ممنوع دخول الطيور الوحوش للبحرين !!

[بروفسر]

خبرني واحد من البحرين بان صدر امر من الملك منع دخول الطيور الاصليه من والى البحرين فقط جيرات وتفاريخ الي مسموح لها تدخل البحرين

[بو غازي]

السلام عليكم ورحمه الله وبركاته
بروفسر: حتى العام قالوا ولا صار هالشي والعلم عند الله (قصدك الطيور الأصيلة)
واشكرك على الخبر .

[أبو أمين]

حلوه الطيور الاصليه

يعني ما يدخل الا التقليد هههههههه

تقبل مداعبتي ومروري

[هماش]

السلام عليكم
اكيــد محاولت بعض الدول الخليجه في الاكثار من الصقور الوحوش
فئذ ساهمت في منع دخولها يعني ستزداد عددها في السنين المقبله
وراح تكثر الطواريـح

[مشبر البران]

يفيدونك اهل البحرين

[هولاكو2008]

خبرني واحد من البحرين بان صدر امر من الملك منع دخول الطيور الاصليه من والى البحرين فقط جيرات وتفاريخ الي مسموح لها تدخل البحرين
بروفسر
اسمحي ان اقول لك كلامك عاري من الصحه والخبر غير صحيح واللي قالك الخبر كذب عليك مع احترامي لك
وارجو من الناس انهم ما يتداولون الاخبار الكاذبه ويتناقلونها
وشكرالك

[راعي غضبان]

يمنعون الطيور والحباري بعد ياليت وشكرا اخوي

[حمدان502]

والله ياليت والله يسمع منك ، عشان تكثر اعداد الوحوش . وتقبل تحياتي .

[أبو إبراهيم !!]

ماشاء الله تبارك الله


الف شكر على النقل الرااائع

[عزوم الاولين]

الله يجعلهم يشددون على كل ما ينفع هجرة الطيور من صقور وحباري
واي طير مهاجر ..
وجزاك الله خير .....

[قناص الهمله]

الله يعطيك العافيه

[صاحب نوماس]

البرفسسور يعطيك العافية على هذا الخبر

بس انا زي ماقال اخوي بو غازي العام سمعنا نفس الخبر وفالاخير طلع غير صحيح

[الضو]

ياليت يمنعون تهريب الحباري وسماسرتها بس

[أبوحمد 505]

الله يعطيك عافية
بس من كبر البحرين
يعني لو السعودية ولا الإمارات هي اللي مانعة كان فية فرق

[بو غازي]

الله يعطيك عافية
بس من كبر البحرين
يعني لو السعودية ولا الإمارات هي اللي مانعة كان فية فرق
ابو حمد 505: الله يعطيك الصحة يارب لان البحرين تعد القلب النابض للطير الوحش اغلب الطيور الوحش الي تدخل السعودية عن طريقها .

[لعّاب المنايا]

الوعد شهر 9

[@قرناص@]

السلام عليكم
اكيــد محاولت بعض الدول الخليجه في الاكثار من الصقور الوحوش
فئذ ساهمت في منع دخولها يعني ستزداد عددها في السنين المقبله
وراح تكثر الطواريـح
:good::good::good::good::good:

بيض الله وجهك

[شنوان]

كيفهم ان شاء الله يمنعون قطع الغيار الاصليه كلها
والخيول الاصيله كلها
ولكن حسافه على الوحوش الفارسيه والروسيه والمنغوليه والتركمانستانيه

[شاهين الميلان]

حلوه الطيور الاصليه

يعني ما يدخل الا التقليد هههههههه

تقبل مداعبتي ومروري


هههههههه لالا الظاهر انا صينيات ماتنفع خخخ يدورون اليابانيات ههههه تخيل بالله شاهين ياباني<<عيونه نعسااانه 24 ساعه خخخخخ

[قلب ذيب]

تحاول مزارع و شركات الفريخ والتهجين ان تضغط على الدول الخليجيه بضرورة الالتزام
باتفاقية التجاره العالميه ( سايتس ) لمنع دخول وتداول طيور الوحش حتى تقوم تلك المزارع والشركات بتسويق انتاجها من الصقور المهجنه !!
- - ومع نجاح صقور التهجين والتفريخ وثبات جدارتهن في الصيد الا ان منع الطيور الوحش سوف يرفع من قيمة الجير المهجن وذلك ماتدفع مزارع وشركات التهجين الدول التي تستورد الصقور اليه .
- - البحرين احدى الدول الخليجيه التي تستورد الصقور وتتداولها ومنها تصدر او تنقل الى السعوديه ودول مجلس التعاون وكما هو معروف ( ان ال خليفه الكرام في البحرين )سباقين في نقل الطير خاصه الحرار ولهم تاريخ طويل ومعروف في ذلك .
- - يبقى ان نقول ان الاشاعات والاحاديث والاخبار سوف تتناقل عن الصقور خاصه ان موسمهم قرب والكل منتظر تداول الصقور والحصول على الطير الطيب . طابت ايامكم بود .