المساعد الشخصي الرقمي

مشاهدة النسخة كاملة : رايكم في شراء لاندكروزر


استشاري
16/07/2009, 11:16 PM
السلام عليكم
يعطيكم العافيه
يا اخوان نبغى رايكم في شراء لاندكروزر و متحير بين الاتي
1- جي اكس ار 6 اسطوانات كامل سعودي(شاشه و بدون خط جانبي ) سعره 176000 - 178000 رس
2- جي اكس ار 6 اسطوانات خليجي كامل ( بدون شاشه لاكن الدعسه الجانبيه و المرايا و مسكة الابواب مثل السعودي بس مفتاح الكشافات موجود بالعصى وفيه خط جانبي و صاحب المعرض يؤكد انه خليجي ) سعره 170000 س ر
3- جي اكس ار(3) 8 اسطوانات سعودي كامل السعر 192000 - 194000 س ر
4- جي اكس ار (1) 8 اسطوانات ( بدون شاشه،بدون فتحه،بدون هزاز،بدون دعاميه اماميه ) السعر 176000 - 178000 س ر

انا شخصيا اميل للستة اسطوانات لفرق السعر و الصيانه بالمستقبل السته افضل
و ارجو من الاخوه اللي جربوا النوعين ( 6 و 8 ) هل القوه تفرق كثير
الاستخدام داخل المدينه و طلعات خفيفه للبر و سفر عدة مرات بالسنه
و مشكورين مقدما
ابن ثعلي
17/07/2009, 12:01 AM
وعليكم السلام ورحمة الله وبركاته

- جي اكس ار(3) 8 اسطوانات سعودي كامل السعر 192000 - 194000 س ر .. يدلك علىا الخيل اثمانها
3bdelm7sn
17/07/2009, 12:16 AM
وعليكم السلام
انا والله انصحك خذ 8 سلندر كان عندنا اول جي اكس آر 2006 6 سلندر تماتيك والله انه اضعف جيب قد شفته في حياتي بس ما ادري الجديد هل هو نفس المكينة والقير ولا لا
وبالتوفيق ان شاء الله
ولد الدلم
17/07/2009, 03:15 AM
مشكوووور على الموضوع ... وانا محتار مثلك..

...بعد سؤال اصحاب التجربه ..قالوا لي ان الـ 6 سلندر تماتيك ما يصلح ... أما القير عايدي عزمه زين وسهل الصيانه وخفيف بس ما يتحمل أي أوزان زياده !! يعني أول ما يركب معك اكثر من شخص يضعف عزمه ...خصوصا بالنسبة للي مركب تانكي مويه أو غيره..

بس يا خوي ما تلاحظ ان الـ 8 سلندر حسافه على gxr ... يعني اذا الواحد بيشتري 8 سلندر احسن له يطق vxr عشان يحس بفرق المكينه والمركب...

والا وش رايكم؟
نمر مكشات
17/07/2009, 03:17 AM
8
8
8
8
8
8
8سلندر
ملك الإحسآس
17/07/2009, 02:28 PM
نصيحه خذ لك سته سلندر الثمانيه مشاكله كثيره وأكثرها طقة القير ~ وهي موجوده في كل الثمانيه سلندر أما السته مافيه ودامك آكثر شي داخل المدينه السته أفضل خيار صدقني
الثمانيه بالمدينه صررررف والصيانه غاليه ..
السته سلندر 176 ألف فل كآآمل ..
بالتوفيق ..
استشاري
17/07/2009, 05:30 PM
مشكورين على الردود
بالنسبه لاخوي ولد الدلم ترى مكينة جي اكس ار 8 و الفي اكس ار نفس الحجم و نفس القوه
السيارتين حجم الماكينه 4.7 و القوه 271 حصان والفرق زياده مواصفات لصالح الفي اكس ار
و دمتم بخير
الهوى جنوبي
17/07/2009, 11:09 PM
اذا ميزانيتك تجيب لك 8 سلندر ونقسك فيه فخذه وتوكل على الله اكرام النفس هواها
تحياتي
الكايف2
18/07/2009, 12:57 AM
اخوي عليك بالثمانيه سرندل واترك عنك السته مشراه خساره
اسأل مجرب خذ لك جي اكس ارثمانيه سرندل وتوكل علي الله وان حصل خليجي يكون احسن
وعسي الله يكتب لنا ولك الخير
أبو محمد2010
18/07/2009, 01:18 AM
نصيحة لا يرخص عليك الثمانية سلندر....
ابوعبدالله530
18/07/2009, 01:24 AM
السلام عليكم
اخوى انا جربت( شريت وبعت ولله الحمد ) من الشكل الجديد 2008 ال 6 سلندر قير عايدى وقير تماتيك
وجربت 8 السلندر

والله يا اخوى فرق السما عن الارض
ال6 سلندر بالذات بالبر مايسوى ريالين
اما الثمانيه ماشاء الله عليه بس مهوب مثل الى قبله انا بوجهه نظرى 2007 ونازل احسن الف مره من حيث التماسك والتحمل بالبر بالذات
اما من ناحيه الراحه فالجديد اريح بكثير

واستخر رب العالمين على ال8 سلندر واعقد عزمك وتوكل على الله

اما بالنسبه للطقه الى ذكرها احد الاخوان حلها بسيط جدا
وان شاء الله ابنزل موضوع كامل عنها
ساري 111
18/07/2009, 10:23 AM
اذا منت راعي سرعه يعني من 160 وجاي الـ 6 سلندر يقوم بالواجب وزود