المساعد الشخصي الرقمي

مشاهدة النسخة كاملة : عباث>>>وابن عون>>>والقصيده


قناص الهمله
15/07/2009, 11:33 AM
السلام عليكم ورحمة الله




الله يمسيكم بالخير
هذه قصيدة الشاعر المعروف عبدالله بن نايف بن عون
في طير (الاميـــر نايف بن عبد العزيز الله يحفضه)


لماكانوا ربع الامير الي معه في المقناص يصيدون
ثلاث حباري في اليوم ويحسبون انهم حطمو العدد
وعند الامير نايف طير اسمه((عبــاث)) صاد 18حبارى
في اليوم وسوى الشاعر عبدالله بن عون هذه القصيده



اليكم الرابط


http://up.7cc.com/dlddkN48129.rm.html


اخوكم (قناص الهمله)
قناص الهمله
15/07/2009, 11:43 AM
للرفع
للرفع
عوق الخريش
15/07/2009, 11:59 AM
بسم الله الرحمنن الرحيم ,,,
وعليكم السلام ورحمة الله وبركاتة :
حياااك الله أخوي الغالي : قناص الهملة ,,,
’’’’’ نقل مميز ورائع ’’’’
يعطيك العافية والله يبيض وجهك ياكحيلان على القصيدة العطرة والجزلة التي فيها من الجزالة والقافية الصعبة
وسيدي يستاهل هو وطيرة عباث ,,,
وصح الله السان شاعر الصقاقير وشاعر ألأميرنايف عبدالله بن نايف بن عون .,,,,
لأتحرمنا من مواضيعك وأشكرك على حضورك المميز وردودك العطرة وتواجدك الدائم ,,,,

وهذي القصيدة مكتوبة ,,,

ياهل الطيور اللي تصيد الثلاثـي
تحطيمكم لاكبر عدد مثل الاظغاث
لو تجمعـون ذكورهـم والاناثـي
اكبر عدد ماحطمه غيـر عبّـاث
النادر اللي فـي الهـدد مايثاثـي
لا فرّعه راعيـه ماهـوب لثـاث
عباث في زرق الغلب يوم عاثـي
كنه عديماً له على الهوش حثاث
ادلى بربداً فـي غلبهـن بغاثـي
للريش من كفه على الروض بثّاث
وألّحق ثمانية العشـر بالمعاثـي
واضحى له التفضيل بالفعل ميراث
عذناه بالرحمن مشفـي الغلاثـي
عن كل شيطاناً للأسبـاب نفـاث
طير الكريم اللي جنابـه دماثـي
من حل فيه اسقاه ديماً وهثهـاث
مهب لحلوحـاً حشـاطً حثاثـي
اخير مايثمر بحرمـل وجثجـاث
شيخاً بصكات السنيـن العباثـي
أحيا قديم امجاد قومـاً بالأجـداث
عسايّ ما استعرض عليه الميراثي
آمين..ياحـيً للأمـوات بـعّـاث
اليا قيل منهو قلت مدري واعاثي
نايف ملاذ اللي له الوقت غثّـاث
المستغيث اليا التجـا واستغاثـي
عنده يغاث وخير اساميه غيّـاث

تحياتي لكــ...وشكراّ,,,,

أخوكـ

( عوق الخريش )
بو غازي
15/07/2009, 12:02 PM
السلام عليكم ورحمه الله وبركاته
قناص الهملة :الله يعطيك العافية يارب وصح الله لسان الشاعر ابن عون.
ابشر بسعدك
15/07/2009, 12:45 PM
شكرا اخي على هذه القصيدة الرائعة للشاعر الكبير ابن عون فمن منا لايعرف ابو نايف وتميزه في ابواب الشعر خاصة باب القنص نتمنى من الاخوه الاعضاء اللي عنده قصائد في هذا المجال ان لايبخلوا علينا فهناك شعار عمالقة في هذاا المجال مثل (ابن عون والشاعر الكبير مرشد البذال رحمة الله والشاعر الكبير عبدالرحمن بن سعود العطاوي سلمه الله واطال بعمره ) هولاء برعوا بقائد القنص وهذه بعض الابيات للشاعر العطاوي

يامير طيرك فالهدد مايجاجي...... سوعلى الحفال للهاربه عوق
الى جرد كنه عقاب العواجي..... وارخيت من كفك له السبق مطلوق
ماقط شفته عن مهاويه راجي....... وماناش بالمخلاب ماهوب معتوق
عثيت به فاجوال هاك الهباجي ........ارض خلا منتب عليها بمسبوق


وهيه طويله وقد قيلة في مقناص الامير نايف بن عبدالعزيز حفظه الله
قناص الهمله
15/07/2009, 01:26 PM
الله يجزاكم خير
يوسف الخليفة1
15/07/2009, 01:27 PM
بارك الله فيك أخي العزيز قناص الهمله وحياك ربي والشكر الجزيل
أبو إبراهيم !!
18/07/2009, 01:07 PM
ماشاء الله تبارك الله
الله يعافيكـ ،،،،
صح لسانك ولسان الشاعر
ـــــ 1000 ـــشكر ،،،
عساس الوادي
19/07/2009, 04:57 PM
صح الله لسان الشاعر والناقل.. شكرا لك...
عساس الوادي
19/07/2009, 04:58 PM
صح الله لسان الشاعر والناقل.. شكرا لك....
قناص الهمله
21/07/2009, 02:27 PM
لاهنتو الله يعطيك العافيه
عزيز2100
02/08/2009, 02:23 PM
مشكوووووووووووووووووووووووووور

على القصيدة الرائعة