نداء الى اهل الخبره افيدونا عن خرائط البر لل276 عربي

[سالم محمد]

بسم الله الرحمن الرحيم

يا اخوان انا جازم ان شاء الله اشتري جهاز قارمن 276 عربي من دار موجه ورحت لهم وقالوا نركب لك خرائط دار موجه بر ومدن
هل خرائط الصحراء هي نفسها خرائط البر من دار موجه او خرائط الصحراء غير دار موجه ؟؟؟
وش الافضل اذا كان هناك فرق مع العلم اني ابيه للبر ؟؟
الله يجزاكم خير اخوكم غشيم ويبي يعرف الخطوات قبل لايشتري وبالله التوفيق

[الرحال الحزين]

والله انا ما نصحك فيه
جهاز قديم من سبع سنين
حجمه كبير ماتقدر تحطه في جيبك
وذا تركته في السياره معرض لسرقه
واكسسواراته غاليه
خذ 760 نوفى
صغير وذرب وخرائط من النت بلاش اي خريطه تبي بر بحر صحرا
وذا نزلت من السياره خلة بجيبك
استعراض صور ام بي 3
يرسل اف ام لسماعة السياره
جهاز رهيب
واعتقد انه في حدود 1000 ريال

[عبدالله الدوسري]

خرائط دار موجه تشمل المدن والصحراء لكن أضف شريحة عليها خرائط الخليج بيكون أفضل
هذولي موضوعين واحد يتكلم عن افضل انواع القارمن ؟
طلب مساعدة من الاخوان (http://www.mekshat.com/vb/showthread.php?p=2888942#post2888942)

والموضوع الثاني عن الفرق بين خرائط دار موجه والصحراء
خرائط دار موجه ام الصحراء (http://www.mekshat.com/vb/showthread.php?t=214433)

إن شاء الله تستفيد

[sameer_1798]

فيه خرائط الصحراء للسياري بسعر 350 ريال لذاكرة 32 م ب / 550 ريال لذاكره 64 م ب .
وخرائط البر لدار موجه بسعر 800 ريال
الفرق اللي بينهم جربها بنفسك وشوف أيش اللي ترتحاله .
أما المدن أفضل لك حمل خرائط الشرق الأوسط من المنتدى على شريحه فارغة .

[الولد الطيب]

لا انصحك ابدا بـ قارمن 276 عربي
انا لم استخدمه لكن قبل نصف ساعة كنت اتكلم مع احد الزملا عن هذا الجهاز بحكم كان يملكه قبل سنوات
اسوأ حاجه فيه غير ما ذكره الاخ الرحال الحزين
هو انه يعطيك خط مستقيم من النقطه الي انت فيها إلى النقطه الي متجه لها وانت دبر عمرك!!
يعني مافيه توجيه عن طريق الشوارع.. يعني يستخدم للبر فقط..

ودائما ابحث عن الاحدث وقارن.. حتى لو كان راح تستخدمه في البر.. برضه البر فيه معالم كثيره ماتوجد في الخرائط القديمه..

تاخذ لك جهاز يدعم المدن والبر افضل.. من جهاز يدعم البر فقط..

راجع هذا الرابط لاحدث جهاز نوفي 715 بسعر مغري من الاخ تركي.. وفيه مقارنه بين جهاز نوفي 715 وباقي الاجهزه..

http://www.mekshat.com/vb/showthread.php?t=212013

بالتوفيق...

[sameer_1798]

لا انصحك ابدا بـ قارمن 276 عربي
انا لم استخدمه لكن قبل نصف ساعة كنت اتكلم مع احد الزملا عن هذا الجهاز بحكم كان يملكه قبل سنوات
اسوأ حاجه فيه غير ما ذكره الاخ الرحال الحزين
هو انه يعطيك خط مستقيم من النقطه الي انت فيها إلى النقطه الي متجه لها وانت دبر عمرك!!
يعني مافيه توجيه عن طريق الشوارع.. يعني يستخدم للبر فقط..

ودائما ابحث عن الاحدث وقارن.. حتى لو كان راح تستخدمه في البر.. برضه البر فيه معالم كثيره ماتوجد في الخرائط القديمه..

تاخذ لك جهاز يدعم المدن والبر افضل.. من جهاز يدعم البر فقط..

راجع هذا الرابط لاحدث جهاز نوفي 715 بسعر مغري من الاخ تركي.. وفيه مقارنه بين جهاز نوفي 715 وباقي الاجهزه..

http://www.mekshat.com/vb/showthread.php?t=212013

بالتوفيق...
لا يا أخي الجهاز يدعم خاصية لفة بلفة (توجيه عن طريق الشوارع ) وسبب المشكلة التي ذكرتها أن الخريطة اللي مشغلها خويك مافيها توجيه تلقائي وعشان كذا يوجهك بخط مستقيم وهذه في جميع الاجهزة حتى النوفي .

وصاحب الموضوع قال يبي الجهاز للبر لذلك هذا الجهاز أفضل من النوفي في البر .
مع العلم أنه بتاع كله ( بر / بحر / مدن ) عيبه فقط اللغة في الخرائط . والحجم

ويش هي المعالم اللي في البر ومايقراها الجهاز ؟

[الولد الطيب]

لا يا أخي الجهاز يدعم خاصية لفة بلفة (توجيه عن طريق الشوارع ) وسبب المشكلة التي ذكرتها أن الخريطة اللي مشغلها خويك مافيها توجيه تلقائي وعشان كذا يوجهك بخط مستقيم وهذه في جميع الاجهزة حتى النوفي .

وصاحب الموضوع قال يبي الجهاز للبر لذلك هذا الجهاز أفضل من النوفي في البر .
مع العلم أنه بتاع كله ( بر / بحر / مدن ) عيبه فقط اللغة في الخرائط . والحجم

ويش هي المعالم اللي في البر ومايقراها الجهاز ؟

كلام حلو ومفيد يعطيك العافيه

بالنسبه للمعالم الي في البر ولا يقراها الجهاز انت جاوبت على نفسك
اتوقع الخرائط الي تدعم لفه بلفه تطلع فيها بعض المعالم الي ما تطلع بالخرائط القديمه..

واذا كنت ما فهمت اش اقصد بكلمة "معلم" اقصد يا غالي بعض الاودية الصغيره والجبال والقرى واشياء كثيره هي صغيره يمكن الخرائط القديمه ما تهتم فيها
لكن تبقى معلم ثابت في البر..

[سالم محمد]

الرحال الحزين (http://www.mekshat.com/vb/member.php?u=16435)
عبدالله الدوسر (http://www.mekshat.com/vb/member.php?u=566)ي
sameer_1798
الولد الطيب

الله يجزاكم خير الجزاء ويرحم والديكم جميعا ويحرم وجيهكم عن النار

[sameer_1798]

كلام حلو ومفيد يعطيك العافيه

بالنسبه للمعالم الي في البر ولا يقراها الجهاز انت جاوبت على نفسك
اتوقع الخرائط الي تدعم لفه بلفه تطلع فيها بعض المعالم الي ما تطلع بالخرائط القديمه..

واذا كنت ما فهمت اش اقصد بكلمة "معلم" اقصد يا غالي بعض الاودية الصغيره والجبال والقرى واشياء كثيره هي صغيره يمكن الخرائط القديمه ما تهتم فيها
لكن تبقى معلم ثابت في البر..
أبد وأنا أخوك كل شيء موجود وعندي الخريطتين الصحراء العربيه اللي تركب على النوفي والخرائط الانجليزيه اللي تركب على 276 وكلها آخر إصدار .. ومافيه فرق بينهم إلا في الألوان واللغة .