تسجيل الدخول

مشاهدة النسخة كاملة : قصيدة للشاعر بدر الحويفي الحربي


عنيد
15/07/2009, 01:34 PM
بمناسبة ما تبقى من الريش وانه لم يتبقى الا النوايف والامواس في اغلب الطيور اهدي لكم قصيدة قرأتها واعجبتني كثيرا للشاعر الكبير امد الله في عمره على طاعته الشاعر بدر الحويفي الحربي


القيـض راح وبـردن الليـالـي
والطير عقب القرنسة كمّل الريش
والمزن بالمنشأ غدا لـه ظلالـي
وتراكمت غر المزون المراهيـش
وتذكر الصقار وقت مضـى لـي
ايـام جالـي بالغبيـة مغابـيـش
يوم الحباري حوزهـن بالدحالـي
إليا فرع النادر طلبهـن مخاييـش
والخرب بادناهن يصير الموالـي
يوجس براسه للشجاعـة نغاميـش
خرب مغفـل ماحسـب للتوالـي
طقيق حنكانه سـوات القراقيـش
وجاه اشقر جوفه من النسر خالي
جزام صيـاده يقـض النشانيـش
له بالطيور البرق فعـل ومدالـي
ضربه عطب ماهو مسوح وتناويش
ذاك الزمان اللي به المـر حالـي
يوم الصقارة تنعش القلب وتعيـش
واليوم لو نقنص جنوب وشمالـي
صرنا على ما قيل مثل القراريـش
ما شوف والله للصقـارة مجالـي
نقفي ونقبل يالحميدي على ويـش
مهمـا تجاوزنـا فيـاح السهالـي
غير الدجاجة ما لقينـا عراميـش
ما شوف غير القوبعة والكحالـي
وزرق الثعال اللي سواة القرافيش
عزي لحالـك يازميلـي وحالـي
بارض الرحيل نفتش القشع تفتيش
والله يلولا الطيـر بالقلـب غالـي
اني لاجوز من العنا والمطاريـش
لاكان حب الطير شـارك عيالـي
ولو ما تسلى بالولع كيف اباعيـش
والله ماني عن غلا الطيـر سالـي
لو نعلفه من بارد الخبز والعيـش
لوكان للخـارج نشـد الرحالـي
وندفع على شانه ضريبة وبخشيش
ابوسعودد
15/07/2009, 01:40 PM
قصيده رائعه ونقل اروع لاهنت اخوي عنيد
يوسف الخليفة1
15/07/2009, 01:48 PM
بارك الله فيك أخي العزيز عنيد وفي بدر الحويفي ومتعكما بالصحة والعافية والشكر الجزيل
ابو صقر 111
15/07/2009, 02:33 PM
بارك الله فيك وقصيدة غاية في الجزاله من شاعر فحل
أمير الخيال
15/07/2009, 05:37 PM
صح الله لسآنك ولسآن قيلهآ و بالتوفيق

تحيآتي
عنيد
15/07/2009, 08:57 PM
اشكر جميع من تفاعل مع القصيدة
أبو إبراهيم !!
16/07/2009, 11:59 AM
ماشاء الله تبارك الله
صح لــ،،،ـــأنك ولــ،،،ــان الشاعر
شـــ 1000ـــكر
فا رس
16/07/2009, 01:48 PM
ذاك الزمان اللي به المـر حالـي
يوم الصقارة تنعش القلب وتعيـش
صراحه قصيده رائعه جدا لاامل ولااكل من تكرارها
الشكر لك على هذا النقل
أبو_خالد
18/07/2009, 06:58 AM
قصيدة رائعة لشاعر المقناص
بدر الحويفي حفظه الله
جبرني وقتي
21/07/2009, 07:49 PM
بارك الله فيك وقصيدة غاية في الجزاله من شاعر فحل
شهاب2020
28/07/2009, 03:20 AM
هذا الشعر بيض الله وجهيهكم
لعيون مكشات
28/07/2009, 04:00 AM
عزي لحالـك يازميلـي وحالـي
بارض الرحيل نفتش القشع تفتيش
والله يلولا الطيـر بالقلـب غالـي
اني لاجوز من العنا والمطاريـش
لاكان حب الطير شـارك عيالـي
ولو ما تسلى بالولع كيف اباعيـش

الله يعين
لاهنت على القصيده
مشكووووووووووووووووووووووووووووووور
SHAHEAN
28/07/2009, 10:17 AM
صح لسان الشاعر الكبير
ومشكور على النقل