الله من قلب هجوسه تمله ))))))))))))))))))))))))))))

[الرقعي]

الله مـن قلب هجوسه تمله




الله مـن قلـب هجـوسـه تمـلـه

مـل الغضـا لمبهـرات المباهيـر


وشوف البراري والفضا ولعـة لـه

لا شفـت بالمنشـا مـزون مزابيـر


يا موتـري ريحتـك القيـض كلـه

أبيـك لا قامـت تطـول المشاويـر


لابـد لـك لا بـرّد الوقـت تـلـه

يحن ماطورك علـى ساقـة الطيـر


في ماقـعِِ بعـض العـرب مايدلـه

مدهـل لفتخـان الرجـال المناعيـر


نبـي لنـا معهـم وناسـه وفـلـه

مع درب مسهاج الوسـوم المباكيـر


ليا أصبحت روس النـوازي مطلـه

عقب الجليد نكّسـر الثلـج تكسيـر


ثم أصبح القرناس من عقـب طلـه

يوجس بجلـده مثـل دق المساميـر


واستطلعوا خطو أشقـر عـادة لـه

حرش الكفوف يمزّر الخرب تمزيـر


والبارحة حل المساء قد حصـل لـه

عشاء خفيف من ابرق الريش تنسير


لا فرعوه وشافهـن وأدرجـن لـه

و أدلج و راع الجمس كفه علي القير


وتضايقن عقب الفضا وأحضرن لـه

وسلط علي وحـده وذْلـكّ مخاميـر


وليا المشبـب عندهـم مزهـب لـه

باللي ندبهـا طيّـر الريـش تطييـر


والخرب طقـه مـا تعـدى محلـه

والثالثـة فـرّت ولا عينـت خيـر


بطيارهـا شفنـا غـيـاره وخـلـه

زمّـت وحوّلهـا ولـي المقـاديـر


أعلق بها اللي عوقهـن سهمـة لـه

شيهان عـوق ملوعـات المعاشيـر


ملموم مثل الصـول طولـه بجلـه

أجرد يصخّر شرد البـرق تصخيـر


وكل ركـض للـي بوجهـه يشلـه

تزارقوهـن بالـحـدود البواتـيـر


أكبودهـم عقـب القـرايـا مغـلـه

تسع الشهور نقـزر الوقـت تقزيـر


وركبوا وقالوا تبّـع الجمـس ظلـه

لاما نقول أوقـف كفيـت العواثيـر


نبـى لنـا خـد مهـامـل امـزلـه

مادوجـت فيهـا الغنـم والمظاهيـر


تلقـى بهـا زرق المعـارف محلـه

بيض الدواغـر متعبـات المداويـر

[جـرح الشمـال]

بيض الله وجهك وصح لسانك على القصيدة بس ياليت فيه صوتية
اخوك
البرفسور

[مطوعه]

صح لسانك على القصيده

[هماش]

السلام عليكم
بيض الله وجهك كفيت ووفيت وهيضت القلوب
صح السانك يا غالي

[ناصر الحمد]

الله لا يهينك على القصيده يابو مشعل وبيض الله وجهك

[أبوحمد 505]

الله مـن قلـب هجـوسـه تمـلـه

مـل الغضـا لمبهـرات المباهيـر


وشوف البراري والفضا ولعـة لـه

لا شفـت بالمنشـا مـزون مزابيـر

صح لسانك أنشهد أن مابعد هالكلام كلام
يعطيك عافية

[اعقاب]

مشكور وصح لسان الشاعر

[ابوسعد 3]

صح لسانك
مشكور ..

[قرناس ارامكو]

بيض الله وجهك وصح لسانك

[لعّاب المنايا]

صح لسان الشاعر

[@قرناص@]

بيض الله وجهك .. وصح لساك ولسان الشااعر ،،

[صاحب نوماس]

صح لسانك,,,,,,,,,,,,,,,,,

[العمران]

بيض اللة وجهك وصح لسانك

[alajmi110]

ارحب يا ابو مشعل

الله لا يهينك على ها القصيدهـ

واظن ان المغتر صفى وهيضك على نقلته هههههههههه

الله يطرح لك البركه فيه ويطعمك من صيده

[ابوفارس 5350]

أخوي ألرقعي بيض الله وجهك على اختيارك
هذي ألقصيده الجزلة
وصح ألسان الشاعر الكبير


بدرعواد الحويفي
كان ماني واهم
ناقص فيها البيت الأخير



هذا هوي اللي قزر القيض كله ,,,, ماشاف غير القوبعه والعصافير
لاهنت ياالرقعي

[لعيون مكشات]

صح لسانك ولسان الشاعر
بيض الله وجهك

[طيرالحمــــاد]

صح لسانك ولسان الشاعر

[al-fehid]

بيض الله واجهك على القصيده تقبلو مروري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عزوم الاولين]

صح لسان الشاعر والناقل

[مذخور]

مشكور وصح لسان الشاعر ,,

[راعي مينون]

