اللي عندة معلومة عن السياحة العائلية في الباحة لايبخل علينا

[ماجد 2003]

اخواني الكرام بارك الله فيكم
السلام عليكم ورحمة الله وبركاته

اخوكم ناوي السفر للباحة هو والاهل والاطفال
ولا عندي اي معلومات عن الباحة والسياحة فيها
فاللي عندة معلومات عن مناطق الباحة من متنزهات وحدائق واودية وقري وجبال واسواق او اي مكان يستاهل الزيارة

وايضا بالنسبة لأفضل اماكن السكن

وايهم اقرب طريق للباحة من الرياض
الرياض / الطايف / الباحة
الرياض /الخرمة تربه / الباحة

فارجوا ممن يعرف ان لايبخل علي نفسه بالدعاء والاجر

[كــحــيــلان]

و عليكم السلام و رحمة الله و بركاته

الرياض / الطايف / الباحة
أفضل لك 100 مرة للتالي: الجو + الطريق + التمشي
الطايف / بني مالك / الباحة : اللي يسمونة الطريق السياحي جميل جداً و لا فية شاحنات و فية تقريباً 25 نفق. لا تنسون تعدونها مع العيال.

فالكم التوفيق السلامة.

[ماجد 2003]

بيض الله وجهك يا كحيلان وجزاك الله خير

بس مدري فرق المسافه بين الطريقين كم هو لو سمحت


كل التقدير للجميع ،،،،

[ابوبندرناصر]

محبي في الله نصيحتي لك :
تجنب طريق رنية والخرمة لمقطعته ووعورته وكثرة الجمال فيه وكثرة وفيات الحوادث لاسيما برفقتك عائلة ،،،
محبي عندك خيارين كل واحداحسن من الثاني ،،،،
1:الطريق الجبلي السياحي تفرقلة من عند قرية ميسان المفرق تقريباً40ك بعد الطايف وممتع وخاصه للصغار وخذ يا براد عيبة كثرت اللفات والطلعات بس جميل للعائله
2:طريق شمرخ سريع وبيطيح عليك 40ك العام الماضي اذكرهم يشتغلون في النهاية لانة مزدوج وهذا بالنسبة للشخص المستعجل يذهب معة ، ولك الخيار
الطـــــــــــــــــريق وخلصنا منـــــــــــــــــــــة :
بانسبه للتنزة عندك غابة رغدان وغابة شهبة واللوحات دليلك بكثرة هناك
ونصيحتي لك قبل غروب الشمس بكثير ارجع للمدينة لكثرة المخاطرمن سيول وغيرها من حيوانات مفترسة لكثرتها في الجبال والاوديه والشعاب
بالنسبة للســـــــــــكن عليك بمنتجع الحكير بجنب عقبة المخواة ،،،،،،
منتجع جميل ويقع في اعلى جبال الباحة وهو على شكل قبب دائرية فية حجم
صغير وكبير وتكثر فية القردة واحرص على اطفالك منهم لكثرة خطفهم للاطفال
واخيـــــــــــــراً اوصيك بتقوى الله وصلاة الجماعة للمقيم ورحلة موفقــــــــــة

[ربيع الشرقيه]

و عليكم السلام و رحمة الله و بركاته

الرياض / الطايف / الباحة
أفضل لك 100 مرة للتالي: الجو + الطريق + التمشي
الطايف / بني مالك / الباحة : اللي يسمونة الطريق السياحي جميل جداً و لا فية شاحنات و فية تقريباً 25 نفق. لا تنسون تعدونها مع العيال.

فالكم التوفيق السلامة.
كما قال الاخ اذا وصلت الطائف امسك طريق الباحة السياحي افضل من طريق شمرخ
الطائف_ ميسان _بني مالك _المندق _الباحة
الطريق جميل جدا 200 كيلو كلها تمشية جبال وغابات

[احمد المختار]

غابة الزرايب على طريق المندق ترى مدخلها غبص رائعه

غابة بلكبير على طريق بلجرشي مش حالك

غابة الشكران (السكران) متنوعه وفيها تلفريك (مش حالك) بعد بلجرشي

وأنت جاي من بلجرشي فيه معرض تسويق مؤقت يجيك على اليسار قبل الباحه بشوي فيه حاجات حلوه

السكن أبعد عن الشارع العام ودور بلشقق الداخليه فيه شقق سكنتها العام نسيت أسمه أمام مول الغنيم حلوه ورخيصه غرفتين وصاله ومطبخ وحمام 300 ريال

أهم شي أنك تاصل الظهر وقت الخروج ولاتتأخر كثير

مدة الاقامه 3 أيام أو أربعه أذا كنت وحدك أما مع مجموعه فحسب المزاج

[ماجد 2003]

ابو بندر ناصر / رحم الله والديك وجزاك الله خير ووصية طيبة
ربيع الشرقية / بيض الله وجهك
احمد المختار / تفصيل مفيد الله يجزاك خير الله لا يحرمك الاجر

[هنوف]

