قشاع الرمث
11/07/2004, 10:03 PM
السلام عليكم
هذي سالفة اول حبارا صدتها . تراها العام وتراني جديد على الصقاره في رمضان
الله يعيد هك الايام كنت في الشمال في رفحاء بالظبط وقاعد في مجلس يوم الاثنين والى العيال
الي مستاذن الربوع ويبي يقنص الثلاثا والي يبي يلحقهم الاربعاء ويسولفون بهالطيور والي يذكر طير
بحايل والي يذكر طير بعنيزه ويذكر واحد من العيال وكريه بعنيزه فعوله عجايب وانا كان معي طير مجهول
وسبقه لك عليه وحاط بالي اتصيدلي طير وكن هالوكريه طفت لي وانا انشده عن علومه والله ويمدحه
بالحيل وراحت هالسالفه والله وانتعشى ونسري كنت بكرى ابي ارجع للرياض ابوصل شايبن لي
ويعيي يجيني النوم هاك الليله اهوجس بالطيره وكني جزمت عليها والله وانام واعين من الله خير ويقومني الشايب الفجر وانصلي وانتقهوى مفطرين هاك اليوم نبي نسافر والي منا يوم جت الساعه ثمان قال لي مشينا وانا مركب الغراض بموتري من اليل ويوم دقيت سلف قال نبي نروح بموتري وخل موترك وارجع بالطياره بكرى وش تبي بطوي هالخطوط الله يكفينا الشر ونزل الغراظ ونركبهن بموتره ونمشي قال نبي طريق لينه طريق الحفر يشتغلون به كله
تحويلات ونمشي ونقابل واح من العيال دون محطة المعيزيله والى الرجال مبنشر وناقف عنده ونساعده
والى السياره نصها حطب من هكالرطا الهشيم معه جمس ونيت وشعندكم قال يمكن يجونا ناس من القصيم قلت انا انشا اله بكرى المغيرب اصلكم ونمشي يوم اقبلنا على حط الحفر ونلف يسال نبي محطة البطيحانيه
ونعبي بانزين ونمشي يم المجمعه وانا طول الخط اهوجس بهالطيره ويوم تعدينا نقطة التفتيش وانا اكلم خوينا الي ذكر الوكريه واقوله خذ علوم الطيره ويرد علي وانا حول المجمعة ومدحها لي والى راعيها مغليه شوي قلتله شرينا وخل العيال الي بيجوم من عنيزه يجيبونها ويكلمني وانا توني داخل الرياض قال ترانا شرينا
وان راعيها قال ما والله ابيعها لغيركم بهالقيمه حيث انه نزل من قيمتها شوي وكلمته عقب اخذت باقي العلوم
ودخلنا بيت عمي بالرياض وتقهوينا عندهوعقب العشاء طلعت على طول يم الخطوط وقصيت التذكره والبطاقه ( البوردنق )
ياله لقيت حجز والله وامرح عند عمي و صحيت الساعه سبع الرحله بدري ويكلموني الساعه ثمان قالو اهل غنيزه مشو البارح معهم الطيره والله واركب الطياره وناصل رفحاء الساعه احدعش ونص والى العيال طالعين وادق عليهم والى تلفوناتهم مسكره ما عندهم ارسال ويكلمني عقبها شوي من تلفون قلوب ستار
عطوني احداثية محلهم الي يبي يمرحون فيه وقالو الطيره بالاستراحه مر خذها و الله واكمل اغراضي وانتظر واحد يبي يخاويني ويوم جت الساعه ثنتين ونص وهو يكلمني يتعذر ما يقدر يطلع و امشي الساعه ثلاث
واقف بالمحطه اعبي بنزين والله وافرق من عند المحطة وزهمهم بالجهاز والى عندهم اثر ويعطوني احداثيتهم واجيهم يوم اقبلت عليهم بقي كيلو قالو ننتظرك قلت لا امشو معه غدي الله يجيبها ما عاد الاخير الساعه حول الخمس والله ويمشون معه قالو طايره واصلهم واسلم عليهم قالو نبي نفك حمام قلت العامل معلف الطيره
