المساعد الشخصي الرقمي

مشاهدة النسخة كاملة : استفسار عن سوق الطيور بالرياض


لاسلكي 20009
16/07/2009, 06:01 AM
السلام عليكم ورحمة الله وبركاته

اخواني اعضاء مكشات ودي اسالكم عن اسعار الشواهين الجبليه الفروخ في السوق هل هي مرتفعه ولا زينه

وشكرا
جـرح الشمـال
16/07/2009, 06:07 AM
يفيدونك الاخوان ان شاء الله
محمد الشامان
16/07/2009, 06:36 AM
اسعاره من 1500 الى2000 ريال
راعي غضبان
16/07/2009, 07:13 AM
وعليك السلام ورحمة الله ماقصر ابو شقران عطاك العلم الله يبيض وجهه وجهك ولك مني جزيل الشكر
لاسلكي 20009
16/07/2009, 08:29 AM
طيب ياجماعة الخير انا جاي من الشرقيه ودي اشري طير من الرياض لاكن هل فيه موسم تنزل فيه الاسعار ..؟
مشبر البران
16/07/2009, 10:25 AM
أظن ان هذا هو الوقت الي نزلت فيه الأسعار شوي
وترتفع
انا مني متأكد لاكن يفيدونك الأخوان
@قرناص@
16/07/2009, 10:31 AM
الحين الاسعار متوسطه بعد شهر تقريبا تبدأ بالارتفاع

اما انها ترخص ترخص مع بداية المقيض ،،


واسعار الشواهين الان من 1500 الا 2000

والله يرزقك ،،
صاحب نوماس
16/07/2009, 10:53 AM
اسعاره من 1500 الى2000 ريال
:good: :good: :good: :good: :good: :good: :good: :good: :good: :good: :good:
لاسلكي 20009
16/07/2009, 11:06 AM
طيب ابسالكم هل بالسوق نصب وغش

والطيور الي موجوده طيبه وكم قياسها .. ولازم افحصها قبل بالمستشفى ؟
قناص الهمله
16/07/2009, 02:51 PM
الله يرزقك
تركي العتيق
16/07/2009, 02:57 PM
مافية نصب ولاغش وطيبها طيب ورديهااا معروف والمستشفي وانا خوك ويش تفحص جبيلة وحش توها مطروحة وقيمتة محدوده لوتقل بفحصها يمكن يستنكرون اهل المحلات والله اعلم والمحلات فى طريق الملك فهد مخرج طارق بن زياد هناك موقع السوق والله يرزقنا وياك
..@القناص@..
16/07/2009, 04:04 PM
طيب ابسالكم هل بالسوق نصب وغش

والطيور الي موجوده طيبه وكم قياسها .. ولازم افحصها قبل بالمستشفى ؟
رحت قبل كم اسبوع ..
ابي مثلوث ولافيه الا 3 محلات فاتحهـ..
ولقيت وكري 13*13 ونص اتوقع
لانه صغييره مره وتوقعته مسيومه 1100 ريال
ويقول مهب حول البيعه وصراحه ماتسوى هالقيمه
@قرناص@
16/07/2009, 04:49 PM
النصب موجود ،،

اعرف واحد من الربع شراله قرناسه بحريه العام .. ويوم جرب يهدها الطير ماتطير..!!

على العموم انصحك تروح مع صقار فاهم وان شاء الله تحصل مبتغاك ،،
راعى شاهين
16/07/2009, 05:58 PM
اناالعام اشتريت شيهانه قرناس عند المحل الى فىشارع سلمان الفارسى والى فى المحل الظاهر انه يمانى وفيه ناس داخل المحل وهم شباب يعنى من 25 وتحت ويثنون على الطيره وانه يخالى على الطيور وصاحب الشيهانه عتيبى المهم سافرت وخذت الشهانه مبلغ وقدره المهم يوم هديتلها حمام وطير الطير وتنزل على الموتر وهدلها الثانيه منتف فيها 3 وصفحت وهدلها الثالثه مابها من الريش شى وتطرها ونشرت جنحها الشهانه تبى تذبح الحمامه اذا فيه جرح فى الجناح وجرح قديم والطيره رجعتها راعيها وكل يوم افلوسك بكرى وعلى هذى الحاله لين غير رقم جواله حسبى الله ونعم الوكيل وراحت الشيهانه والفلوس
لاسلكي 20009
16/07/2009, 09:36 PM
جزاكم الله خير

المحلات الي بسلمان الفارسي عندهم شيهانه فرخ وحدها علي بـ1800 ومعها صيحه مع البرقع وفيها حفاة اقوله شف الطيره رجلها من تحت مورمه وحمراء قال لا سليمه قلت عطني رقم راعيها قال طيب بس لاتقوله ان فيها حفاة ههههه ..

