رايكم في تانكي الماء للباترول

[طخيمان]

ودي يا شباب اشتري تانكي للباترول الصالون ومحتار بين اللي يجي واقف ور المرتبة الثانية او اللي يجي مسدوح على الشنطة نبي رايكم الله لا يهينكم وكل واحد يرد يا ليت يكتب ليش ؟

[طخيمان]

لا إله اللا الله

[مجرد رأي]

أخ طخيمان حياك الله

من وجهة نظري المتواضعة التانكي الواقف خلف المرتبه أفضل وأنا مركبه عندي

في السيارة وممتاز

تقول ليش أفضل أقولك

يجعل الفراغ الخلفي أكبر لتحميل العفش

وتستغل المنطقه الي خلف المرتبه الوسطيه لأنها بعيده عليك فتكون للتانكي

وشكله أفضل في السياره

بشرط أن تراعي مايلي

أن يكون في التانكي قواطع داخليه تمنع حركة الماء المزعجه

وكذلك التثبيت الجيد بحيث يكون له قواعد أماميه وخلفيه

وفي النهايه هذا مجرد رأي وفق الله الجميع

[طخيمان]

عافاك الله اخوي مجرد رأي

[موادع 1]

التانكي الواقف من وجهة نظري افضل
وذلك بسبب ما ذكرة الاخ الكريم بالاعلى
وكذلك لانه يكون الحمل على الدفرنس مباشرة
وذلك افضل من توزيع الحمل على كامل الشنطة
والله يدلك على اللي فيه الخير

[صقار شياهين]

التانكي الواقف افضل لانه يعطيك مجال تشيل اغراضك

[عجمي]

جربت الطريقتين والصراحة اللي خلف المرتبة قد يكون افضل الا من ناحية انة لاتستطيع النوم بداخل السيارة (باالشنطة بعد صفط المرتبة ) فيما لو كان الجو ممطر او غبار لأنة يردك وهذي ميزة بالتانكي المسدوح
اما من ناحية شيل الأغراض كلاهما نفس الشيء من ناحية الحيز اللي ياخذة بالشنطة
لكن بشكل عام الواقف افضل

[مقلع الرمث]

انا جربت الظاهر الاثنين كاني مني واهم لكن كلهن سواء المسدوح ميزه كانك انت راعي نوم بالسياره يصلحلك بس اما الواقف مايصلح ابد لانه يردك
ميزه لا بغيت تحمل شي ولازم تسدح المرتبه هذا زين بالمسدوح اما الواقف ماتقدر لانه المرتبه راح تنسدح لكن التانكي يبي يصير مرتز وانا امجرب هذي
يعني بالاخير اتوقع المسدوح مع التحميل مممتاز لانك تسدح المرتبه الثانيه والنوووم ممتاز لسدح المرتبه ايضا
اما الواقف مايمديك لا تحمل والمقصود بالتحميل هنا يعني شي طويل مثل سلم .طاوله .خشبه .اي شي طويل خيمه يعني يبلشبك
وكانك منت راعي نوم بالسياره ولا راعي تحميل وعندك ونيت في حاله الاشياء هذي فصل واقف ولا تنسى القوااااااااطع اهم شي بالمسدوح ولا الواقف

[بواسامه]

الواقف افضل وظغطه اعلى في خروج الماء

[~ V T A C ~]

التانكي الواقف خلف المرتبه أفضل

[ابولولو]

ودي اطلع عن الاخوان شوي يعني اشطح فيه طريقه اشوفه من وجهت نظري طيبه احد من الاخوان شايل المرتبتين الاخرتين وحاط تانكي علي شكل مرتبه ارضيه وملبسه اسفنج واقماش مراتب وحاط علي زوايه التانكي ملحمه بالتانكي مواصير ويطبق مسنده الظهر فيه اذا احتاجه وركب معه احد ادري ان الصوره ابلغ من الكلام