة الماء
دس و شف الماء هل يدور ام لا
يحتمل ان المشكله من انبير الحرارة به مشكله
او حساس الحرارة خربان او السلك ملتمس

خالد السيف

14/07/2009, 11:21 AM

مرحبا بك أخ سوبر Vtc

الموتر شيكت على خطاء الرايديتر سليم والطرمبه كذلك دورانها طبيعي

والرايدتر مواصفات الخليجي لأن السياره خليجيه اصلا

المشكله عندما ادوس فوق 140

السؤال هل لفلتر الهواء علاقه في ارتفاع الحراره لما ادوس سرعه ؟؟ لأن بصراحه متخوف تكون حرارة الموتر من الراس يكون به سعر ...!!!

لأن الموتر وانا واقف في ومشغل المكيف لمده طويله مايحتر الموتر .!؟

سوبر VTC

14/07/2009, 11:28 AM

حياك ربي
و الله يابعدي
اللي اخبر اذا انسد الفلتر تولع لمبه المكينة او لمبه منظم القربه لدلاله على انه منسد
عاده يكون اسباب العطل خفي و تافه جدا
جرب انك تنظفه
لكن اذا الفلتر منسد يبدا الموتر يصرف بنزين على حساب الهوا
بمعنى المسالة نسبه و تناسب
لانه الهوا قليل
و اذا كان كذلك يفترض ان العزم يقل بسبب قل الهوا
اذا كان عندك نقص بالماء
احتمال عندك تبخير و قد يكون سببه ربما راس المكينه

خالد السيف

14/07/2009, 11:33 AM

لاهنت على الشور والمشوره

واقول عسى الامر مايوصل للراس

ولكن لو السبب من الراس مايحتر الموتر في كل الحالات ، يعني يحتر وهو واقف ويحتر وهو ماشي ..!!؟

باثفندر

14/07/2009, 11:34 AM

كانت عندي هذه المشكلة بسيارة نيسان باثفندر إذا مشيت اكثر من 120 كلم ترتفع الحرارة اكثر من النص ، واذا وقفت لو بالحر والشمس والمكيف شغال ماترتفع ابد ،

كان الحل لمشكلتي التصييخ فقط .

خالد السيف

14/07/2009, 11:42 AM

كانت عندي هذه المشكلة بسيارة نيسان باثفندر إذا مشيت اكثر من 120 كلم ترتفع الحرارة اكثر من النص ، واذا وقفت لو بالحر والشمس والمكيف شغال ماترتفع ابد ،

كان الحل لمشكلتي التصييخ فقط .

عفواً مافهمت عليك ..!!!

التصييخ ..!!؟

للراديتر .!؟

ولك مني جزيل الشكر

باثفندر

14/07/2009, 12:12 PM

صحيح ياخالد تصييخ بسيط وعادي ولاتضر الرديتر وياخذ عليك حوالي 60 ريال شغل يد ويكلفك مويه جديدة وإحرص على الاصلي ، والتصييخ عبارة عن تنظيف مجاري الماء الضيقة جدا داخل الرديتر اللي يمكن تكون تسدد بعضها بفعل الاملاح .

راعي الشلفاء

14/07/2009, 12:15 PM

السلام عليكم

اخي العزيز

سو تسييخ رديتر واذا لم تنجح الله يعينك علا الراس

فتى المجمعة

14/07/2009, 01:57 PM

أخي ... الله يبارك لك في موترك ياااااااااارب
الشيء الثاني إذا لم يكن ارتفاع الحرارة بسبب غطاء الرديتر أو بسبب إنسداد الرديتر واحتياجه للتسييخ فأنه في حالات كثيرة ومع قدم السيارة تتكون طبقة على مجرى ماء الرديتر من داخل المكينة فيمنع تبريد المكينة بالماء والحل هو تنظيف مجرى ماء الرديتر داخل المكينة وهي معروفة عند اغلب الورش ...
أما مسألة أن الرأس به مشكلة فشلها من راسك وانتهبه يلعبون عليك راعين الورش بكلام فاضي - لأن الراس ما يخرب من الباب للطاقه - إلا بأسباب قاهرة جداجدا وخصوصا الموتر لكزس ما شاء الله .

مع تحيات محبك ..

سوبر VTC

14/07/2009, 02:48 PM

ادخل هالرابط للاخ كبسولة2 ما خلى شي ما صلحه
اديتر جديد بلف جديد طرمبه ماء جديده كلتش جديد
و بالنهايه صارت المشكله من جدار السلندر مكون طبقه ترسبات

حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟ (http://www.mekshat.com/vb/showthread.php?t=161939) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=161939) 2 (http://www.mekshat.com/vb/showthread.php?t=161939&page=2) 3 (http://www.mekshat.com/vb/showthread.php?t=161939&page=3) 4 (http://www.mekshat.com/vb/showthread.php?t=161939&page=4))

الربذي

14/07/2009, 03:03 PM

هي استعمال صح انا معي استعمال من عام 1422 وصارت تحتر بعد تغيير طرمبة الماء ماخليت شي
وبالاخير تدري وش طلع منه من الكويل وزنته انا بنفسي والحين امشي 160مافيه مشكلة

جرب وزن الديلكو وشوف الفرق .................

