الكوكب الأحمر
22/07/2009, 02:35 AM
القلب خليته مع الأجنبيه=عشيقةٍ لي من بلاد النصارى
نحيلةٍ ماله مع الغيد خيه=مزيونةٍ فيها من الزين شارى
شقراءولاهي للمولع عصيه=عنقا وكل الريم عنها توارى
لامن نغزته تزعج الصوت ليه=اطرب لصوته لابدت به جهارى
من ريح فاها ريحة العاذريه=اوريح عود ناميٍ بالزبارى
حبيتها حب الولد للبنيه=لاحبها من دون كل العذارى
يوم ان ولد الشيخ مد الهديه=مده وما حسب لها بالخسارى
وقت القنص دايم معي هي خويه=رفيقتي لامن نويت الصحارى
ياما معي شديتها بالمطيه=له مجلسٍ عندي بوسط الغمارى
وياما نقلته والعشاء في يديه= وياما على الدله نثرت البهارى
وياما تفنديت الصدور الطريه=يشهد على فعله رجالٍ كبارى
وياما تواسى لي بها بو حنيه=ترداه لو انه بوسط المغارى
وكم صيدةٍ طبختها بالشغيه=وكم عنز صيدٍ وقفت عن مسارى
يا لايمي فيها دنتك المنيه=وشلون تفداها فروخ الوكارى
وش عازتي للطير وهي بالمعيه=الطيرخله للشيوخ البطارى
لامن بغيته بالظروف العتيه=تفزع ليا صار بحشاها عيارى
ما شلتها والشرلي فيه نيه=ولا نقلته ارتجي رد ثارى
يمكن يجي له وقت والروح حيه=وقتٍ حياة الحر تصبح خسارى
وشيلها لازان صف السريه=شيلة شجاعٍ مايهاب الإغارى
وان مت تشهد عند رب البريه=موتت شهيدٍ مايغّسل غبارى
نحيلةٍ ماله مع الغيد خيه=مزيونةٍ فيها من الزين شارى
شقراءولاهي للمولع عصيه=عنقا وكل الريم عنها توارى
لامن نغزته تزعج الصوت ليه=اطرب لصوته لابدت به جهارى
من ريح فاها ريحة العاذريه=اوريح عود ناميٍ بالزبارى
حبيتها حب الولد للبنيه=لاحبها من دون كل العذارى
يوم ان ولد الشيخ مد الهديه=مده وما حسب لها بالخسارى
وقت القنص دايم معي هي خويه=رفيقتي لامن نويت الصحارى
ياما معي شديتها بالمطيه=له مجلسٍ عندي بوسط الغمارى
وياما نقلته والعشاء في يديه= وياما على الدله نثرت البهارى
وياما تفنديت الصدور الطريه=يشهد على فعله رجالٍ كبارى
وياما تواسى لي بها بو حنيه=ترداه لو انه بوسط المغارى
وكم صيدةٍ طبختها بالشغيه=وكم عنز صيدٍ وقفت عن مسارى
يا لايمي فيها دنتك المنيه=وشلون تفداها فروخ الوكارى
وش عازتي للطير وهي بالمعيه=الطيرخله للشيوخ البطارى
لامن بغيته بالظروف العتيه=تفزع ليا صار بحشاها عيارى
ما شلتها والشرلي فيه نيه=ولا نقلته ارتجي رد ثارى
يمكن يجي له وقت والروح حيه=وقتٍ حياة الحر تصبح خسارى
وشيلها لازان صف السريه=شيلة شجاعٍ مايهاب الإغارى
وان مت تشهد عند رب البريه=موتت شهيدٍ مايغّسل غبارى