:::: من منكم يعرف محل ذئب الصحراء للرحلات بالرياض - تقرير مصور- تفضل ::::::

[aooa]

http://www.samysoft.net/forumim/slambasmla/bsmnb5d.gif



اليوم سوف اعرض عليكم موقع يصعب اكتشافه بشمال الرياض والحقيقه ان هذا الموقع يستحق الزياره حيث انه جمع كل احتياجات الرحلات وكذلك السعر المناسب وهذا المحل شمال اسواق العويس في مركز دار الوكالات ....


اليكم بعض الصور عن المحل إن شاء الله تعجبكم واسف لان التصوير بالجوال ....
رقم تلفون المحل/ 012698252



http://up.arab-x.com/July09/IXm04825.jpg (http://up.arab-x.com/)






http://up.arab-x.com/July09/nit04825.jpg (http://up.arab-x.com/)








http://up.arab-x.com/July09/lRq04825.jpg (http://up.arab-x.com/)








http://up.arab-x.com/July09/Xgd05000.jpg (http://up.arab-x.com/)








http://www.samysoft.net/forumim/nehaya/dsfsdfsdfs.gif

[الضاحي]

فعلا يا اخي الكريم

محل ذئب الصحراء ممتاز وصاحبه ابوصالح انسان فاضل

ويوجد به الاخ علي صاحب الاخلاق الطيبة

شكرا لك على تقريرك الجميل

[المغرز]

مشكوووووووووووووور
على اخبر
ومع السلامه

[أبوعبدالمحسن]

يعطيك العافية ومجهود رائع

[fox1]

انا اشهد المحل متكامل واسعاره معقوله جداً وتعامل الاخ علي المسئول عن المحل ممتازه نصوح وسمح الله يوفقهم ......تحياتي للجميع

[ابولولو]

الله يرزقهم والجميع والله الواحد يفرح للشباب السعودين

[abo-lma]

لاأله ألا الله


بارك الله فيك على النقل والتوثيق بالصور والله لايحرمك الاجر

موفق خير

[ارتست]

والله المحل وصاحبه والنعم فيهم

[سيف الظفير]

راعي المحل رجل طيب ونصوح والمشرف عليه اليماني كذلك واحسبهم عند الله

[الناب]

يعطيك العافية

على التقرير

[محمد بن سعيد]

محل ممتاز اسعاره ممتازة والمشرف عليه علي ممتاز واخلاقه عاليه نسحبه والله حسيبه

[غربي هواوي]

مشكوووووووووووووووووووووووووور

[بو علي العلوي]

محل بضاعته رائعه بس احسه ينقص بعض الترتيب في الديكور والبضاعه .. لكن شغل عدل وفقهم الله ..

[جـرح الشمـال]

الله يعطيك العافية يستحق الزيارة

[بو جريس 73]

يعطيك العافية

وان شاء الله نمره لا رحنا الرياض

[أمير الخيال]

مشكور آخوي تقرير

تحيآتي

[aooa]

http://www.samysoft.net/forumim/shokrmror/1/sdfsdf.gif

[crozman]

الله يوفقهم واشكر صاحب الموضوع

[جـرح الشمـال]

لكن الغزلان على كم ؟؟؟؟

[ابرهيم الدهمش]

الله يرزقهم
===============

[aooa]

الصراحة اللي شدني على كتابة موضوع عن هذا المحل هو حسن الاستقبال والتعامل وكذلك الاسعار اعتبرها ممتازه مقارنه مع المحلات الاخرى .....

[سرهيد]

السلام عليكم

اما عن الاخ الكريم علي اللي دايم في المحل فهو انسان خلوق وراقي في تعامله

ويكفيك ثقته فيمن يتعامل معه

والمحل يستحق الزيارة

شكرا لك طال عمرك على هالعرض الطيب

[برنو1990]

يعطيك العافية ومجهود رائع

[بن عاقول]

المحل قديم وكان قبل كذا على الشارع من الداخل وبعيدن انتقل لداخل السوق الحقيقة البائع علي النهدي قمة في التعامل والأدب وصاحب خبرة وتجربه صح إنه أحياناً يفقش عليك بعض القصص تحس إن اللي يكلمك رامبو مهوب علي النهدي بس جدا حبيب الرجل ومشكلتهم مايشغلون المكيف المحل دايم حار من الداخل - وتراهم يتعاملون مع محل الدهو للرحلات بينهم ( بيزنس ).

