المساعد الشخصي الرقمي

مشاهدة النسخة كاملة : أسئلة في بعض مشاكل الطير.. لو تكرمتوا بالإجابة..


منسر الطير
15/07/2009, 08:39 PM
السلام عليكم ورحمة الله وبركاته..

إخواني الاعزاء..

عندي شيهان جبلي وبه مشاكل أرجو منكم أنكم تنوروني..
مع العلم بأني صقار جديد

1- إذا أكل انتفخ صدره بصورة ملفتة..
2- ريشه مشقشق, ماهو مكسور بس الريش روحه طالع ما فيه ريش في الذيل طيب كله مشقشق
سؤالي: هل هذا الريش يشفى من حاله أم لا بد من نتفه أو ما هو الحل معه.. ومثله في بعض ريش الجناح..
3 تراه ما يبي يشرب الماء ويش الحل معاه, ولا هو مايشرب ماء أصلا..
4- إللي عندي فرخ يمكن يكون مثلوث فهل يطول لحد ما يصير جرناس ولا خلاص ماعاد يطول..

أرجو من إخواني تنويري بالإجابة..
والسلام علكم ورحمة الله وبركاته..
هماش
15/07/2009, 10:14 PM
السلام عليكم
ياخي قم بفحص الطير
الريش الي تقول عنه متشقق جديد ام قديم
الطير فحصته ام لاء
الماء ضروري بمقيظ الطير
صقار مبتدئ
15/07/2009, 10:22 PM
السلام عليكم هلا والله اخوي
1- الله يباركلك في طيرك
2-لا تنتف الريش :no2: لان هذا الوقت لابد يكون الطير مربوط و في الربطه يبدل الطير ريشه من سنه لسنه
و الريشه الجديدة تكون ضعيفة لابد انك تحافظ عليها
3- انتفاخ الصدر هذي حوصلت الطير بعد العلف تكبر اكيد
4- الشرب خذلك دبه مويه واخرم الغطا و سكب على منقار الطير و الاسهل عند العلف ضع الماء على العلف
5- انتبه من الحمام المريض لا تعطي الطير الداخليه للحمام (الامعاء) اعطه الصدر (انتبه من الحمام المريض)
ارجو اني اكون افدتك في بعض الشيئ و ان شاء الله الشباب ما يقصرون:D :D
راعى شاهين
15/07/2009, 10:26 PM
اخوى لازم يشرب وحطله ماعون عنده وفيه ماء متى ماعطش الطير ينزل ويشرب وبنسبه لطير بعد مايقادر عشه خلاص يصير هذا حجمه ولا يكبر وسلامتك
منسر الطير
15/07/2009, 10:43 PM
السلام عليكم
ياخي قم بفحص الطير
الريش الي تقول عنه متشقق جديد ام قديم
الطير فحصته ام لاء
الماء ضروري بمقيظ الطير

الله يبارك فيك أخوي..
الطير شريته قبل شهر تقريبا ولا أدري هل الريش جديد أو قديم..

كيف أعرف إنه قديم أو جديد..؟؟
مع العلم الطير فرخ..
الله يبارك فيك أخوي..
منسر الطير
15/07/2009, 10:49 PM
السلام عليكم هلا والله اخوي
1- الله يباركلك في طيرك
وفيك يبارك الله اخوي..
2

-لا تنتف الريش :no2: لان هذا الوقت لابد يكون الطير مربوط و في الربطه يبدل الطير ريشه من سنه لسنه
و الريشه الجديدة تكون ضعيفة لابد انك تحافظ عليها

أبشر أخوي جزاك الله خير..
أرجو منك أخوي تعطيني بعض التوجيهات في كيفية الحفاظك على الريش بالطريقى المثالية..

3- انتفاخ الصدر هذي حوصلت الطير بعد العلف تكبر اكيد
مشكور على الفائدة يالغالي..

4- الشرب خذلك دبه مويه واخرم الغطا و سكب على منقار الطير و الاسهل عند العلف ضع الماء على العلف
جربتها والحمدلله شرب وبشغف..
والله محزني قلبي على طيري..

