اذا قلتو قدر كاتم حامت تسبدي

[اشهب]

السلام عليكم ورحمة الله وبركاته:mad:
من غير مقدمات ولف ودوران اسأل هالسؤال
هل ابائنا واجددنا يعرفون القدر الكاتم الاجابه طبعا لا
طيب اذا هم مايعرفون القدر الكاتم انا لاحظت ان نص الكشاته معهم قد ركاتم واذا طبخو قالو قدر كاتم لدرجة اني حسيت بكتمه بصدري
مادري ليش احس اني الي يطبخون بقدر كاتم قعيطيه وهمه الغاز مايقضي بسرعه
ياخوي اطبخ بقدر يامل الغنيمه
قدر قاعته سودا من الحكاكه ومتطعج مع كل جهه وعروة الطباقه مربوطة بسيم ....والله اذا كبيت النثيره ان القدر يملحه وتصير ماهنا زينه لو هي مريس
انت راعي بر خل شغلك وسنعك سنع اهلك وابائك لا تحسسن اني كاشت مع فرنسي
يجيك الواحد يسولف عن البر وقدر الكاتم بجنبه:mad:
ايه والشاهي اذا شفت قدامي ترمس شاهي ترا ابصك الترمش بوجهك
ابي الشاهي ببريق اسود من الرمث وبه طعجين او ثلاثه
البيالات لا اشوف قدامي الا بيالات بادريق اذا شفت السيف البيالات المكعبه ترا ابرنع وحدتن منهن بجبهك بخلي ال صعرور تقل فقعة طالعة بوجهك
والماء ابيه بطاسه صغيره ...غضاره
تصدقون مره رحت لحراج ابن قاسم واشوف هاكلمواعين...رن الجوال اكمل بعدين

[العنكبوت]

الله يقطع بليسك يالاشهب وليش مضيقن صدرك ؟؟؟

للمعلوميه القدر الكاتم يقولي سوري بس انه خووش ابضاي

يقول منول يومه بزر قد فقع ببيتهم كاتم لانه الله يصلحه ماليه حمص

والحمص يتمدد ,,, والرجال الحين عمره حول الخمسين !!

يعني الكاتم شي قديم

وعمي بعد عمره حول الستين وله سالفه يومه شباب بحايل

بالضلع فقع عليهم الكاتم والحمد لله ماجاهم شي

والكاتم طول الله عمرك يمسك الحراره والبخار والطعم لايضيع

وله نكهه خااصه وللمعلوميه تراه صحي بعد

وعلى طاري القعيطيه بالعكس الاحظ لا صار الطبخ بالكاتم

العيال ياكلون بزياده وخاصه اللحم اما لاصار قدر عادي يقل اكلهم

بس اهم شي لايضيق صدرك

اخوك العنكبوت ;) ;) ;)

[*القبطان*]

اخوي اشهب
السلام عليكم ورحمة الله وبركاته
وش دعو يخوي وراك على الكاتم ..... طيب انت تكشت على بعير لن جدي السادس ما كان عنده سيارة اذاً لازم اكشت على بعير ولا اخذ كنود ولا قارمن ولا قز ولا فرشة الا الخوص
يا اخي العزيز لازم نستغل كل شي جديد لازم نستفيد من تقنيات العصر ....
انا معك في ان قديمك نديمك اي شي من الماضي له الفه ومحبه غير عن اي شي اخر
وعلى قولك البريق اذا جا لونه اسود من ارمث وله 12 سنه عندك يصير اغلى من عيالك .... لكن في حدود

[اشهب]

وشسالفة برونزي معكم
كلكم برونزي مافيه واحد ذهبي والا فضي
داخل محل مجوهرات مومنتدى
عموما ابرد عليكم بس ابصبر شوي غديه يجي غيركم نرد عليه معكم

[Khalid AlGhamdi]

وعليكم السلام ورحمة الله وبركاته

والله انك صادق ، واما انا ماعرف اطبخ بالكاتم واخاف اصلا اطبخ به ، احس انه بينفجر أي لحظه :D

لكن قدورنا وش حليلها اللي على قولتك مطعجة من كل جهه :good: ..

[أبو يوسف]

يا اخوي

المقصد من الكاتم استغلال الوقت

خصوصا اذا كنت متجول
يعني بتغدا وتغير مكانك


أما اذا كانت الجلسة مطولة

الطبخ بالقدر العادي اونس


وتقبل تحياتي

[سنـــــــــام]

والله أنا مع الذيب الامعط (( أشهب )) :)

قسم بالله أنه يصلح للبر 100% ولاتقوووولون كاتم يأأأأأخى والله أنى كرهته من عقب السنافى (( أشهب )) ....والكاتم مايصلح إلا للعزابية إلى قاعدين في شقة يدرسون أذا طلعم من الدوام يقضووون غداهم بسرعة عشان يقيلووون الظهر :) .... ولابالبر لالالالالالالا وألف لالالالالالا خلك على قدر ويكون قديم وبيز وملقاط ومركا للجدور وغضا أو رمث أو سمر وشف الطعم والحياااة الحلوة والله لتاكل لين يخيب ثناااااك ...وأرجوا أنكم تعذرووونى وعسا ماكلفنا عليكم :)

تحياتى للكل/ سنـــام ...

