المساعد الشخصي الرقمي

مشاهدة النسخة كاملة : شد السنيدي بالرياض


صقرالعارض
23/07/2009, 10:09 PM
السلام عليكم اخواني ودي فزعتكم تدلوني على ورشه بالرياض تسوي زي شد السنيدي اوقريب منه وله مني الدعاء وجزاكم الله خير الجزاء.
لاتكب البيالة
23/07/2009, 11:02 PM
وعليكم السلام
اذا تبي شد دور واحد مركب شد ورح انت وياه لاحد ورش الحدادة قله نبي زي ذا ثم رشه بوية واقرب محل للشرع يفصل عليه شراع

يمكن يكلف هيكل الحديد 400 والشراع بالكثير 300 والكهرب جمع عدته وسير علي اركب لك اللي تبي بلاش
وتقبل تقديري
نسيت اعلمك ترى عروق الشمال يركب شد احسن من السنيدي
تيتشر
24/07/2009, 04:20 AM
هلا اخوي

السنيدي بنفسه جالس يجهز محل بيفتحه قريبا بالرياض عند مخرج 12 في مركز السيف جاليري بالضبط

اذا تبي تركب عندهم معي رقم المهندس المختص بالضبط بالشد وجاي هنا للرياض لتضبيط المحل الجديد

اذا تبي رقمه راسلني على الخاص
عروق الدهنا
24/07/2009, 01:56 PM
اولاً

اذا تبي نصيحتي
لا تفصل الشراع ذا الى عند الاختيار بحايل

لانه هو اللي ابتكر هذي الطريقه


ولا رح للعروق الشمال ببريده وفصل عنده
شغله طيب

والسنيدي مايفصل يبيع جاهز

ومقاساته غلط في غلط:no:
لان الشراع متعدي التنده :confused: والله يعينك على ازعاج الهوى

اتمنى اني عطيتك مايفيدك
شغموم ...
22/11/2009, 02:32 PM
هلا اخوي

السنيدي بنفسه جالس يجهز محل بيفتحه قريبا بالرياض عند مخرج 12 في مركز السيف جاليري بالضبط

اذا تبي تركب عندهم معي رقم المهندس المختص بالضبط بالشد وجاي هنا للرياض لتضبيط المحل الجديد

اذا تبي رقمه راسلني على الخاص


عزيزي إذا ممكن ترسل لي رقمه على جوالي بأسرع وقت الله يعطيك العافيه ويوفقك دنيا وآخره .

وهل اللي في الرياض يضبطون تفصيل الشد مثل اللي في القصيم ؟؟

وهذا رقم جوالي / 0506192414
ابوسمرى
22/11/2009, 02:38 PM
اخوي شف ورشة المواهب

اللي بالصناعية القديمه

اذا تبي رقم الورشه راسلني على الخاص
ثلج
14/12/2009, 09:53 AM
لاسنيدي ولابروق الشمال
سيارتي شاص ...فصلت شد 28سم (15 ماصورة رص)مع مجرى الطبق بأرتفاعين وباب بمفتاح مرتب واربع حنايا +البوية+قاعة مضلة على الجنب 800 ريال عند رابع ورشة شمال المقصب بالنسيم...ثم فصلت شراع تنزاني باكستاني ثقيل مع مضلة 5*5 متر850 ريال ثاني محل من جهة الشرق بقيصرية الغرابي الشد طول يومين والشراع مثلهن ..والله اني اول مرة افصل شراع وحول الغشيم لاكن مل من شافه قال وين فصلته...
إعصار
14/12/2009, 10:55 PM
نصيحة لاتفصل الشد الحائلي في الرياض ..


واحد من الجماعة مفصل عند المواهب شد زي الحائلي يقول ما عرفو يظبطونه ..
يقول لو داري ان الوضع كذا رحت للقصيم وريحت نفسي .. عط الخباز خبزة ..


وحتى بلش بالشراع راح للغرابي ماعرفو له والي يقول له باصلح لك بس ما اضمنه لك ..



عشان كذا اختصر على نفسك وفصله في عروق الشمال في بريدة ولا الاختيار في حائل ..


وتقدر تدق عليهم واذا جهز تروح مايقعد الا يوم واحد والموتر جاهز ..


موفق يالغالي ..