5- انتبه من الحمام المريض لا تعطي الطير الداخليه للحمام (الامعاء) اعطه الصدر (انتبه من الحمام المريض)
أنا بعطيه دجاج مبرد مرة جنحان ومرة فخوذ ومرة صدور وأحيانا بعطيه لحم ضاني إن شاء الله يكون تمام, وإن كان ما يصلح أخبرني..


ارجو اني اكون افدتك في بعض الشيئ و ان شاء الله الشباب ما يقصرون:D :D
والله أفدتني كثير يالغالي..
الله يبارك فيك ويسعدك ويسعد أيامك..
جزاك الله خير..
منسر الطير
15/07/2009, 10:51 PM
اخوى لازم يشرب وحطله ماعون عنده وفيه ماء متى ماعطش الطير ينزل ويشرب وبنسبه لطير بعد مايقادر عشه خلاص يصير هذا حجمه ولا يكبر وسلامتك
جزاك الله خير أخوي على الفائدة..
الله يبارك فيك إن شاء الله..
منسر الطير
15/07/2009, 10:54 PM
باقي اعرف هل هناك طريقة لعلاج ريش الطير ؟
وهل إذا كان الريش جديد واتعدم فهل انتظر سنة كاملة حتى يرمي ريشه القديم..؟؟
وكيف أعرف أن الريش جديد أو قديم..؟؟
طيب إذا كان قديم متى راح يتغير ؟؟
وهل هناك عملية تدخل خارجية لتغيير الريش..؟؟

جزاكم الله خير وبارك الله فيكم..
ما تقصروا والله..
عبد المجيد123
16/07/2009, 04:53 AM
اتوقع انها ريش قديم والعلم عن الله

لاكن انت صورها وحط الصور وهنا وان شاء الله مايقصرون معاك الشباب
راعي غضبان
16/07/2009, 05:16 AM
وعليك السلام الشباب افادوك ماقصرو بس العلف رح لبنده واخذ سمان الخالديه المبرد واحطه في ماء من الحنفيه لين يدفى واعطه ايها كل يوم وحده وانتبه ترى البارد يذبحها وان كان ماعندك الا دجاج عطها الفخذ فقط المبرد وحطه في من الحنفيه لين تدفى واعطه كل يوم فخذ والله يوفقكك اخوي
محمد الشامان
16/07/2009, 06:45 AM
امسح على الريش بيدك
من فوق الى تحت
واذا مافاد حط بيدك ماء خفيف وسو نفس الحركه
والله يوفقكـ
صقار مبتدئ
16/07/2009, 09:27 AM
هلا و الله بك اخوي منسر الطير
اولاُ : للحفاظ على ريش الطير من التكسر لانك تقول الطير يكفخ و هذا طبيعي لان الطير و حش يوضع على خيشه هذي الخيشه تكون على شكل و ساده صغيره مملوئه حصي او رمل ثم تفرد تحته بطانيه بيث اذا كفخ ما تنكسر الريشه
لاحظ اخوي انك عند حمل الطير يكفخ ويضرب الجناح فيك صح:confused: الحل هو عند كفخ الطير ارفعه لأعلى بس قصر على السبوق يعني لفه على يدك
ثانياُ : علف الطير لابد يكون منوع مره سمان مره حمام مره فرنوج دجاج و الله ان الدجاج قاز نفسي منه وانا ما اعلف طيوري ابد دجاج كلها هرمونات و بلاوي حنا متنفخين ومرضانين من الدجاج بس اذا اضطريت :confused: الشكوى لله
ثالثاُ : الريش المتكسر ما يأثر على الطير لانه وقت الهدد لابد انه تنكسر ريشه ريشتين بس اذا صار الريش متكسر قالو عنك الناس مهمل في طيرك:mad: بس الحل موجود:D وهو التوسير
اذا الطير فرخ مثل ماتقول فالريش جديد
@قرناص@
16/07/2009, 10:37 AM
الير المفروض يبدل ريشه من فرخ الا بكر ،،

