المساعد الشخصي الرقمي

مشاهدة النسخة كاملة : ابي شوركم بالباثفندر محتااااااااار


ريان9
19/07/2009, 04:09 PM
السلام عليكم كيف حالكم ان شاء الله بخير




احد الزملاء عرض موتره علي للبيع والموتر ماشاء الله تبارك الله نظيف




باثفندر موديل 2003 فل كامل قير تماتيك



وحاده 55 الف هل هذا سعره ولالا؟؟؟؟؟


مع اني متخوف القير التماتيك. ومتخوف من الحراره؟


ماشي 180 الف


اللون لؤلؤي


وبسالكم كم اقيامهن وياريت تقولون لي بسرع وقت


لاني بعطيه سيارتي هايلوكس 2008 غماره وعطون الفرق بينهم كم ازوده





وايهم احسن



تكفووون الفزعه قبل لا اتسرع بالتفكير
دايت
19/07/2009, 04:53 PM
الباث فاندر ابرك ..

لكن هالسعر يجيب لك 2005 . .
خذ لك لفة ايام الاسبوع في شارع المعارض وتبي تلقى لك . .

اترك عنك المعارض..

الله يرزقنا واياك . .

:)
التعـ King ـديل
19/07/2009, 04:55 PM
اذا فل كامل فتحه وجلد وقير تماتيك واللون لؤلؤي ممكن يوصل للـ 50 بشرط كل شي فيه شد بلد

واسعاره تقريبا من ال 44 الى 47 يعني لو شريته بال خمسين وانت بتستخدم منت خسران واجد
طايربلي جنااح
19/07/2009, 07:40 PM
والله اوانااا خووك غويلي شووي

انت اصبر ولف المعاارض تلقى 2004 بنفس السعر
أبوغيث 2003
19/07/2009, 07:56 PM
55 غالي بالحيييييييييييييييييييل

انا اعرف باث 2004 الحين نظيييييييييف فل كامل لون فيراني(رصاصي غامق مره) ماشي 140 سعره بـ50

وانا ما انصحك بالبافثندر اذا كنت راعي نفود مره ومطاعس وكشتاتك وااااااااااجد لانه حساس بعض الشي

بس ان كنت راعي كشتات خفيفه وقليل تطاعس خذه عز الله انه موتر
ريان9
20/07/2009, 02:01 AM
الله يجزاكم الـــــــــــــــــــــــــــــــــــف خــــــــــــــــــــــــــــــيــــــــــــــــــ ـــــــر




والله ماادري المشكله اني قبل اذا شريت موتر القاه معفول ولا جايه قلبه ولا مفجوور ولامرهم ونا اعليمي اشوف البدي نظيف واجربه ويطلع تمام


ولاا اذكر مره شريت باترول موديل 93 نظيف محركاته على الشرط لكن جايته صدمه من الخلف وعوجه الشاصي واذا مشا الموتر يجنح يمين المهم مادريت عنه الا يوم تمسحت الكفرات الوالد قالي تفحط انت قلت لا والله وش تفحيطه رحت اسال قالو الشاصي وقهر بعته 16 هذ الموتر اللي بيعته حسافه



لكن انا بالعربي مااشري سياره الا اصير عارف راعيه



لكن ابصبر مع اني صليت صلاة استخاره حول 40 مره ولاكن ماوصلت لشي مره يمين ومره يسار ماثبت على شي


والحمد لله لانب راعي مطاعس ولا شي وابي السياره لي وللزمن



وجزاكم الله خير مره ثانيه
الستانس
20/07/2009, 02:31 AM
سعره غااااااااالي مره

وللمعلومية الباث فاندر 2003 بالذات يقولون فيه مشاكل بحساس الهواء

دور لك بنفس السعر 2004 2005 ديكور داخلي غير

وتفتك من مشكله الحساس


وبالنسه لفحص الموتر قبل لا تشري رح محل يفحصه لك كمبيوتر
وجهاز كاشف السمكره


وبالتوفيق
المنبسط
20/07/2009, 02:56 AM
الشباب ما قصرو عطوك ملخص بالاسعار لكن السيارة تصلح للي توه معرس أو عنده بزر أو بزرين
وعز الله انه موتر اذا كان نظيف وبتقول يا حسافة وقت مضى بدون الباث.
أبوحمد 505
20/07/2009, 03:35 AM
الصراحة الموتر حلو ومعروف الباث فندر وسمعتة زينة
لكن الأسعار ماعندي خلفية

الله يوفقك ويكتبلك اللي فية خير لك
الاركان
20/07/2009, 09:09 AM
عزالله انه موتر بس بالقيمه الي طرحت غااااااااااااااااالي مره
وماهي بقيمته ابد