[ذيب البر]

ترى المقصد من الكاتم مهوب عجز والا قعاطه زي ما قلت لا المهم استغلال

الوقت لايضيع عليك لانك منتب تقيم في مكان واحد ثلاثة ايام او اربعه متجول واسأل

اهل الطيور والي يدورون الصيد فالكاتم يوفر عليك الوقت وبعدين زي ماقالوا الشباب

يمسك الحرارة وصحي

تحيااااااااااااااااااااااااااااااااااااتي

[الربذي]

الأصل كُتب بواسطة سنـــــــــام
والله أنا مع الذيب الامعط (( أشهب )) :)

قسم بالله أنه يصلح للبر 100% ولاتقوووولون كاتم يأأأأأخى والله أنى كرهته من عقب السنافى (( أشهب )) ....والكاتم مايصلح إلا للعزابية إلى قاعدين في شقة يدرسون أذا طلعم من الدوام يقضووون غداهم بسرعة عشان يقيلووون الظهر :) .... ولابالبر لالالالالالالا وألف لالالالالالا خلك على قدر ويكون قديم وبيز وملقاط ومركا للجدور وغضا أو رمث أو سمر وشف الطعم والحياااة الحلوة والله لتاكل لين يخيب ثناااااك ...وأرجوا أنكم تعذرووونى وعسا ماكلفنا عليكم :)

تحياتى للكل/ سنـــام ...
ياهلا بك وراك ياخونا اشهب هجوم بكل شي بلكاسات والقدور والترامس هذة حرب معاميل اعصابك بس تبي الصراحة جازلي كلامك بس مابيك تشوف طلعتنا :D :D ومن اسمك شكلك عربجي وراعي شر ولي تشوف يشرب العصير بشفاط ياقردة الا الي تهنا :p وتسلم ياسنام
محبك الربذي

[قصيمي دب سريع]

الربذي


حرب معاميل اعصابك بس :D :D :D :D
على وزن حرب النجوم

[ميراج]

اخوى الأشهب السلام عليكم ورحمة الله وبركاته

أنا استعمل الكاتم من اكثر من 20 سنه ولو اللى اخترعه مسلم كان ضحيت له:D

أرتحنا من السافى فى الدهنا ومن البربسه ما عرفنا النثريه إلا يوم جا عطى الله حتى إلى حطيته على الضو

تسمع له وشيش يبرد الكبد مهوب ذيك القدور اللى لا غطا يتغطى على سنع وكل رحله وانت تعدل فيه من

الطعوج .

ولاكن احترم رأيك تدرى ليش لأنك ما بعد تربعتا على نثريه عليها 50 قميريه مصلحها ميراج فى قدر كاتم

أخوى الأشهب إلحق عمرك وشتر لك درزن قدور كاتم علشان إذا منع ولاك مأمن نفسك أنا عندى من مقاس

6 لتر إلى 28 لتر اللى صنعه ماأخذ له ثمن

تقبل تحياتى

[راعي كيف]

صبحتو بالخير او مسيتو بالخير

اخوي الأشهب انت وش فيك على الكاتم قل ياخي عطونا واحد مقاس كذا وخلاص لاتقعد تلمح وكني ماحب الكاتم :D وكني راعي طبخ;) وراعي شاهي يعني إذا صار البرق اسود تنفتح نفسك :confused: والله ياشكلك تحب الحوسه بس والله ياكني عارف إنك مثل بعض الربع يحب يحبرش ويحوس بالعزب واخر شي يتنبل ويقول ليش كذا وليش مايصير كذ ومن السوالف:mad: تعبت وانا مكشر:D ياحبيبي الكاتم طابن السعودية قبل مايجي البريق وبعديتن كانو مايكيفون إلا بالقهوة ويشربونه بطابوق ( قوطي) الصلصة او بيالة تدور عليهم كلهم وإذا نكسرت ودوة للمدينة على شان يخيطونة او يلحمونة وبعدين اسئل احد شيبانك وشلون كنتو تطبخون يقولك كنا نطبخ ونحط حجر ( حصات) على الغطاء على شان ينضج الحم بسرعة يعني الفكرة موجودة من زمان .
والله ياشكلي تفلسفت عليكم عموماً اسف على الإطالة وعزمنا على قدر عادي ونعزمك على الكاتم وقرر من الأفضل وعساك على القوه متى الوعد والله ينا لزقة .

الكل لة رائ ولة وجهة نظر فيجب علينا ان نحترم وجهات النظر وتقبلها قبو حسن ودمتم على الخير



اخوكم المعزوم راعي كيف
ابو ناصر المحب للجميع

[الضاري]

كاتم ... وبس

مع تحياتي للجميع