استفسار عن العموده؟

[khalaa2u]

السلام عليكم ورحمة الله وبركاته
اخواني اعظاء خيمة الصيد البحري اتمنى تكونون في احسن حال
قريت اكثر من موظوع عن الحداق في العموده واتمنى اعرف موقعها بالظبط وهل هي المركز اللي يبعد عن جزيرة جنه تقريبا 10 كيلو او هي مركز اخر لأن قريب من جزيرة جنه مركز اسمه العموده وانا قريت في احد المواضيع ان العموده جنوب الخفجي ب 20 كيلو فهل هو تشابه اسماء
اتمنى ردود مفيده وانشاء الله انكم ماراح تقصرون

شكرا لكم

[القبقب.87]

يشرفني اني اكون اول من يرد عليك ..

اخوي العموده ليست اللي بالقرب من جنه اللي تقصدها ان ماخاب ظني منيفه وهي احسن من العموده بالصيد..

اما العموده تقريبا تطلع من الخفجي على الطريق القديم نقطه الزرقاني القديمه طريق( ابو سايد واحد) تمشي تقريبا 8 كيلو من النقطه القديمه كانك رايح لرأس مشعاب والدمام وبتحصلها على يدك اليسار توقف عند المركز حق سلاح الحدود وتاخذ تصريح نزهه .. وتدخل وانتبه من المنطقه اللي خلف المركز على طول الان الارض نازله دور على الطريق اللي ينزلك ولاتستعجل ..

اتمنى اني افدتك ..

[khalaa2u]

شكرا اخي الكريم على ردك الطيب والوافي
اذا هو تشابه اسماء لأن فيه مركز اسمه العموده في رأس الزور وهو تقريبا خلف ابو حدريه لجهة البحر وفيه مركز لحرس الحدود بس هو يبعد عن طريق الكويت تقريبا 40 كيلو داخل مع مفرق رأس الزور وبالقرب منه مركز آخر اسمه الصدوي ومركز آخر اسمه النقوريه وكلها على البحر واعتقد ان الصيد فيها كثير لتنوع التضاريس البحريه وندرة الزوار لتلك المنطقه الا من يذهب لجزيرة جنه وهم قليل من سكانها