والعلف سمااان والماء برشاش المويه حق القزاز ترش فيه مناخر الطير ،،

والطير نفس طوله مايتغير

واذا الطير علف تنتفخ بشكل ملوظ اكيد انه مو صنيع ،
قناص الهمله
16/07/2009, 03:08 PM
ماقصرو الاخوان
..@القناص@..
16/07/2009, 04:00 PM
افادوك النشاما .. وكلامهم صحيح
الطبشي
16/07/2009, 04:06 PM
وعليكم السلام الاخوان افادوك وما قصرو0000ولاكن عندي نصيحه اخويه اهم شي الفيتامينات للطير والتهويه والله يوفقك 0000
منسر الطير
16/07/2009, 08:27 PM
اتوقع انها ريش قديم والعلم عن الله

لاكن انت صورها وحط الصور وهنا وان شاء الله مايقصرون معاك الشباب
حاولت أصورها أخوي لكن الكامرا عندي تعبانة ما تظهر الصورة بوضوح..
ولكن عملت بوصية أخوي أبو شقران فأحسست إنها راح تنفع إن شاء الله..

وعليك السلام الشباب افادوك ماقصرو بس العلف رح لبنده واخذ سمان الخالديه المبرد واحطه في ماء من الحنفيه لين يدفى واعطه ايها كل يوم وحده وانتبه ترى البارد يذبحها وان كان ماعندك الا دجاج عطها الفخذ فقط المبرد وحطه في من الحنفيه لين تدفى واعطه كل يوم فخذ والله يوفقكك اخوي
جزاك الله خير أخوي على النصيحة..
وأنا أعمل بشورتك إن شاء الله..

امسح على الريش بيدك
من فوق الى تحت
واذا مافاد حط بيدك ماء خفيف وسو نفس الحركه
والله يوفقكـ
حياك ربي أخوي أبو شقران
والله عملت مثل ماقلت مسحت الريش وإيدي مبلولة وشكل الريش الآن مرتب وجميل..
وأشعر أن باستمرار العملية راح يرجع الريش كما هو..
يعطيك العافية يالغالي..
ما قصرت..
ويجزاك ربي الجنة..

هلا و الله بك اخوي منسر الطير
اولاُ : للحفاظ على ريش الطير من التكسر لانك تقول الطير يكفخ و هذا طبيعي لان الطير و حش يوضع على خيشه هذي الخيشه تكون على شكل و ساده صغيره مملوئه حصي او رمل ثم تفرد تحته بطانيه بيث اذا كفخ ما تنكسر الريشه
لاحظ اخوي انك عند حمل الطير يكفخ ويضرب الجناح فيك صح:confused: الحل هو عند كفخ الطير ارفعه لأعلى بس قصر على السبوق يعني لفه على يدك
ثانياُ : علف الطير لابد يكون منوع مره سمان مره حمام مره فرنوج دجاج و الله ان الدجاج قاز نفسي منه وانا ما اعلف طيوري ابد دجاج كلها هرمونات و بلاوي حنا متنفخين ومرضانين من الدجاج بس اذا اضطريت :confused: الشكوى لله
ثالثاُ : الريش المتكسر ما يأثر على الطير لانه وقت الهدد لابد انه تنكسر ريشه ريشتين بس اذا صار الريش متكسر قالو عنك الناس مهمل في طيرك:mad: بس الحل موجود:D وهو التوسير
اذا الطير فرخ مثل ماتقول فالريش جديد
بارك الله فيك أخوي وجزاك الله خير على المعلومات..
وإن شاء الله راح أنوع العلف..
وصادق والله في كل كلمة..
يعطيك العافية ربي..

الير المفروض يبدل ريشه من فرخ الا بكر ،،

والعلف سمااان والماء برشاش المويه حق القزاز ترش فيه مناخر الطير ،،

والطير نفس طوله مايتغير

واذا الطير علف تنتفخ بشكل ملوظ اكيد انه مو صنيع ،
الله يعطيك العافية اخوي على النصائح..
جزاك الله خير..

ماقصرو الاخوان
وانت كمان ما قصرت
أشكرك على المرور..

افادوك النشاما .. وكلامهم صحيح
أشكرك على المرور..


وعليكم السلام الاخوان افادوك وما قصرو0000ولاكن عندي نصيحه اخويه اهم شي الفيتامينات للطير والتهويه والله يوفقك 0000
أشكرك أخوي على النصيحة..
ولكن لو تعطيني نصايح اكثر من ناحية الفيتامينات
هل هناك علف خاص يحتوي على فيتامينات غير العلف المعروف..

جزاك الله خير..