المساعد الشخصي الرقمي

مشاهدة النسخة كاملة : الفزعة يااهل الفتك الموتر يقطع vtc


سفاري66
14/07/2009, 03:16 PM
السلام عليكم
انا معي سوبرسفاري2005 تماتيك 4800
وفيه تقطيع كل ما امشي بنمرة مايقدر يكمل كانه مكتوم لا زم يرجع بالنمرة الي قبل ويشحط
وبعدين يرجع لنفس النمرة الاوله ويكمل تمام واذا وقفت احس ان فيه نفضه وهذي سالفتة بكل
تعشيقة

علما اني غيرت البواجي والصفاية وزيت القير والفيوزات الي بجنب الكبوت ومانفع
وفحصته كمبيوتر 3مرات وكل مره يختلف الكلام
ومالي الا الله ثم انتم نبي الشور الله يجزاكم خير
ابو مكازي2002
14/07/2009, 03:25 PM
الله يعينك علي حل المشكله من اساسها
تحياتي
سوبر VTC
14/07/2009, 03:44 PM
و عليكم السلام و رحمة الله
غالب العطل يكون من كتاوت بالرفرف 3 كتاوتات

ادخل هذا الرابط به 58 موضوع

المطلوب منك ادخل الموضوع الثامن عشر




جميع مشاكل البـــــاتـــــــــــــــــــــــرول وحلولها تجدها تحت ... (http://www.mekshat.com/vb/showthread.php?t=95330)







الله ييسر امرك



تحياتي
روزفلت
14/07/2009, 03:52 PM
والله رحمتك عشان كذا سجلت وارتفع ضغطي القيت يوزر فاضي
حبيبي
صار لي نفس المشكله مع باترول 2008 مامشى 10 الاف
شحنته للوكاله اكثر من مره
خل الموتر شغال
شف السلك حق حاس الهواء اللي عند فلتر الهواء
حركه يمين يسار شده وارخه وحرك نفس الفيش
اذا تغير الموتر معناه من السلك
انا طبعا غيرو الحساس على الضمان ومانفع
قالوا خل الموتر عندنا لازم نشوف السلك ونمشي معه من الحساس الى الكمبيوتر, اذا ماحصلنا مشكله بنغير الكمبيوتر
طبعا السلك خفيف مره
حصلو السلك مقصوص من بعد الحساس تقريبا ب 30 سانتي
ربطوه والحمد لله
طبعا يكون بالموتر تقطيع مثل ماقلت اذا عطيته بنزين بعد التعشيق او واقف وبعض الاحيان دخان اسود
عليك بالسلك
شيك عليه وخصوصا مع الحنيات
مايحتاج كهربائي
شغله بصيطه
اذا حصلت وين الخلل قصه واربطه من جديد
والسلام
طبعا مثل ماقال اخوي فتك كتاوت الطرمبه هذا ذا كان الموتر يدق بس مايشتغل نهائي
والحل تشيك هلى الكتاوت فوق الفيوز
ازرق عى اليمين
مو اول كتاوت, اللي فوقه
سفاري66
14/07/2009, 03:53 PM
وعليكم السلام مشكورون على المشاركه
بس انا غيرت الكتاوت الي بجنب الرفرف الزرق ومانفع
روزفلت
14/07/2009, 04:02 PM
عليك بسلك حساس الهواء مثل ماقلت لك
ابوزياد99
14/07/2009, 04:21 PM
اذكر ان قريب لي لقى سلك مقطوع صغير عند الضفيرة فيه كهربائي ممتاز سعودي على شارع المعارض بالنسيم مقابل البريدي يفتح عقب العصر مره وبيفيدك . والله يعينك اذكر قريبي هبل به عله السفاري
سفاري66
15/07/2009, 01:17 AM
انا بدلت الحساس الي على فلتر الهواء من سيارة حدى اخوياي وما نفع
بس واحد من الشباب يقول طرمبة البنزين وودي افحصة بس ما ادري وين موقعة بالضبط
إذا ممكن واحد يوصف لي موقع طرمبه البنزين هي داخل التانكي او وين موقعه بالضبط وهل اقدر اعرف انه خربانه او لا
روزفلت
15/07/2009, 01:42 AM
بالنسبه لطرمبة البنزين يوسط التانكي
بس شف اللي يشبك بالمكينه من قدام
فك غطاء المكينه وتحصل اللي قدامك
فكه ودق وشف دفع البنزين اذا قوي او ضعيف
او تروح لكهربائي يشبك عليه زي ساعة الفريون ويشوف الضغط
بس زي ماقلت لك شيك على سلك الحساس كامل 99% بيكون منه
سفاري66
15/07/2009, 01:22 PM
وشلون اعرف ان الاسلاك سليمه
اذا فكيته من الحساس منين افك طرفه الثاني
الكهربائي يقول سليم بس من خلال النظر ماله طريقه
ابوو زيد
15/07/2009, 03:03 PM
يطويل العمر اتوقع شغلتك كهرب ومعروف النيسان انه كله كتاوت وفيوز

