السلام عليكم (سؤال)مهم

[سلطان المقناص]

السلام عليكم ورحمه الله وبركاتة
لو سمحتوا :أريد علاج للقلاع لأن طيري جاه المرض

[مشبر البران]

يفيدونك الأخوان ان شاء الله

[@قرناص@]

وين موقعك يالغالي . ..

رح للعويدي ياعالجها لك وهو بالرياض

[سلطان المقناص]

جزاك الله خير على مرورك


لكن وين الصقارين جاوبونا

[الصقر البعيد]

وعليكم السلام ورحمة الله وبركاته.
يوجدحبوب خاصه بالقلاع.

[بو غازي]

السلام عليكم ورحمه الله وبركاته
القلاع لها علاج معروق رح اقرب صيدليه بيطريه وقل ابي حبووب كنكر للحمام
لون الكرتونة ابيض واخضر مروسم عليها حمام
ولون القصدير اخضر لكن ماعرف الاسم .لكن معروف رح وبيعرف اذا قلت ابي حبوب كنكر للحمام.
وعطه حبتين مع العلف لمدة 3 الى خمسة ايام.

[روزفلت]

مثل ماقال اخونا ابو غازي او رح للصيدليه وقل ابي حبوب فلاجيل 250 وعط الطير ربع حبه يومي او اذا كان القلاع قوي نصف حبه اول يومين لمدة 5 ايام وهو افضل من الحبوب الخضراء حق الحمام لكن مايصلح بالمقناص لانه يهد حيل الطير ويقل مطيره
والله يشفيه

[حبر الشقى]

أفادوك الإخوان

[بن عويان]

السلام عليكم
مثل ما قالوا الاخوان الكنكر

[راعي غضبان]

مثل ماقالوا الشباب ماقصروا رح للبيطري وقله حبوب بريتكس للقلاع على كرتونه رسمت حمامه ولون كرتونه خضر واعط طيرك وانا اخوك حبتين لمدت ثلاثه ايام وحبه واحده خمسه ايام قبل الاكل بساعه وانشاءالله بتشوفه ناطلها مع الروباجه وان كانه خارجي تشوفه في فم الطير والا في شدقه بعد ماتخلص العلاج الي قلتلك كله يصير لون الاقلاع اسود ماعليك تطليعه بملقط صغير تسحبه شوي شوي لين يطلع معك هذا ان ماطاح من نفسه والله يستر على طيرك اخوي واظب على الحبوب وانشاءالله بيطيح ويسلم وتقنصبه الحمدلله هلحين سهل الاقلاع امنول قبل الازمه مانعرف الحبوب ولا فيه مستشفى مافيه الا في شارع الاحساء بالملز عند نادي الفروسيه في الملز بيطري بقر وغنم لعب في طيور العالم ذبح طير لي يسوى موتري جاه قلاع وعباء معلفه من شافه قال متعلف ولا نعرف الحبوب داومت وقام الوالد الله يعافيه وداه لهم انا طارده لايوديه لهم ولكنه ابوي تضايق يوم شافني متضايق على الطير وذال اوديه يموت عند البيطري والطير حمر صافي وافي والله من يوم جاني ماراحت موميت جناح وهوبكر وحش وقرنسته سنه وجاه الاقلاع ومات المهم شق البيطري معلف من حلقه الين حد زوره وعلمني الوالد انه عندهم قلت اكيد مات واجيه لينه توصاحي من البنج وخذا ثلاثه ايام ومات الحمدلله على كل حال والحبوب هذه لها فضل كبير لولا الله ثم هي كان مات لنا طيور واجد والله يعافي طيرك لك انشاءالله ويصيد عدد ريشه السنه الجايه وتقبل مروررررري

[محمد الشامان]

وترا افضل شي الي لونه اخضر

والله يشفي طيرك

[عذب الروح]

الله يشفي طيرك

[راعى شاهين]

مثل ما قال ابو غازى قصديرته خضراء غامق

[وشــــام]

افادوك الاخوان لكن معلومه للجميع وهي ان القلاع من الامراض اللي تسببها الاوليات وهي شديدة الضراوة وماتنقطع عن الطير بسهوله فهي تكون موجوده في فم الطير او معلفه ومع ضعف المناعة او تناول علف بارد يتم رجوعه مره اخرى و بوقت سريع فنسمع من بعض الصقاقير يقول ان القلاع مانقطع عن الطير . . .
الحل وهو اعادة الكورس عدة مرات اي بعد اسبوعين اعطي الطير لو حبه لمدة خمسة ايام وهي حبة للوقايه وبعد اسبوعين اعيد نفس الجرعة وباذن الله مايشوف الا العافيه.
ويوجد شراب فلاجيل للاطفال فعال 100% 1سم وبعد يومين 1سم ( للامانه ماجربته لكن احد الاشخاص جربه ويمدحه )

طولت عليكم لكن اعذرون على الاطالة .

[ابن ثعلي]

اتوقع افادووك الاخوان انشاالله ولاازيد عليهم

[عوق الخريش]

مثل ماقالوا الشباب ماقصروا رح للبيطري وقله حبوب بريتكس للقلاع على كرتونه رسمت حمامه ولون كرتونه خضر واعط طيرك وانا اخوك حبتين لمدت ثلاثه ايام وحبه واحده خمسه ايام قبل الاكل بساعه وانشاءالله بتشوفه ناطلها مع الروباجه وان كانه خارجي تشوفه في فم الطير والا في شدقه بعد ماتخلص العلاج الي قلتلك كله يصير لون الاقلاع اسود ماعليك تطليعه بملقط صغير تسحبه شوي شوي لين يطلع معك هذا ان ماطاح من نفسه والله يستر على طيرك اخوي واظب على الحبوب وانشاءالله بيطيح ويسلم وتقنصبه الحمدلله هلحين سهل الاقلاع امنول قبل الازمه مانعرف الحبوب ولا فيه مستشفى مافيه الا في شارع الاحساء بالملز عند نادي الفروسيه في الملز بيطري بقر وغنم لعب في طيور العالم ذبح طير لي يسوى موتري جاه قلاع وعباء معلفه من شافه قال متعلف ولا نعرف الحبوب داومت وقام الوالد الله يعافيه وداه لهم انا طارده لايوديه لهم ولكنه ابوي تضايق يوم شافني متضايق على الطير وذال اوديه يموت عند البيطري والطير حمر صافي وافي والله من يوم جاني ماراحت موميت جناح وهوبكر وحش وقرنسته سنه وجاه الاقلاع ومات المهم شق البيطري معلف من حلقه الين حد زوره وعلمني الوالد انه عندهم قلت اكيد مات واجيه لينه توصاحي من البنج وخذا ثلاثه ايام ومات الحمدلله على كل حال والحبوب هذه لها فضل كبير لولا الله ثم هي كان مات لنا طيور واجد والله يعافي طيرك لك انشاءالله ويصيد عدد ريشه السنه الجايه وتقبل مروررررري


كفيت ووفيت من دون قاصر باالربع ,,,

[قناص الهمله]

مماقصرو الاخوان

[حامد الحنيني]

العلم عند الاخوان وعطوكياه...

[شعاق1420]

الاخوان مقصرو معاك بس حبيت اضيف اذا كان القلاع قوي او صايب الطير من مبطي عطه على حبتين 3ايام وري بعض وذا خفيف عطه علي حبتين اول مره وبعدين على حبه. والله يوفق