الراس سليم لايهمونك لكن لاينعدم صدق الحق نفسك

وايضا شف الاديتر سو تصييخ وانتبه لبلف الحرارة ركب سعودي .......

بالتوفيق

الراس سليم لايحوشونك

انا قالولي كم ورشة الراس عندك

وتى الراس ركبناه ونفس المشكلة

وخساير وبالاخير طلع وزن الديلكو وبس

خالد السيف

15/07/2009, 03:23 AM

الله يبيّض وجوهكم في يوم الدين أجمعين

وفيتوا وكفيتوا ولا قصرتوا

و جزاكم الله خير

مرير الشوق

15/07/2009, 09:04 AM

الربذي

15/07/2009, 09:22 AM

وملاحظة اخرى خذها بالحسبان هو عدم وجود انسداد بالشكمان ...من القزوز الى اخر ه

الربذي

15/07/2009, 09:25 AM

انا برضوا معي باثفندر

وسيخت الرديتر ماكلف 100 ريال ونجح الامر

يعني شوف الرديتر يمكن حق الوكاله ... لانه قديم شوي

سيخه عند واحد كويس وخل عينك عليه وهو يسيخ ...
وعبه ماء اخضر امريكي افضل شئ وسعر العلبه مابين 30 الى 60.. وزود علبه ونص او علبتين ماء مقطر ..

والله يسهل عليك ان شاء الله

وهو صادق خل عينك عليه بعضهم ماعنده ذمه اذا صار الانبوب مسكر مايطلع الوسخ يطلخ السيخ ويحطه بمكان اخر بدون ماتحس انه مسكر وبكذا مايفيدك بشي بل يزيد خسايرك لانك قلت سيخته ومانفع ...
والشي الثاني يقمز بعض الفتحات انا شايفه بعيني ثلاث مرات سواها قدامي واا قلتله قال لالا مسيخه شوف واعاد على شاني وانا متاكد بس هو لعاب شوي ...

سوبر VTC

15/07/2009, 10:23 AM

انا برضوا معي باثفندر

وسيخت الرديتر ماكلف 100 ريال ونجح الامر

يعني شوف الرديتر يمكن حق الوكاله ... لانه قديم شوي

سيخه عند واحد كويس وخل عينك عليه وهو يسيخ ...
وعبه ماء اخضر امريكي افضل شئ وسعر العلبه مابين 30 الى 60.. وزود علبه ونص او علبتين ماء مقطر ..

والله يسهل عليك ان شاء الله

للتوضيح
افضل محلول اي سي ديلكو احمر ب55
يجي بعده محلول مرسيدس الازرق 1.6لتر ب35
بعده
علبه سوداء تويوتا لتر واحد ب20
جركل جي ام 4لتر غطاه برتقالي ب60ريال
علما ان جركل التويوتا الاحمر 4لتر يعبا بجده لاتحرص عليه

تحياتي

ذيب عالية نجد

15/07/2009, 10:44 AM

أخي في مشكلة خفية ما تبين على السيارة وهي واقفة لاكن إذا مشيت تبان ألا وهي الليات الداخلة للمكينة والخارجة منها للأديتر ممكن تكون مهترئة وكلما أسرعت تتسكر وتخف الموية المتوجهه للأديتر هذا ماأعرف ولك مني أزكى التحايا

سيف76

15/07/2009, 11:39 PM

السلام عليكم اخوي خالد كانت عندي نفس المشكله على تويوتا استيشن وطلعة من البايب السفلي لللاديتر اذا تبغي تتاكد خل احد من خوياك يعطي ريس ونته طالع البايب يسكر من الضغط والا لا عند السرعه ماء الاديتر ما يمر في الاديتر فترتفع الحراره جرب ما بتخسر ....شي:o :o :o

خالد السيف

16/07/2009, 01:49 AM

لاهنتوا

وفيتوا وكفيتوا كلٍ بأسمه

والله لايريكم الاّ اللي يسركم ويبارك لكم في النية والذريه

ابوو زيد

16/07/2009, 05:25 AM

انا صارت معي على باترول 2006 فتك اذا تعديت 140 اشوف العداد يمشي معي حق الحراره

سويت له تسيخ وشريت موية راديتر اصليه طبعا امريكي حق الفورد و 5 علب ماء مقطر

والحمد الله امشي عليه 200 والحراره ربع

مع انه يقلون عندي ضعف في كلج المروح والحمد الله كل شي سليم

سيخ الراديتر و جركل مويه اصليه و 5 علب ماء مقطر وان شاء الله تزين الامور معك