المساعد الشخصي الرقمي

مشاهدة النسخة كاملة : سرهيد....من عينه يالربع يشوف لى حل في لي سرهيد


كاشخ 24 ساعه
14/07/2009, 10:51 PM
ياسرهيد


حدرنا يم الرياض وشرينا اللي من برق الحيا ب58 ريال


ومكتوب عليه لي سرهيد..............طبعا علامه جوده معروفه


اللى بس ركبته في الدبه الزرقا وينسم علي ويحوسني حتى يدي سودت من الغاز واكتشفت طال عمرك ان السنه طويله شوي + الربله اللى حاطينها (O ring) لينه وصغيره مره ولا تمنع تسرب الغاز



يمكن اكون غلطان وما عرفت لها ولكن الطريقه الوحيده جربتها ونفعت من طرف واحد فقط وهو الجزء الموصل للعين او الراس ولكن الطرف الاخر الموصل للدبه اذا فريته يبدأ الغاز بالتنسيم قبل الوصول لاخر السنه وفي الاخير اذا وقف دوران الراس نجد ان طرف اللي لا يصل للاخير والربله بعيده عن قاعدة الاسطوانه مما يتسبب في التهريب.
الضاحي
14/07/2009, 11:28 PM
اخوي كاشخ 24 ساعة


حياك الله يالغالي


ابشر بسرهيد وبالخير يا بعدي


بس ترانا زعلانين منك :no2:


وشلون تجي للرياض ولا حس ولا خبر :j


نبي نقوم بواجبك يا اخوي
راعي سمنان
15/07/2009, 12:38 AM
اخوي حياك الله عن سرهيد ابوعبدالله اقول اللي بداله لي وابشر بعزك وانا اخوك مالك هم ارسل رقم جوالك واسمك على الخاص ومن اي مدينه انت ومالك الا طيب الخاطر ..... واذا بغيت شي مره ثانيه من الرياض لايردك الا الخاص وانا اخوك
سرهيد
15/07/2009, 12:59 AM
السلام عليكم

اشكر الاخوين الكريمين ابو فهد الضاحي والاخ راعي سمنان

والله من العصر وانا ما فتحت النت وجاني خبر عن موضوعك وتمنيت ان عندي نت علشان ارد

فالك طيب واعتبر اللي الثاني وصلك في اقرب وقت ومثل ما قل اخوي راعي سمنان عندك الخاص ارسل الاسم والمدينة ورقم الجوالي ويجي البديل مجاني مني هدية بغض النظر عن اللي اللي تقول انه خربان

واحزني انك تحدر الرياض وما تمر واحد من اخوانك من مكشات في الرياض ولا تعودها انتبه

ويا لبى قلبك ابشر بسعدك طال عمرك

تقبل احترامي وعذرا على التأخر في الرد

محبك

ابو عبدالله
abo-lma
15/07/2009, 02:33 AM
الضاحي ( راس الشهامة ) = في ذمتي أنك راس الشهامة صحيح
وانك وارث الشهامة من بوك وجدك

راعي سمنان = منبع طيب وراعي طيب ولاهوب غريب منك

أبوعبدالله = خادم الجميع عساه يخدمك المال والبنون ويرحم شيبانن جابوك


يسمحلي ( كاشخ 24 ساعه ) رديت على الاخوان ولاني جاي أطيب منك في الرد

ولكن اليي خلاني أرد فزعة هالنشامى وطبقو المثل اليي يقول ( الطارف منا سديد )

موفقين خير
crozman
15/07/2009, 03:30 AM
ماقصر اخوي سرهيد ولا قصور في الاخوان
وتستاهل
ترهيم
15/07/2009, 04:03 AM
السلام عليكم ...

اخوي كاشخ الشغله وانا خوك سهله مو في السنه ولا شي انا صار معي نفس الحكايه وشاريه من برق الحيا غــــير الربله بس انا اول ماخذته قلت التنسيم ماهو تنسيم ربله لانه بقوه ويكب الغاز قلت قبل مانتهور انغير الربله ... وغيرتها ويالله لك الحمد عال العال ..

وبيض الله وجهك يابو عبدالله تقول وتطول ..
سرهيد
15/07/2009, 09:21 AM
السلام عليكم

هلا بكم جميعا

وترى يالربع ما اقوم به والله اني ارجي دعاكم يا اخوان

فلا تبخلون علينا بالدعاء

ذكرني اخي الكريم ترهيم بشغلة ، لان محلات برق الحيا سبق ومريت عليهم ووقفي احد اليمانية وقال ترى اللي فيه تنسيم وناظرت بنفسي وفعلا لقيت تنسيم وكان السبب الربلة .

ورحت وجبت ربلات جديدة فاخشى انهم ما ركبوا الجديدة علشان كذا اذا حول محل صوف وانت بعيد من الرياض فخذ الطرف اللي منه التنسيم وخله يعطيه صوفه على قده .

لكني اللي ما خلني اقول انه من الربلة او الصوفه ، ان الاخ قال شفت السنة طويلة وهذا اللي جعلني اقول ابشر بالثاني هدية .

وعلى العموم يا اخوان اي واحد يشوف ان اللي مشكله الخاص عنده ويبشر بالسعد ومو لازم موضوع على العام وابو عبدالله اذا حاضر بيفزع باللي يقدر عليه .

وشكرا لمن شارك في الموضوع

تقبلوا احترامي
كاشخ 24 ساعه
15/07/2009, 12:14 PM
بيض الله وجيهكم وما قصرتو


انا بحاول اغير الربله وبجرب مع اني اشوف السنه يالربع كنها طويله


على كل اذا ما زانت بسيرعلى ابوعبدالله في الاستراحه ونتفاهم يا يصلحها ولا يعطينى وحده ثانيه <====ناشب
سرهيد
15/07/2009, 01:36 PM
بيض الله وجيهكم وما قصرتو


انا بحاول اغير الربله وبجرب مع اني اشوف السنه يالربع كنها طويله


على كل اذا ما زانت بسيرعلى ابوعبدالله في الاستراحه ونتفاهم يا يصلحها ولا يعطينى وحده ثانيه <====ناشب

اجل يا ربي انه ما يزين يالله يا كريم انه ما يزين

علشان نتشرف بك طال عمرك

ويا هلا ورحب

وعين فراش وعين لحاف طال عمرك

واتشرف والله بك وبشرواك

وعلى فكره خبرني وش يصير والا ارسل الرقم على الخاص يجيك اللي ومعه قطعة ثانية بتصلح لك

تقبل مودتي
أمير الخيال
15/07/2009, 05:07 PM
قسم إنك يآ بو عبد الله مدرسة تعليم الكرم و تقدير الآخرين

مشكور يآ بو عبد الله