صح لسانك على هل قصيد

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة :
حياااك الله وأرحب ترااحيب المطر أخوي : الرقعي ,,
بيض الله وجهك والله يعطيك العااافية ياكحيلان على أختيارك للموضوع المتألق والمميز أنا أشهد أنك جزل لآعطيت ,
أبوسلمااان بدرعواد قصايدة أكثرها جزلة وحلوووة وخص قصايد الطيور مثيرة ههههه تخلي الواحد ماغير يحترك كنة طير محري للعشاء ,

تحياتي لكــ...وشكراّ,,

أخوكـ

( عوق الخريش )

[جزاء الشمري]

بيض الله وجهك وصح لسانك

[قناص الهمله]

صح لسان الشاعر الله يعطيك العافيه

[الرقعي]

الله يحييكم جميعن وشكرن علhttp://www.b-harb.com/infimages/myframes/tl10.gif



ياللي طلبتـم نبـذة مـن قصيـديعن واقع المفعول لا أنقص ولا ازيد

انا غرامـي وانبساطـي وعيـديتفريعة القرناس بأرض بها صيـد

لا شطب الصيحان روس الزبيـديوالعشب جالـه بالمثانـي عناقيـد

والبـدو مايبـدي لهـم بالشديـديتسعين ليلـة ماحكـوا بالمواريـد

ضيق بهـم در الغنـم والجميـديمايشربـون إلا حليـب المجاديـد

والبل وبرها طار وأبـدل جديـديوردوم على الفاطر سوات المجاليـد

من فضل ربي كـل يـوم تزيـديقامت عشايرهـا تسـن المفاريـد

والفجر تسمـع للطيـور اتغريـديليل الشتاء طوله عليهـن سراميـد

هذيـك والله منوتـي ياعضيـديلا جابها الله من صدوق المواعيـد

ماكفـه الديـر لرجـم المفـيـديوذوب على خشم الخدار ومشاحيـد

مجهود من نـو الجبـه السديـديوحصل لها قبل العقـارب تماديـد

غثوه على روس الشجر والهضيديوساق وتساقـي للنفـود وتخاديـد

وفيض على فيحان ريف البعيـدينبي لنا بشعـاف لوقـه مطاريـد

علـى اسـوق مقربـات البعـيـدمن فوقهن يازيـن مـزح الأواليـد

لا فرع النـادر وطلعـه وكيـديوحول على جول الحبارى تقل حيد

وسلط على الخرب النشيط العنيـديحاسه وداسـه والحبـاري ملابيـد

يقضي بها الصقار يـوم جديـديفي ساعـة مابـه وجيـه مقاريـد

هذا هوى بالـي وهـذا رصيـديسوق النظر بين السهال الجراهيـد

لوكان من طـرد الولـع مستفيـديفتق بقلبي واعذروا يـا الأجاويـد

نومي تحت طل النجـوم الجليـديعـن كنـب ومنجـد زل تنجـيـد

لو لامني خطـوا الغشيـم البليـديطرد الولـع مابـه عليـه مناقيـد

وشف الفياض المخضره يالحميديوشمة ذعاذيع الهوى عندنـا عيـد

وللكيف ذوق ولاستمـاع النشيـديلا قلطـوا رسـلان والا بغـاديـد

ثنتيـن هيـل وثالثتهـن عويـديوكل على ماتطلب النفـس وتريـد

وقدوعهن من طلع هدب الجريـدياحسن نمونه من نما شـرع الغيـد

وسوالـف ماقيـل فيهـا جحيـديبالصيد لا نمـة ولا هـي هرابيـد

ساعات نقضيهـا ويـوم سعيـديولادامت الدنيا لعامـر وابـا زيـد

الـدايـم الله والفـنـا للعبـيـديوالرزق عند منـزل الـدر بالديـد

محي الهشيم اللي عروقـه هميـديرزاق ماتحت الصخـور الجلاميـد

والله يدبرنـا عـلـى مايـريـديوصلوا على اللي وحد الدين توحيـد

http://www.b-harb.com/infimages/myframes/tl10.gifhttp://www.b-harb.com/infimages/myframes/tl10.gifي مرورك الكريم والقصيدة الشاعر الكبير بدر الحويفي

[العسافي]

صح لسانك على القصيده
وياليت تنزلها بالصوووت .:good:

[ذيب الصدارة]

صح لسانك ولا هنت على القصيدةوبيض الله وجهك
مع تحيات &ذيب الصدارة &

[ابوراشد 99]

صح لسان الشاعر الله يعطيك العافيه

[عاشق]

صح لسانك على القصيده ومشكور
والله ان جلدي كش يوم قريت القصيده
وزادة الهواجيس الله يعينا وكل صقار

[ذراع الذيب]

السلام عليكم ورحمة الله وبركاته
مسيت بالخير..وصح لسانك ولسان الشاعر بدر الحيويفي

[راعي غضبان]

بيض الله وجهك .. وصح لسانك ولسان الشاعر

[شاهين الميلان]

صح لسانك بس لو حطيت صوت معها تكون مكمل الموضوع على اكمل وجه