صدقني تلقى اجدد بها الاقيام
مرير الشوق
20/07/2009, 11:09 AM
2004 افضل وبتلقاه بالقيمه هذي يالغالي

والله يوفقك ان شاء الله ويسهل امورك
ابو فيصل 99
20/07/2009, 12:58 PM
نصيحه لله
انحش عن الباث فندر ويرزقك الله
خذ لك برادو
عبدالرحمن السالم
20/07/2009, 01:33 PM
هج عن البرادو مابه رساوه ابد والكلام هذا عن التجربه واعرف ناس معهم الحين مابه رساوه ابد
شف الباث إلى تقول عنه غالي والله شوي بس كانه نظيف ولا جايته صدوم يستاهل بس انت قله نطلع انا وياك للمعارض ونشوف كم ينسام وشف كم السومه وتفاهم انت وياه
والله موتر زين ولابه اى خلاف انا اطاعس به واكشت به واسافر واروح واجي وياربي لك الحمد والشكر ماشفت منه الا كل خير وهذا من فضل ربي
الستانس
20/07/2009, 03:30 PM
وش صار عليك يا راعي الموضوع؟
ابووليد999
20/07/2009, 04:18 PM
انصحك بـــ 2004

لو يوصل 58الف

تراه موتر بمعنى الكلمة
ابو خالد 1992
20/07/2009, 05:48 PM
سعره غااااااااالي مره

وللمعلومية الباث فاندر 2003 بالذات يقولون فيه مشاكل بحساس الهواء

دور لك بنفس السعر 2004 2005 ديكور داخلي غير

وتفتك من مشكله الحساس


وبالنسه لفحص الموتر قبل لا تشري رح محل يفحصه لك كمبيوتر
وجهاز كاشف السمكره


وبالتوفيق
:good: :good: :good:
ريان9
20/07/2009, 08:33 PM
جزاكم الله الف خير على الردود اللي تشرح الصدر


وناسالت اكثر من واحد يقول موتر لكن يبي له صيانه ويتفكك بسرعه

وبلشت كل واحد يعطين رايه

وماوصلت لاشي؟


لكن الظاهر اني بغير عنه


ولقيت باترول سفاري موديل 97 صالون بشوفه بكرا بإذن الله

مع خوي خالي

لونه زيتي بذهبي

بشوفه وكان فيه خير انه يكون من نصيبي وكان فيه شر الله يبعدني عنه



وجزاكم الله خير
الربذي
20/07/2009, 10:43 PM
وعليكم السلام

غالي صراحة
ولد عمي باع 2005 فتحة ماشية ((22)) الف فقط قراطيس الوكالة على البدي تخيل وبغبار وكالتها باعها قبل سنة ب58الف فقط لون رصاصي ..........
abdulrhmank
20/07/2009, 10:52 PM
انا عندي 2001 وماشاء الله تبارك الله شيء رائع جدا ...وسيارة خفيفة والاتوماتيك أفضل لان اللي عندي قير عادي ....
المهم السعر في نظري ومن خلال عرض سيارتي التي سيمت ب 37 الف ....ارى ان سعر اللي قلت انت هو من 42 الى 47 ....فقط وبسعرك اللي قلت غالي مرة ....اتمنى لك التوفيق والله يرزقنا واياكم الحلال الطيب المبارك ....
.أبوعبدالرحمن
21/07/2009, 03:15 AM
والله اني استحيت ما عاد اقدر اقوول شيء الشباب كفوا ووفوا


الله يعطيهم العافية واتمنى انك تستفيد من افكارهم وارائهم

علما اني اشوف 180 الف كم للي بيستخدم كثيرة لأنه حده سنتين معك تقريبا وخلاص
والباث حساس شوي

والسعر مبالغ فيه شوي


والخيار الاول والاخير لك
ريان9
10/08/2009, 05:25 AM
الله يجزاكم خير

والحمدلله شريت موتر

ووقع الأختيار على باثفندر 2005 اسود فل كامل


وجزاكم الله خير
ولد الدلم
10/08/2009, 08:15 AM
بعد التحيه
انا اقول ان مكينة 2003 ضعيفه على قول بعض الشباب خذ لك 2004 وطالع
وبالنسبه للسعر غالي جداً والله يوفقك بالسياره اللي توسع خاطرك
برنس القصيم
13/08/2009, 12:57 PM
هلا اخوي وشلونك الله يطعمك خيره ويكفيك شره

بس اذا وصلت ال 60 الف خذلك باترول 2002 مكينة 4800 افضل
faisal735
13/08/2009, 01:07 PM
انا اشوف انه غالي ولو تدور زين بتلقى 2005 بنفس السعر حول 50
faisal735
13/08/2009, 01:08 PM
مبروك الله يعطيك من خيره ويكفيك شره