تحياتي لك

[sharp]

شمال سوق العويس؟

هل هو جزء من سوق العويس؟؟

الرجاء من الأخوان اعطاء وصف أدق للمكان.

شكرا

[ابوراس الدحمي]

اوصف المحل الله يبارك فيك انا ساكن شمال شرق الرياض اكيد قريب مني بس ما دليته

[الطرفاوي@]

مشكور وماقصرت

[60Seconds]

يعطيك العافية ومجهود رائع

[aooa]

اوصف المحل الله يبارك فيك انا ساكن شمال شرق الرياض اكيد قريب مني بس ما دليته



المحل طال عمرك يفصله عن اسواق العويس طريق من جهة الشمال وهو في اسواق مستقله تسمى دار الوكالات

وهو داخل هذا السوق والسوق صغير وسوف تجده بسرعه

اتنمى اني وصلت الوصف لكم بشكل واضح

[احساس الصمت]

الله يعطيك العافيه

[TheHunter]

من يوم عرفت البر و انا زبون عندهم , البضايع ممتازة و السعر معقول , و تمنى شوية تضبيطات من ديكورات . و الي في المحل أجاويد

[mo7taj]

بارك الله فيك
على التقرير وافادة اخوانك



موفق لكل خير

[الحر الحمر]

ماشاء الله شكله حللوووو بالحيل وخاصتن الجيب الاخضر شيييي

[اسدمكشات]

مشكور
فعلامحل رائع و يستحق الزيارة خصوصا وانه قريب من المنزل

[سامر عبدالله]

تقرير جميل

يعطيك العافية

[fox1]

فيه ميزه الاخ علي كريم ومايبخل عليك باي نصيحه واي شي ماتلقه عنده ولا عند اي محل يجيبه لك بعلاقاته الطيبه

[aooa]

تقرير جميل

يعطيك العافية



مشكور اخوي على مرورك العطر

[التميمي 20]

مشكور يالغالي ونحتاج فعلا للتعريف بمثل تلك المحلات التي توفر مستلزمات الرحلات بسعر مناسب ...

تشكرات آفندم ...

[الصيهد.......]

السلام عليكم
يأخوان المحل هذا مازال موجود
سمعت انه سكر
من يعطينا العلم عنه لاهنتو

[ع و ن]

الله لا يهينك على الموضوع .. و إن شاء الله إذا زرنا للرياض بأمر عليه .. لا هنت يا الأجودي

[مروي الظامي]

الله يبارك لهم ويزيدهم من فضله
يستحق الزيارة

[راعي الهنادي]

المحمل موجود وعزالله ان العامل الي فيه قمه في الاخلاق

[ابوخالد]

مشكور اخوي على عرض هذا المحل المميز فعلا وصحابه والقائم عليه من خيرة الناس وبضايعه جيدة واصليه والاسعار جدا معتدله الله يوفق الجميع

[مشعل العيسى]

سبحان الله

يازين الذكر الطيب

الرجل اللي يبيع في المحل كثير من الشباب يثني عليه وهذا ولله الحمد شي عظيم

[ابورايف]

محل رائع والمتواجد فية نصوح
الله يعطيك العافية
وتقبل مروري

[سيف خنذف]

جداُ رائع ..

[رفيع المقام]

المحل جيد


لكن ينقصه الترتيب

والبائع الأخ علي رجل خلوق وطيب

وكما قال اخونا مشعل

يازين الذكر الطيب

[ابوحسن ...]

الله يعيطك العافيه على التقرير

[المهاجر انا]

محله ممتاز واسعاره مهنا فرق لكن نصيحة لا تشتري منتجات السنيدي الا من السنيدي ارخص اسئل مجرب اللي هو انا

[ماكس سالم]

مشكووووووووووور

[الشعله 105]

يعطيك العافية

[أبوبانا]

تقرير رأع ماقصرت

[أبو أمير]

صاحب المحل قريب لي واسمه ابو صالح التويجري

وهو فعلا رجل ناصح ورائع بكل ماتحمل الكلمه من معنى

أسأل الله ان يوفقه ويرزقه من واسع فضله

ودائما لاينفع الرجل سوا الذكر الطيب والسمعه الحسنه

[سيف الظفير]

الله يرحمك يا ابو فهد

[حلم البحر]

الله يعطيك العافية
بارك الله فيك

[ص ذئب الصحراء]

اخواني ..

