المساعد الشخصي الرقمي

مشاهدة النسخة كاملة : كم سؤال عن النوفي !


bandar_kha
18/07/2009, 02:40 AM
انا حاليا في اطار اني اشتري جهاز 760 من نوفي

وش رايكم بصراحه بالجهاز

وعندي كم استفسار ياليت تجاوبوني عليهم !!!


- هل يوجد بوصله في الجهاز ؟

- هل من المملكن تشغيل الجهاز طول فتره الرحله يعني لو رحله من الرياض الى الشرقيه مافيه اشكال يكون شغال طول الرحله ؟

- هل خرائط الخليج موجوده من الشركة والا لازم تحميل ودوخة راس؟

- هل الملاحة في الجوال تختلف اختلاف كبير عن الاجهزه المخصصه للملاحه بشكل ملحوظ؟

وش نصايحكم لي انا مررره جديد بالامور هذي


تحيتي لكم
راعي السيل
18/07/2009, 03:08 AM
نظامه مشابه جداً جداً لقارمن الجوال ، نفس الازرار والخدمات.
ويوجد له شاحن سيارة تقدر تشبكه وتتمشى على كيفك
وبالنسبة للخرائط فأمرها سهل ان شاء الله ، فقط تنسخها وتحطها على كرت الذاكرة وتشتغل معك ، طبعا الخرائط الغير محمية المنتشرة هنا في المنتدى.
ابو ساره 999
18/07/2009, 03:50 AM
1- هل يوجد بوصله في الجهاز ؟

نعم يوجد في الجهاز بوصله

2- هل من المملكن تشغيل الجهاز طول فتره الرحله يعني لو رحله من الرياض الى الشرقيه مافيه اشكال يكون شغال طول الرحله ؟

نعم تقدر تشغله الوقت الي تبي لانه يجي معه شاحن وبطاريته ممتازه انا استخدمه الموسم الي راح كله وبطاريته حلوه

3- هل خرائط الخليج موجوده من الشركة والا لازم تحميل ودوخة راس؟

على حسب الجهاز الي تبي تشري من وين اذا من الرياض يعني من المحلات المعروفه زي دار موجه والوكلات هاذي بتكون موجوده عليه واذا كان من برا بدون خرايط ماراح يكون عليه شي الا خريطة اوربا وامريكا

4- هل الملاحة في الجوال تختلف اختلاف كبير عن الاجهزه المخصصه للملاحه بشكل ملحوظ؟

ابدا فرق بحجم الشاشه وبس اذا كان البرنامج برنامج قارمن



نصيحه لك اخوي خذ اي جهاز من الي يعلنون بمكشات يكون سعره الف وميتين الى 1400 والخريطه انا اعطيك اياها واعلمك تركيبه سهل جدا ارسل لي رساله على الخاص وابشر بعزك وانصحك بنوفي 760 روعه
bandar_kha
18/07/2009, 04:33 AM
ابو ساره

جزاك الله الف خير على مجهودك وعلى تفضلك بالاجابه ولاعدمناك

مستحي من كثر الاسئلة لكن اخر سؤال

نوفي760


هل يجي محمل وجاهز بخرايط الخليج ؟

- هل تظهر الخريطه بشكل واقعي للشوارع واساميها او مجرد رموز وخطوط


اشكرك ولاعدمناك
bandar_kha
18/07/2009, 05:30 PM
للرفع

للرفع
عبدالله الدوسري
19/07/2009, 01:00 AM
نوفي760
هل يجي محمل وجاهز بخرايط الخليج ؟

ما أظن
لابد أن تحمل الخرائط أنت (إلا إذا كنت شاريه من واحد يجيبه عن طريق النت ففي الغالب يحملون لك عليه خرائط الخليج النسخة الأخيرة)

نوفي760
- هل تظهر الخريطه بشكل واقعي للشوارع واساميها او مجرد رموز وخطوط
إذا كنت تقصد بالشكل الواقعي زي ما نشوفه في برنامج الجوجل إيرث
فالجواب
لا الخريطة تظهر مجرد رموز وخطوط
ابو ساره 999
19/07/2009, 03:23 AM
مشرفنا الغالي شرفتنا بمشاركتنا هالموضوع وعلى مايقولون اذا حظر الماء بطل التيمم شاكر مرورك وتوضيحك وعساك على القوه