لاكن الديره اتوقع افضل انك تشتري منهم
@قرناص@
16/07/2009, 09:43 PM
جزاكم الله خير

المحلات الي بسلمان الفارسي عندهم شيهانه فرخ وحدها علي بـ1800 ومعها صيحه مع البرقع وفيها حفاة اقوله شف الطيره رجلها من تحت مورمه وحمراء قال لا سليمه قلت عطني رقم راعيها قال طيب بس لاتقوله ان فيها حفاة ههههه ..

لاكن الديره اتوقع افضل انك تشتري منهم



ههههههههههه فرخ وحاده بـ 1800 وفيه حفاة!!

ابعد عن الطير ،، وانصحك بسوق الديره بتحصل انواع واشكال والاسعار جيده ،،
لاسلكي 20009
17/07/2009, 02:43 AM
طيب يالغالي بعد عشرين يوم بالظبط الاسعار تكون مرتفعه ولا لا

واسف على كثرة الاسلئه
ابو زنه
17/07/2009, 03:46 AM
والله السوق مافيه الى حر واحد ومحدود 3000ريال

والشياهين من 1500الى 2000ريال

سوق الديره
هاذا الكلام اليوم
ااوسكار
17/07/2009, 04:54 AM
من وجهت نظري رح اشتر من الساحل وعين خير افضل واحسن بعدين مستحيل تلقى شيهانه فرخ بالسوق ومصفيه خذ وحش لاحظ اني قلت وجهت نظررررررر
لاسلكي 20009
17/07/2009, 05:40 AM
من وجهت نظري رح اشتر من الساحل وعين خير افضل واحسن بعدين مستحيل تلقى شيهانه فرخ بالسوق ومصفيه خذ وحش لاحظ اني قلت وجهت نظررررررر


بالرياض عندنا سوق مشوار لساحل ومشكووور على المرور

وين باقي الاعضاء ..؟!
دكتورالانترنت
17/07/2009, 11:49 AM
الاسعار الان 1000 الى 2000
@قرناص@
17/07/2009, 02:14 PM
طيب يالغالي بعد عشرين يوم بالظبط الاسعار تكون مرتفعه ولا لا

واسف على كثرة الاسلئه


تقدر تقول ترتفع اذا نزلة فروخ جديده ،،

وانت وراك عجل ان كانك تبي طير بداية شهر 8 رح لسوق الديره وبتحصل الي تبيه ان شاء الله

والاسعار متوسطه ..

والله يرزقك ,,
رماني زماني
31/07/2009, 02:46 PM
كيف الحال السا حل الغربي في سوق او محل لبيع الصقور ودي اعرف
مخاوي شيهانه
31/07/2009, 03:10 PM
كيف الحال السا حل الغربي في سوق او محل لبيع الصقور ودي اعرف
حدد فين في الساحل الغربي
كانك قريب مني ابشر بسعدك
مخاوي شيهانه
31/07/2009, 03:20 PM
الله يرزقك بطير الطيب
تبي النصيحه اشتري الحين
ياخوي لاسلكي2009
العاتق
31/07/2009, 03:47 PM
اولا حياكم الله جميعا بعد هالغيبه الطويله....
اخي الفاضل الطيور اللي تنزل الاسواق معظمها معيوبه (فيها عيب) ويختلف حجم وشكل العيب من طير لاخر وبعض العيوب من السهل جدا معالجتها ومن المستحيل تلقى طير زين معروض للبيع وصارله فتره بالسوق... انت ما عليك الا ان تفحص الطير فحص لانك راح تدفع فلوس عليه عموما كيف تفحص الطير...
اول شي ارخي برقعه وناظر لراسه وعينه هل هي سليمه ولا فيها شي ولاحظ البرقع من الداخل هل فيه رطوبه ولا لا وشوف بوزه ومنسره (المنسر هي فتحة المنخر او نف الطير) وبعد كذا افحص ارضيته من تحت هل فيها حفاة او لا ومخالبه وبعد كذا الذيل والجناح اذا به ريش مكسور وافرد جناحه عشان تلاحظ اذا هو مجروح ولا لا وبعد كذا افحص صدره بيدك ولاحظه هل هو ضعيف ولا طيب بعد كذا خذلك دس من المحل اذا ما كان معك دس وانقله على يدك ولاحظ النقله هل هي سريعه ولا بطيئه وبعد كذا حرك كفك وشوف ردة فعل حركة الطير ورفرفته هل هي سريعه ولا ثقيله...
افحص الطير فحص ومن حقك انك تفحصه وادفع فلوسك باللي يستاهله الطير اما الطير الزين صدقني ما ينزل السوق الا نادر لان اول ما ينتشر خبره وعلمه الا ويجيه واحد صامل ويشريه واذا نزله السوق ما يمر يوم او يومين بالكثير وينشرى اذا ما انباع بنفس الوقت... عموما اسف على الاطاله

واخيرا... الله يبارك لنا في شعبان ويبلغنا رمضان وتقبلو مروري ولكم تحياتي