عزيزي هلا بك في الباحة أنا من أهلها وأعيش بالدمام الأجواء رائعه عدا بعض الاتربه اللي بالجو بالسنوات الأخيره الشقق غاليه شوي والغابات رائعه خصوصا جهة من طقة دوس ورغدان الناس طيبين الحيوانات المفترسه انقضرت الا من الاماكن البعيده داخل الجبال يعني لاتخاف انا اعرف المنطقه زين من جد احذر على اطفالك من القرود لايقربون منها كثير اما الطريق انصحك بالطائف الباحة الرياض مزوج وحلو بس احذر من الجمال في طريق الباحة الطائف انا في الخدمه اللي تبي انا تحت امرك ولو تبيني ادور لك شقه انا مستعد او اي طاري في الباحة انا تحت امرك ولو تبي تلفوني ابشر ارسله لك على الخاص

[ماجد 2003]

بيض الله وجهك ياهنوف
كل الشكر والتقدير للدعوه وعلي ما قالوا ( مقبوله وموفورة)

اللي احب اعرفة يعطيك العافية
هل هناك قري قريبة من الباحة بها سكن هادي ومستواه جيد

[المشاريع]

جميل ورائع مثل هالموضوع

بعد مشئية الله واذا الله كتب لنا زيارة الباحة خلال الايام القادمة

لدي استفسار واتمنى سرعة الرد والاجابه

كيف الجو في الوقت الحالى

وهل نزل امطار خلال الايام الماضيه والحاليه

واذا بالامكان ارقام شقق بالباحة بشرط تكون نظيفه ولا تقل عن ثلاث غرف او غرفتين وصالة

اكون شاكر ومقدر وللجميع تحياتي

[القلب المحروم]

طريق الرياض الطائف الباحه من عند شمرخ حلو وسيدين وانسيابي

واسكن بغابة رغدان

[ماجد 2003]

المشاريع / اقدر مرورك علي الموضوع

القلب المحروم / بيض الله وجهك علي النصيحة وجزاك الله خير

[عاصفة 2]

جميل ورائع مثل هالموضوع



بعد مشئية الله واذا الله كتب لنا زيارة الباحة خلال الايام القادمة


لدي استفسار واتمنى سرعة الرد والاجابه


كيف الجو في الوقت الحالى


وهل نزل امطار خلال الايام الماضيه والحاليه


واذا بالامكان ارقام شقق بالباحة بشرط تكون نظيفه ولا تقل عن ثلاث غرف او غرفتين وصالة



اكون شاكر ومقدر وللجميع تحياتي

نعم اخي السائل يوجد امطار على الباحه فالجو اروع من الطائف بكثير والاجار ارخص كذلك انقل لك هذا الكلام من اخي المتواجد بالباحه وكان ذلك بتاريخ 1\8\1430هـ

[جبرني وقتي]

الله يعينك

[يالله الجنه]

عزيزي هلا بك في الباحة أنا من أهلها وأعيش بالدمام الأجواء رائعه عدا بعض الاتربه اللي بالجو بالسنوات الأخيره الشقق غاليه شوي والغابات رائعه خصوصا جهة من طقة دوس ورغدان الناس طيبين الحيوانات المفترسه انقضرت الا من الاماكن البعيده داخل الجبال يعني لاتخاف انا اعرف المنطقه زين من جد احذر على اطفالك من القرود لايقربون منها كثير اما الطريق انصحك بالطائف الباحة الرياض مزوج وحلو بس احذر من الجمال في طريق الباحة الطائف انا في الخدمه اللي تبي انا تحت امرك ولو تبيني ادور لك شقه انا مستعد او اي طاري في الباحة انا تحت امرك ولو تبي تلفوني ابشر ارسله لك على الخاص


السلام عليكم ورحمة الله وبركاته


لي نيه ان شاء الله المشية من الرياض للطائف صباح يوم الثلاثاء 6\8\1430 وناوي اسكن في قصر الرمال في حي مسره لهدوءه وقربه من طريق الهدا وحديقة الملك فهد وبعده عن وسط البلد والازعاج وهل بالامكان افضل منها في نفس المكان واجدد منها ليومين الى ثلاثة ثم باتجه بحول الله وقوته الى الباحه (الذباحه) :D وناوي اسكن ان شاء الله في شقق البنفسجيه لاني سمعت عنها انها جديده ونظيفة ومكانها زين وش رايك ووين احسن مكان للعائلة تمشية وغدا وجلسة يقولون غابة رغدان زينه مدري باجلس في الباحه ان شاء الله ثلاثة ايام وعائلتي صغيرة زوجتي وثلاثة اطفال ولله الحمد ثم باتجه بحول الله وقوته للنماص وتنومه وناوي على لؤلؤة النماص او العاذريه وش رايكم افيدونا علما اني اول مره ازور الباحه والنماص وتنومه اما الطائف فاعرفه شارع شارع كنت اجيه كل سنه مع العمل ابغا فزعه والله من جد :good: عشان استانس وارتاح واغير جو صح ان شاء الله انا في انتظار الفزعه :D عاجلاً باقي يومين على المشيه

[يالله الجنه]

للرفع بمشي بكره :confused: :confused: :p