شيك الكتوت الي بالسياره واذا قدرت تبدل اماكنهم وتجرب افضل لك
ابوو زيد
15/07/2009, 03:04 PM
طبعن اليى ورى فلتر الهواء حاول تبدل الكتاوت وجرب

والي على اليمين الي جنب الجربه حقت ماء الراديتر فيه علبتين جرب حاول يمكن تزبط معك
روزفلت
15/07/2009, 03:44 PM
خل الكهربائي عنك
خل السياره شغاله وحرك مشبك السلك بالحساس
افصل السلك وشف اذا تغير شي
اذا ماتغير شيء دليل على ان السلك مقصوص ولا يوصل
بس اذا تغيرت المكينه مو دليل ان السلك سليم
يمكن نصف النحاس مقصوص ولاتوصيل ضعيف
99,9% من السلك اذا كت غيرت الحساس ولاتغير
وبعدين امش مع السلك بايدك
حركه يمين ويسار وشد وارخ
ابتل مع السلك
حركه مع كل حنيه
من الحساس حتى مدخل السلك للغماره
والله يعينك
LS 2008 BLZR
15/07/2009, 03:46 PM
اضافة
ماقصرو الاخوان بس لا تنسي تشيك علي السلك حق طرمبة البنزين الذي يشبك في البطاريه لعل المشكله منه يمكن محلول اومقطوع يفصل ويشبك وعلي هذا الموال
شكرآ
سفاري66
16/07/2009, 12:43 AM
ماقصرتو الجميع الله يحزاكم خير على المعلومات انا غيرت طرمبه البنزين ولا تغير شي
وبنسبه لسلك ما فيه شي وحساس الهواء بدلته وما صار شي
والكتاوت بدلت جدد وما صار شي
الحقيقه مليت من الموتر احس ان واحد ما سكن
Abu Saad
16/07/2009, 12:53 AM
http://www.nissan-arabia.com/vb/showthread.php?t=42646
أبوعمران
16/07/2009, 05:01 AM
شف والله طع شوري ..

دخله الوكاله وقلهم عندي الموتر يقطع ابي اسوي فحص مكينه ..

وبيسوون لك الفحص بـ 350 ريال :)

واحد من الشباب سواها وصلحوا له الموتر بال 350 ريال الي دفعها حقت الفحص
ابو عطفه
16/07/2009, 10:23 AM
اذا كنت في منطقة صحراوية يعني مثل نجد يمكن المنظم يكون قبل فلتر الهواء حاول تنظفة
فيه بخاخ حق مسجلات السيارات بخبخ علية وان شاء الله تنحل المشكله انا حصلت علي نفس المشكله

او اذا حبيت تجي لبريدة فيه كهربائي شاطر اسمه محمد العثيم في صناعية الرواف مره حلو شغله ويعرف لهذه المشاكل (اسئل مجرب ) معروف بالقصيم كلها وخاصة اصحاب الترهيم
سفاري66
19/07/2009, 03:44 PM
اشكر الجميع على كل الاقتراحات
وللعلم دخلت الجيب للوكاله ومن اليوم الثاني قالولي( حساس منظم الهواء)
قلت انا مبدل مع واحد من الشباب وما تغير شي نفس الكتمه
قالوانركبه ولاتستلمه الا وهو تمام
قلت خلاص وبعد ساعه استلمته وضبط الموتر واعطيتهم 1700 ريال
بس الغريبه اني مبدل مع خويي وما زان
وشكرااا
سوبر VTC
19/07/2009, 05:35 PM
الحمدلله على السلامه
تاكد من المنظم اللي بموترك لا يكون ما غيروه
يعني احتمال غيروا حاجه ثانية
ترى اغلب الوكالات عندنا حرامية
احد الربع دخل على قسم الصيانه
حصل العمال يفكون اشياء كهربائية من سيارات الصيانه حقت العملاء و يركبون بسيارة اخرى :mad:
و الخافي اعظم
محسن اليامي
19/07/2009, 06:58 PM
احد الربع دخل على قسم الصيانه
حصل العمال يفكون اشياء كهربائية من سيارات الصيانه حقت العملاء و يركبون بسيارة اخرى :mad:
و الخافي اعظم


أعوذ بالله مصيبه هذي يا سوبرفتك ، الله لا يجعلني أشوفهم يسوون كذا

حمدلله إن موترك صار زي
سوبر VTC
20/07/2009, 12:37 AM
أعوذ بالله مصيبه هذي يا سوبرفتك ، الله لا يجعلني أشوفهم يسوون كذا

حمدلله إن موترك صار زي


الرجال اللي قالي الكلام ثقة و له مصالح مع هالوكالات

و لو غير هالرجال كان ما صدقته