سأزور بإذن الله برق الحيا .. فماذا تنصحوني ياغاليييين

[النوخذة الأحسائي]

السلام عليكم ..

الله يمسيكم / يصبحكم بكل خير ..


حبيابي حفظكم الله تعالى ونفع بكم وسدد على الخير خطاكم ..


أنا غدا في زيارة خطافية صباحية فقط لزيارة برق الحيا .. والنية شراء طبق للجيب .. وتم مكالمة برق الحيا وهو موجود عندهم والحمدلله ..

فوش الأشياء اللي تنصحوني ما أفوتها هنااااااااك .. يعني حركات البر وشي يصلح للجيب والمكشات ووووو ..

انتم اخبر .. بارك الله فيكم .. وانتظركم ....

[زايد بن بدران]

عليكم السلام ورحمه الله وبركاته
اهم شي انك تكثر الدراهم والله يعينك على الحساب هههههههههههههه

[أمير الخيال]

.................................................. .................................................. ...

لا تعليق

[الناب]

والله يا النوخذه أني مريت برق الحيا

ووجدت أن أغلب ما عندهم موجود عندنا

فلا يوجد شي مهم جدا لا يوجد إلا عندهم

يجب أن تعرف أنت ما ينقصك

يعني ألي ممكن تلاقيه عندهم أدوات وقطع وتوصيلات الدبات والقزوز

بدال ما تفر السوق هم مجمعينه عندهم

على فكره عندكم في الحسا محل مكشات لأدوات الرحلات مريت عليه؟؟؟؟؟؟؟؟؟؟؟؟؟

[النوخذة الأحسائي]

يابعدي يالناب ..

أنا قصدي من روحتي عن الجديد والأشياء الصغيرة اللي ما ننتبه لها . . .

المهم أنا رحلت لبرق الحيا ضحوية اليوم الخميس وطلعت ب472 ريال .. والله عجبني مرة برق الحيا .. وشغل تمام ..يبي له زيارة ثانية مع ميزانية ثانية .. وشراء أشياء جديدة وفيه فرق والله في السعر عن الشرقية في بعض الأشياء ..


ساضيف موضوع مستقل لاحقا إن شاء الله عن برق الحيا ورايي فيه وصور ما اقتنيته منه ..


أنا خليت الزيارة للرياض حجه وحاجة .. وإن شاء الله تعالى بصلي بكرة عند المفتي إن شاء الله تعالى .. وراجعين للحسا .. والحسا حساك لو الدهر جفاك ..


وأخوكم بو فهد راعي بر وبحر .. وتراني لامي ياللامي .. والشاهد علي سرهيد أبو عبدالله الله يبارك فيه وفي ماله وولده ..

تحياتي يالنشاما

[MR.BADER]

أنا أنصحك أنك ماتشتري من عندهم أواني يعني دلال أو سكاكين أو بيالات أو فناجيل أشترها من السيف للاواني لأن أغراضهم تكفي لطلعه وحده يعني ماتصبر يعني أشتر من عندهم مثل ماقالو الأخوان قطع غيار لدبة أو اشتر عزبة منهم والله يعينك ويوفقك

[ابو ساره 999]

اخوي النوخذه انا والله مااقصد شي بكلامي والله بس شفت الرجال ناشف شوي وحبيت الطف الجو تقبل اعتذاري واسفي الشديد اذا حصل مني اسائه لك واي خدمه من الرياض انا حاظر ياخوي ارسل رساله بالي تبي وابشر بعزك والاخوان المشرفين كذالك مااتوقع انه فيه شي بردودي تستاهل حذف الردود انا اشارك بهذا الصرح الكبير من اكثر من 5 سنوات ولم يصدر مني شي يكدر احد اتمنى اعادت النظر

[النوخذة الأحسائي]

أنا أنصحك أنك ماتشتري من عندهم أواني يعني دلال أو سكاكين أو بيالات أو فناجيل أشترها من السيف للاواني لأن أغراضهم تكفي لطلعه وحده يعني ماتصبر يعني أشتر من عندهم مثل ماقالو الأخوان قطع غيار لدبة أو اشتر عزبة منهم والله يعينك ويوفقك
تسلم ياغالينا ..



اخوي النوخذه انا والله مااقصد شي بكلامي والله بس شفت الرجال ناشف شوي وحبيت الطف الجو تقبل اعتذاري واسفي الشديد اذا حصل مني اسائه لك واي خدمه من الرياض انا حاظر ياخوي ارسل رساله بالي تبي وابشر بعزك والاخوان المشرفين كذالك مااتوقع انه فيه شي بردودي تستاهل حذف الردود انا اشارك بهذا الصرح الكبير من اكثر من 5 سنوات ولم يصدر مني شي يكدر احد اتمنى اعادت النظر

وسع صدرك يا بو سارة .. والله ما في قلبي عليكم شي .. والله يحفظك ويرعااااااااك

[أبو عيسى 770]

ثلاجات ستايروتك فلين ممتاز جربتها الثلج يقعد معك ثلاث
أيام

[الكايف2]

توكل علي الله وشف اللي ينقصك والا الاغراض واجد لوطاوع نفسك خذت برق الحيا كله تقول يمكن احتاجه والله يعينا وياك

[النوخذة الأحسائي]

أحسنتم .. وبارك الله فيكم ..

أبو عيسى شفت هالثلاجة وعليها طلب عندهم واضح من الزباين ..

اتكلنا على الله يالكايف ورحت لبرق الحيا ضحوية يوم الخميس وطلعت ب474 ريال .. والله عجبني مرة برق الحيا .. وشغل تمام ..يبي له زيارة ثانية مع ميزانية ثانية .. وشراء أشياء جديدة وفيه فرق والله في السعر عن الشرقية في بعض الأشياء ..