يوسف الخليفة1
22/07/2009, 10:12 PM
شبيت انا ناري على طعس الاقفار=والملقمه حطيتها في لهيبه
وقريت وردي عن صواديف الاخطار=وخليت للسبع المثاني نصيبه
والما بدا يقلب تنابيره وفار=وسحبتها عند المليله رقيبه
والحقتها بن الهراري ومسمار=وخليتها تقلب لما فاح طيبه
تركتها تركد وهي صاجها حار=تساطعت لون الهراري زهي به
والدلة الملسا كما ريش صفار=من وارد الرسلان ماحلا شخيبه
ودقيت هيلن لاذعن يجلى الامرار=وذريت فيها الزعفران ابو شيبه
ودلا يزول النور عن واهج النار=دنق شعلها ياكل ادنا حطيبه
وحطيت فوق الجمر سمرن للاسفار=بغيت اشوف اغراضي من شان اجيبه
ادنيت فنجالن به رسوم نوار=وقدوعي من شقرا كريبن عسيبه
الليل خرمس والثعالب له شخار=والا الضواري في عواها قريبه
تقنب على مرحن بها رخال واجفار=تريد تاخذ رزقها تختليبه
الذيب يلعي من على ساقف الغار=طاويه جوعن مستشرن قنيبه
وانا بلذيذ الكيف قاصي عن الدار=في خاليات البر نفسي طريبه
واسامر نجوم السما وابدي اشعار=واقول وين سهيل فجرن يضي به
ياضح جنوبن مستبينن بالانظار=يفرح به الشاوي ولا هي غريبه
وبقدوم حزاته هوا كل صقار=اللي على درب الصقاره شعيبه
شقر الوحوش اللي نقلها بالاسفار=روحه على نهج الصحاري رغيبه
في جرهديه وسمت فيها الامطار=فيها العداين بالبراحه لعيبه
والا رسوم الخرب في طامنن سار=يلقاه دارج فوق ماطاة ذيبه
ساعاتنا راحت سواليف واخبار=والراس دلا يقلب السود شيبه
لاهين بالدنيا والاعمار باطوار=والبال غافل ربي اللي حسيبه
الموت ما عنده لنا سابق انذار=يشيل روح العبد قهر وغصيبه
هذاك يومن ما عن الحق مفرار=حال الفتى بين النصايب مغيبه
يا رب انا راجيك جنات وانهار=واريد مرضاتك تراها كسيبه
يوسف الخليفة ( أبو عبد الله )
وقريت وردي عن صواديف الاخطار=وخليت للسبع المثاني نصيبه
والما بدا يقلب تنابيره وفار=وسحبتها عند المليله رقيبه
والحقتها بن الهراري ومسمار=وخليتها تقلب لما فاح طيبه
تركتها تركد وهي صاجها حار=تساطعت لون الهراري زهي به
والدلة الملسا كما ريش صفار=من وارد الرسلان ماحلا شخيبه
ودقيت هيلن لاذعن يجلى الامرار=وذريت فيها الزعفران ابو شيبه
ودلا يزول النور عن واهج النار=دنق شعلها ياكل ادنا حطيبه
وحطيت فوق الجمر سمرن للاسفار=بغيت اشوف اغراضي من شان اجيبه
ادنيت فنجالن به رسوم نوار=وقدوعي من شقرا كريبن عسيبه
الليل خرمس والثعالب له شخار=والا الضواري في عواها قريبه
تقنب على مرحن بها رخال واجفار=تريد تاخذ رزقها تختليبه
الذيب يلعي من على ساقف الغار=طاويه جوعن مستشرن قنيبه
وانا بلذيذ الكيف قاصي عن الدار=في خاليات البر نفسي طريبه
واسامر نجوم السما وابدي اشعار=واقول وين سهيل فجرن يضي به
ياضح جنوبن مستبينن بالانظار=يفرح به الشاوي ولا هي غريبه
وبقدوم حزاته هوا كل صقار=اللي على درب الصقاره شعيبه
شقر الوحوش اللي نقلها بالاسفار=روحه على نهج الصحاري رغيبه
في جرهديه وسمت فيها الامطار=فيها العداين بالبراحه لعيبه
والا رسوم الخرب في طامنن سار=يلقاه دارج فوق ماطاة ذيبه
ساعاتنا راحت سواليف واخبار=والراس دلا يقلب السود شيبه
لاهين بالدنيا والاعمار باطوار=والبال غافل ربي اللي حسيبه
الموت ما عنده لنا سابق انذار=يشيل روح العبد قهر وغصيبه
هذاك يومن ما عن الحق مفرار=حال الفتى بين النصايب مغيبه
يا رب انا راجيك جنات وانهار=واريد مرضاتك تراها كسيبه
يوسف الخليفة ( أبو عبد الله )