يحسبنا نبي نخليها ونهد طيورهم ونرجع لمراحنا ونتقهوىونفطر وما جت الساعه ثمان الا حنا متعشين ونصلي مغرب وعشاء وننام . واصبحنا على صوت خوينا يقول يالله تسحرو قبل الفجر ونقوم ونتسحر ونتقهوى ونكثر من شرب المياهه ونصلي الفجر وجينا نبي نمشي والا عندي كفر مبنشر بالليل ما دريت به واغيره قلت ماني قانص بدون اسبير ابي المحطه باتقنص على وجهته واصل المحطه الساعه ثمان ونص ونصلح الكفر وارجع انا حاط الطير على كرسي الراكب والوكريه مفرعها على التكيه وانا اقبل على هاك الحزيم ولى يوم بغت تروبج الساعه حول العشر والنص او احدعش واول ما ارتفعت مع الحزيم وطمنت مع له شغيه ويطيرن قدامي ثنتين والاني مقفل القزاز وتكفخ الوكريه الى القزاو مقفله وافتح قزازتي واجدعها والا يوم طلبتهن وهن مع الارض وهي ارتفعت كان اول مره اشوف طيرانها وازهم العيال اقظبوا هديت . وين انت هات الاحداثيه وارد عليهم ثنتين ثنتين . ولا يوم تغطن عني الحباري ورا حزم وارتفعت والاي ما اشوفهن والطيره فوقي تبوشق واقول للعيال قالو يمكن نزلن واعطيهم الاحداثي ولاهم قريبين حول ثلاثه كيلو ونزلت الوكريه على حصاة وبدت تكرك وتهوش والى يوم قام الخرب وجا لمها وانا انربش واسوق عليع وهي تنازله ويطير وتلحقه ما تعدى خمسين متر الى يوم نزل وهي تمسكه على طول وابمحله وتذبحه وتدلي تنتف وتعلف من هالثنادي وانا بالسياره قلوا لي لا تنزل تطير الثانيه ووصلوني وانزل وربط الطيرة واخليها تعلف لين شبعت ونجتمع واوريهم محله يوم يقوم الخرب اول مره وقالو يالله ندور الثانيه واشيل الطيره واركب وما فيه اكبر من راسي هاك اليوم وندور واوقفهم على طمول الخرب يوم تنازله الوكريه اول مره وندور ما لقينا الثانيه قلت لهم ابنزل ارمي غديها تطير ورميت وما طارت واول ما ركبت السياره وسكرت الباب وهي تطير ويهد عليها واحد من العيال وطرد طيره طرد عز الله ما قصر والله وراحت الثانيه . ومن بكرى لقو وحده وهد عليها نفس خوينا وصادها ورجعنا يوم الجمعة . ما تصدقون فرحتنا . والله يجيب هاك الايام . والله ان الصيف طول .
تحياتي للجميع .
هذي سالفة اول حبارا صدتها . تراها العام وتراني جديد على الصقاره في رمضان
الله يعيد هك الايام كنت في الشمال في رفحاء بالظبط وقاعد في مجلس يوم الاثنين والى العيال
الي مستاذن الربوع ويبي يقنص الثلاثا والي يبي يلحقهم الاربعاء ويسولفون بهالطيور والي يذكر طير
بحايل والي يذكر طير بعنيزه ويذكر واحد من العيال وكريه بعنيزه فعوله عجايب وانا كان معي طير مجهول
وسبقه لك عليه وحاط بالي اتصيدلي طير وكن هالوكريه طفت لي وانا انشده عن علومه والله ويمدحه
بالحيل وراحت هالسالفه والله وانتعشى ونسري كنت بكرى ابي ارجع للرياض ابوصل شايبن لي
ويعيي يجيني النوم هاك الليله اهوجس بالطيره وكني جزمت عليها والله وانام واعين من الله خير ويقومني الشايب الفجر وانصلي وانتقهوى مفطرين هاك اليوم نبي نسافر والي منا يوم جت الساعه ثمان قال لي مشينا وانا مركب الغراض بموتري من اليل ويوم دقيت سلف قال نبي نروح بموتري وخل موترك وارجع بالطياره بكرى وش تبي بطوي هالخطوط الله يكفينا الشر ونزل الغراظ ونركبهن بموتره ونمشي قال نبي طريق لينه طريق الحفر يشتغلون به كله
تحويلات ونمشي ونقابل واح من العيال دون محطة المعيزيله والى الرجال مبنشر وناقف عنده ونساعده
والى السياره نصها حطب من هكالرطا الهشيم معه جمس ونيت وشعندكم قال يمكن يجونا ناس من القصيم قلت انا انشا اله بكرى المغيرب اصلكم ونمشي يوم اقبلنا على حط الحفر ونلف يسال نبي محطة البطيحانيه
ونعبي بانزين ونمشي يم المجمعه وانا طول الخط اهوجس بهالطيره ويوم تعدينا نقطة التفتيش وانا اكلم خوينا الي ذكر الوكريه واقوله خذ علوم الطيره ويرد علي وانا حول المجمعة ومدحها لي والى راعيها مغليه شوي قلتله شرينا وخل العيال الي بيجوم من عنيزه يجيبونها ويكلمني وانا توني داخل الرياض قال ترانا شرينا