السلام عليكم ورحمة الله وبركاته ...

اشكركم على مديحكم واتمنى ان نكون عند حسن ظنكم دائما ..

واود ان الفت انتباهكم أنه :

انتقل الى رحمة الله .. الاخ علي النهدي ( الحضرمي ) الموجود في المحل ..

فإن كان تطلبونه شئ .. حياكم الله في المحل ..

والا حللوه ..



صاحب محلات ذئب الصحراء

[نفود الطوقي]

الله يغفر له ويرحمه
ويتجاوز عنا وعنه

ونعم الرجل أخلاق وأدب
الله يسكنه الفردوس الأعلى

[خط ليزر]

الاخ علي رجل خلوق بشوش الله يرحمه ويسكنه الجنه وكلنا سائرون الي طريق الاخره وفقنا الله وايكم للعمل الصالح

[awod]

رحمة الله عليه رحمة واسعه
انا منت اتردد على المحل كثير وكانت تجذبني الشغلات المستعمله للجيش وكان رجل نصوح وكنت اجلس معه في البوفيه اللي قدام المحل بالساعات انا وصديقي العزيز ابو ساره .
رحمة الله عليه توفى داخل المسجد لصلاة العشاء.
اللهم اجعل صالح اعمالنا خواتيمها.
اللهم ارحمه واعفو عنه وسامحه دنيا واخره الله يحلله ويبيحه.

[سدئ المزن]

مشكور اخوي
ان شاءالله لرحنا لرياض نقوم بزياره

[ذيب ورقان]

المحل اول مره نسمع فيه

نتمنى وضع تقرير اشمل عن المحل عامة


ونشكرك على هذا التقرير

[الطرس ممدوح]

الله يعطيك العافية
يستحق الزيارة

[سدئ المزن]

الله يعافيك

[ابونايف2200]

اخواني ..

السلام عليكم ورحمة الله وبركاته ...

اشكركم على مديحكم واتمنى ان نكون عند حسن ظنكم دائما ..

واود ان الفت انتباهكم أنه :

انتقل الى رحمة الله .. الاخ علي النهدي ( الحضرمي ) الموجود في المحل ..

فإن كان تطلبونه شئ .. حياكم الله في المحل ..

والا حللوه ..



صاحب محلات ذئب الصحراء
رحمة الله عليه من اطيب الناس اللي تعاملت معهم حسن استقبال وصدق وامانه وبشاشه
( اللهم ارحمنا اذا صرنا مثله ولا تفتنا بعده ولاتحرمنا اجره)

[كاتم الصوت]

مشكورر و ما قصرت تقرير حلو

[سيف الظفير]

الله يرحمه علي ابو فهد ونعم الرجل


كذلك صاحب المحل ابو صالح ونعم الرجل


رجالً سمحه في البيع وبشاشة الوجه


الله يحلليكم ويرحم ابو فهد والله كان صديق وغالي الله يغفر له يارب العالمين

[شلفا تبوك]

ياجماعه اليماني اللي في المحل يطلبكم الحل
توفى رحمه الله عليه
ادعوا له بالرحمه
رجل في قمه التعامل والادب والاخلاق رحمه الله رحمه واسعه

[Red falcon]

جاء اعلمكم هنا وأثركم عرفتوا

زرت المحل قبل امس وعلمني الهندي الموجود فيه

ونشرت موضوع عنه اليوم

http://www.mekshat.com/vb/showthread.php?t=445721

[Red falcon]

من لديه أي حقوق له أو عليه مراجعة الاخ صاحب المحل
أبوصالح التويجري
تلفون المحل
012698252


ولا فليحلله ويبيحه يرحمة الله
أدعوا لاخيكم بالرحمة

[حلم البحر]

الله يغفرله ويرحمه
ويجعل مثواه الجنة

[الذيب511]

تحدا احد يطلبه بلعكس هو يطلب الناس صدقوني دايم انا اجلس عنده في المحل اذاطفشت وينصحني بكلش ولاعمره قصرمعي لاهو ولاابوصالح الله يرحمه ولهم اهله الصبر والسلوان ويطول بعمر ابو صالح

[RahalOutDoor]

يلام يالربع

ماحد عنده رقم الموبايل أتصل على القم اللي كتبتوه يطلع مقطوع