سؤال وابغى جواب مضمون عن طريق (( الريااض الى ابها )) اللي عنده علم يدخل

[D I K T O O R]

سلام عليكم ورحمة الله وبركاته

مساكم الله بالخير

ياشباب ابسئلكم

عن طريق الرياض الى ابها ؟؟

كيف الطريق ؟؟؟ خط واحد ريح جاي والا خطين ؟؟

هل فيه مخااطر يعني قطاع طرق وحراميه او شي ؟؟

كم يبعد بين الرياض الى ابها ؟؟

هل فيه خدماات , محطاات ؟؟

هل هو خط على طول الى ابها والا امر بمدن ؟؟

واخيراً هل الطريق امن او خطر ؟؟

الرحله عائليه

[ابولولو]

اخوي الطريق امان والحمد لله والطريق خطين واذكر العام فيه شوي صيانه واتوقع خلص ويمر علي مدين ومحافظات ومحطات بكل مكان ونصيحه خذه بالنهار دامك اول مره ولاتنسي تاخذ خريطه من اقرب مكتبه وتبعد حوالي 1050وفيه طريق قبل ابها تندحه طريب رح معه مختصر جدا الي ابها انتبه سجله معك احفظه اذكر غير مسجل لوحه

[ابولولو]

وان تبي ارقام شقق بابها مستعد وابها علي الكيف خذ خارطه اختصار للوقت وتتعرف علي الاماكن بسرعه فيه السوده وفيه قري صغيره حلوه ومنتزه سحاب وفيه تمنيه حلوه وهاديه وراء الحبله واذا راعي بر فيه عقاله والله اننا نبسط بس تبي مجمواعه ونصيحه محب فيه العين الحاره قبل وادي الدواسر 30كيلو تقريبا علي اليسار شاليهات وفيه ماء حار تريحون يوم فيه ويبقي علي ابها 400كليو تقريبا تمشون الصبح بدري قبل الساعه 10 تاصلون ابها وجهت نظر ومجربه

[D I K T O O R]

لله يرفع قدركم يالغالين

ماقصرتو

ان اشهد انكم رجال ولايهنون باقي الاعضاء

[ابو نووووره]

الطريق خطين كل خط ثلاث مسارات من الرياض الى ابها

وخريطة المدن كالتالي :
الرياض _ الحوطه _ الافلاج ( ليلى ) _ السليل _ وادي الدواسر _ هجرة القيره _ تثليث _ وادي بن هشبل _ خميس مشيط _ ابها

والخط امن ان شاء الله انت يس توكل على الله

والخط ما فيه الا تحويله وحده فقط بعد الافلاج
وطولها يمكن يصل الى 10 ك/م

والله يحفظكم ويرعاكم

[عسير المنال]

الله يعافيك ابو نورة

[ابولولو]

ابونوره حفظك المولي اذكر فيه تحويله بعد الوادي تقريبا 50كيلو العام موجوده كل سنه يمشون بالتحويله الي ياصلون تندحه والله اعلم حبيت افيد

[يزن2000]

يالله ان تحفظك اخوي انت وعائلتك وتروح وترجع بالسلامه ان شاء الله .. والله ياخوي ماعرف الطريق بس حبيت ادعيلك من قلبي ان يسهلك الطريق ويحفظك وترجع بالسلامه ..

[الكايف 1]

وعليكم السلام ورحمة الله وبركاته :
ماشاء الله اخونا ///ابو نورررره ماخلى شي
بس احب اضيف بعض المعلومات لعله تفيدك بالرحله
أن كانك ماحجزت سكن بأبها.
خل مشيك ان كنت من الرياض وسط النهارعلشان تاقف بالوادي وتنام وترتاح
تمشي من الوادي الصبح عقب الفطور وانت مرتاح علشان تاصل ابها الظهر وهو وقت تسليم السكن للي يبون يسافرون من أبها ودايم هذا هوالوقت التي تلقى فيه سكن لأني كم مره آصل الصبح و اقعد أدور الى الساعة 2 الظهر احتري احد يطلع
ولاتنسى دعاء السفر وتنسانا من دعائك
حفظكم الله في حلكم وترحالكم

[alshabe]

بالسلامة , والجماعة ما شاء الله عليهم ما خلوا شيئ مفيد إلا ذكروه , وفق الله الجميع لكل خير وصلاح .

[Y A S S E R]

توي راجع :)

طريق رائع جدآ سوى 100 كيلو من مجموع 1050 كيلو يوجد به تحويلات .

والمحطات ماتنقطع عن نظرك , مطاعم .

صدقني بيجوزلك الخط .

اهم شي وجهية موترك حط عليها فيري او تغبيره :)

وبالسلامه توصل

[wld1400]

حياااااااااااااك الله في أبها

[كليب1]

الله يوصلك ويرجعك بالسلامه والله يعينك على اجار الشقق لأن العالم زحمه يادنيا زحمه
تحياتي