وان راعيها قال ما والله ابيعها لغيركم بهالقيمه حيث انه نزل من قيمتها شوي وكلمته عقب اخذت باقي العلوم
ودخلنا بيت عمي بالرياض وتقهوينا عندهوعقب العشاء طلعت على طول يم الخطوط وقصيت التذكره والبطاقه ( البوردنق )
ياله لقيت حجز والله وامرح عند عمي و صحيت الساعه سبع الرحله بدري ويكلموني الساعه ثمان قالو اهل غنيزه مشو البارح معهم الطيره والله واركب الطياره وناصل رفحاء الساعه احدعش ونص والى العيال طالعين وادق عليهم والى تلفوناتهم مسكره ما عندهم ارسال ويكلمني عقبها شوي من تلفون قلوب ستار
عطوني احداثية محلهم الي يبي يمرحون فيه وقالو الطيره بالاستراحه مر خذها و الله واكمل اغراضي وانتظر واحد يبي يخاويني ويوم جت الساعه ثنتين ونص وهو يكلمني يتعذر ما يقدر يطلع و امشي الساعه ثلاث
واقف بالمحطه اعبي بنزين والله وافرق من عند المحطة وزهمهم بالجهاز والى عندهم اثر ويعطوني احداثيتهم واجيهم يوم اقبلت عليهم بقي كيلو قالو ننتظرك قلت لا امشو معه غدي الله يجيبها ما عاد الاخير الساعه حول الخمس والله ويمشون معه قالو طايره واصلهم واسلم عليهم قالو نبي نفك حمام قلت العامل معلف الطيره
يحسبنا نبي نخليها ونهد طيورهم ونرجع لمراحنا ونتقهوىونفطر وما جت الساعه ثمان الا حنا متعشين ونصلي مغرب وعشاء وننام . واصبحنا على صوت خوينا يقول يالله تسحرو قبل الفجر ونقوم ونتسحر ونتقهوى ونكثر من شرب المياهه ونصلي الفجر وجينا نبي نمشي والا عندي كفر مبنشر بالليل ما دريت به واغيره قلت ماني قانص بدون اسبير ابي المحطه باتقنص على وجهته واصل المحطه الساعه ثمان ونص ونصلح الكفر وارجع انا حاط الطير على كرسي الراكب والوكريه مفرعها على التكيه وانا اقبل على هاك الحزيم ولى يوم بغت تروبج الساعه حول العشر والنص او احدعش واول ما ارتفعت مع الحزيم وطمنت مع له شغيه ويطيرن قدامي ثنتين والاني مقفل القزاز وتكفخ الوكريه الى القزاو مقفله وافتح قزازتي واجدعها والا يوم طلبتهن وهن مع الارض وهي ارتفعت كان اول مره اشوف طيرانها وازهم العيال اقظبوا هديت . وين انت هات الاحداثيه وارد عليهم ثنتين ثنتين . ولا يوم تغطن عني الحباري ورا حزم وارتفعت والاي ما اشوفهن والطيره فوقي تبوشق واقول للعيال قالو يمكن نزلن واعطيهم الاحداثي ولاهم قريبين حول ثلاثه كيلو ونزلت الوكريه على حصاة وبدت تكرك وتهوش والى يوم قام الخرب وجا لمها وانا انربش واسوق عليع وهي تنازله ويطير وتلحقه ما تعدى خمسين متر الى يوم نزل وهي تمسكه على طول وابمحله وتذبحه وتدلي تنتف وتعلف من هالثنادي وانا بالسياره قلوا لي لا تنزل تطير الثانيه ووصلوني وانزل وربط الطيرة واخليها تعلف لين شبعت ونجتمع واوريهم محله يوم يقوم الخرب اول مره وقالو يالله ندور الثانيه واشيل الطيره واركب وما فيه اكبر من راسي هاك اليوم وندور واوقفهم على طمول الخرب يوم تنازله الوكريه اول مره وندور ما لقينا الثانيه قلت لهم ابنزل ارمي غديها تطير ورميت وما طارت واول ما ركبت السياره وسكرت الباب وهي تطير ويهد عليها واحد من العيال وطرد طيره طرد عز الله ما قصر والله وراحت الثانيه . ومن بكرى لقو وحده وهد عليها نفس خوينا وصادها ورجعنا يوم الجمعة . ما تصدقون فرحتنا . والله يجيب هاك الايام . والله ان الصيف طول .
تحياتي للجميع .