المساعد الشخصي الرقمي

مشاهدة النسخة كاملة : علف المستشفا؟؟؟


قشاع الرمث
15/07/2004, 12:35 PM
السلام عليكم ورحمة الله وبركاته
فيه علف في مستشفا الرياض للطيور ( فهد بن سلطان )
غريب شوي وهو فروخ دجاج صغيره مره( صيصان) . يمكن اعمارهن على
يومين او ثلاثهوالغريبه طريقة ذبحهن علما بانهن سليمات ما فيه محل مذبح بهن
واسعارهن حلوه 25فرخ ( صوص) ب15 ريال والكرتون فيه 250 فرخ ب130ريال
وقلت نسال يمكن فيه احد استخدمهن يعلمنا للفائده .
والغريبه انهم يقولون عطه اياه كامل يعني قص الرجول والمنقار وعلف بدون نتف او تطليع بطن
( احشاء )..انا يهمني ادري وشلون ذبحوهن علما بانهن في مزرعه سعوديه .

ومأدري اذا كان الموضوع مكرر
ارجومن المشرفين حذفه .

وتحياتي .
اعقاب
15/07/2004, 11:38 PM
السلام عليكم ورحمة الله وبركاته

الاخ قشاع الرمث



انا احزنت يوم شفتهن في الكرتون مكرفسات كنهن بزران

لكن انشدني انهن تسوي فيهن الطيور اسواه ولاتقص لامنقار ولا رجلين

لانها كانها غضاريف هشه

ولاحظت ان الطيور يتغير مرشها اذا عطيتها صيصان

كانها تخلي الطير يسهل ويروبج روباجه كبيره

ولاتكثر على الطيور اقصد يوم او يومين اسبوعيا

بعض الطيور ياكل 4 والاكثريه تاكل 3 وبعض الطيور من حزنه على

البزوره ماياكل الا اثنين

اما ذبحها كانها مخنوقه مفرغ الهوا من غرفتها وراحت في عينها

واستبعد انها بالغاز وهذا مجرد توقع

والطيور ماهي مكلفه يعني تعطيها اي شي ما يهمها

اسمع اسمع

سمعت انهم شغالين في مفرخة فيران علف للطيور اجلكم الله
سنافي
16/07/2004, 12:04 AM
نعم من أفضل الوجبات الشهية للطير هي الصيصان وهي تحل محل البيض من الناحية الغذائية
الفيتو
16/07/2004, 05:48 AM
السلام عليكم ورحمة الله وبركاته
مساء الخير يا جماعه
قشاع الرمث . بالنسبه عن سؤالك من قد جرب العلف انا جربته وهو من افضل ما يقرنس عليه الطير في حسب تجربتي له , اعطيها الطير كامل يا كل الطير من اربعه الى خمسه ويزيد احيانا ً. وعن سؤالك
طريقة ذبحها . من اجل تجهيزها دون تعرضها للاجهاد والأم فقد تمت وفق تقنيه حديثه ابتكرتها
شركت ( كيزبرنك ) لتجهيز الصيصان المعده لحدايق الحيوانات والزواحف والجوارح
كالثعابين والثعالب والقطط ومراكز الصقور مبنيه على تعريض الصيصان لوسط به
نسبة 80 في الميه ثاني اوكسيد الكربون بهذه الطريق ينفق خلال 4 دقايق وهي
الطريقه الوحيده اللتي تعتمد ها التشريعات الأوربيه بالنسبه للصيصان
المستخدمه في اطعام الحيوان
واسهل منها إمتلاك فقاسه تشيل
من 1000الى2000بيضه اتماتيكيه وشراءالبيض وبعد فتره
إذا نمى الى معلومات صاحب الفقاسه انه فقس البيض وانا متأكد
انه بيفقس ما أقول 100 في100 اقول 95فالميه يدور راعي الفقاسه
له رجال ما يرتعد قلبه ويهجم في ليلة ٍ غايب قمرها على الفروخ ويذبحها
بسيف صغير ولا يعطون مهله 72ساعه ولا غياب شمس يوم جمعه ..لان الفرخ
ابو يوم يكون صفار البيض لا زال في بطنه ويتغذى الفرخ عليه وصفار البيض مفيد
للصقور فاليوم الثاني يقل صفار البيض في بطن الصوص واليوم الثالث يختفي ويشد الصوص
قواه وينطح المرجله يبدأ يتغذى على الحبوب والحشرات وممكن يحمل فيروس يتوجب اعطائه تطعيمات وعلاج , فنصيحتي لا يتعدى اول يوم من تفقيسه . بعد ذلك تجمع الصيصان وتوضع في فريز لمدة 24ساعه تخرج بعدها ما تحتاجه منهاكل يو م بيوم.. والا تطالب بمليون دولار لتسليم الجثث هههههههههههههه هههه
والسلام
الفيتو
http://www.mekshat.com/pix/upload/images5/mk8575_w.jpg
ناصح
16/07/2004, 09:53 AM
السلام عليكم
انا أعرف واحد يذهب لمزارع انتاج الدجاج البياض حيث يعطونه 300 صوص مجانا والسبب انهم عندهم فقاسات لتفريخ الدجاج سلالة البياض ثم يقومون بالتخلص من الصيصان الذكور الديكه بتوزيعها على الناس .
قشاع الرمث
16/07/2004, 12:56 PM
السلام عليكم ورحمة الله وبركاته

حياكم الله جميعا .
اجل تن صحوني فيهن .
انا اخذت كيس من المستشفا يوم الاربعاء قلت اجربه
وخليتهن يموعن بس ما جا زت لى طريقة ذبحهن .
ويوم عطيتهن الطيور وقعدت اتفرج على الطيور وهن
يعلفن يوم شق يطنه وطلع هالسائل من بطن الفرخ
( حامت تسبدي ) اثريه صفار بيض . اجل كل الفايده فيه
ومشكورين على تفاعلكم .

تحياتي .
لاهور
16/07/2004, 02:37 PM
لسلام عليكم ورحمة الله وبركاته

واللة انا اوافق اخوى اعقاب على ان الطيور تعطا وجبه مثلا كل ثلاث ايام او حتى اسبوع
لان حسب ماسمعت ان غالبيتها بروتين
وذكر احد الاخوه في النعيرية 0 قالى جربت البيض مع طيرى وبعد مده ظهر الريش فية شهاب وبعضه اصعد
والاخ صاحب التجربه يقالة فهد العوبل