اللي جرب الفورتشنر gx لايبخل علينا

[fof6666]

اخواني السلام عليكم
بما ان ميزانيتي محدودة قررت اشتري فورتشنر 4 سلندر (gx2)قير عادي
1- هل سعره مناسب (84000) طبعا جديد
2- وشلون الموتر بالنفود علما اني منب راعي مراقى وتطعيس (دور لك نفد طيب ونزل عزبتك والسلام)
3- منب راعي خطوط وعائلتي صغيرة
اللي عنده خلفية يفيدنا وجزيتم خيرا

[ابو ناصر2020]

بصفتي امتلك 2008 gx1
السعر مناسب من حيث باقي الجيوب
والموتر بنفود حليل وهو يحكم على يد الي تمسك الطاره وهو خفيف بنفوذ
خطوط خذ رجال اسأل مجرب

واي سؤال ثاني امر

[fof6666]

مشكور ابو ناصر
كان معي باترول 99 بخاخ وحليل بالنفود مع انهم يذمونة
هل الفورتشنر يقارن به ؟؟؟؟؟ولا اضعف

[طيرالحمــــاد]

خذ اتوماتك واحد من الشباب اخذ قير عادي وجلس شهرين معه ويوم طلع للبر
قام الجير يفلت من النمره اللي فيها وخصوصا الثالث والرابع والسياره جديده
تراه يفلت مع البطناج (الرقله) المهم تم تبديل الجير على حساب الشركه وجربوه مره
ثانيه بعد الجير الجديد ونفس الشي والى الان المشكله وزت عليهم وقدم شكوى

[ابو ناصر2020]

لا تقارن 4 سلندر في 6 سلندر

وبعدين الباترول حاله ثانيه باترول = ميه بالميه بالنفود وانا اشهد مهي باترول 97 وباترول 90 ربع وبابين وكله ماعليه كلام


بس الفورنشينر حلو يعني معقول وعلى السواق انا مره برباضه دخلت انا وخويي معه هدد الفورتشينر طلع والهدد ماطلع الا بدف يعني كل شي بسواق الطاره

[شهاب2020]

الاربع سلندر ضعيف شفلك 6 سلندر طيب

[المميـز]

اسأل عن الباجيــــــــــــــرو قيــــــــر عــــــــــادي :good:

6 سلندر
3000 سي سي <<< التماتيك ثقيل ولكن القير العادي نشييييييط
تكييف مركزي
اوسع من الفورتشنر

وسعره تقريبا 88 الف ويمكن أقل !

والفورتشنر سياره ممتاااااازه وسياره ماتشتكي من مشاكل
وخاصه ان الـ 2009 ضبطوا المكيف حقه الخلفي وضبطوا شكله مع الواجهه
وصار جيب يستحق الثقه

وواحد من الزملاء معه واحد اربعه سلندر موديل 2006 ماخذه وكاله
وماشاء الله تبارك الله يمدحه ويقول الحمد لله سياره ماتطلب شي <<< الله لا يضره

ملاحظته على السياره يقول اذا صار معه الاهل ومحمل عفش يصير ثقيل بالخط
مع العلم قير موتره عـــادي

اخوي fof6666
عليك
بالاستخـــارة بعد الاستشــــارة

والله يكتب لك اللي فيه الخيــــر

وعلمنا وش يصير معك عشان نبارك لك وندعي لك :)

[صقرالعرب2007]

اخوي نصيحتي لك تراك بتكرهـ عمرك وراح تبيع السيارهـ لأنها 4 سرندل والموتر بيصير ثقييييل ولا تقارنه بالهايلوكس لان الهايلوكس أخف بكثير...

و بما انك محدد ميزانيه 84 ألف شف لك بالمعارض مستعمل 2008 6 سرندل ممشاهـ ما يتعدى الـ 30 ألف تماتيك وخااالي من السمكرهـ تحصله بسعرك او أقل ون صبرت إلى نهاية رمضان بعد نزول 2010 راح تاخذ 2008 مستعمل نفس المواصفات الي ذكرتها لك بـ 78 ألف بالراااحه

[براري القصيم]

إذا أنت ملزم عليه خذلك ست سلندر تماتيك ولاتنسى الاستخارة

[fof6666]

والله دخلتو الباجيرو 3000 سي سي براسي
وشرايكم به ياجماعة
كم سعره قير عادي ؟؟؟
وهل فيه 2008 مخزن
ووين أقرب وكالة من معارض النسيم

[NEWASSER]

السلام عليكم
االباجيرو اظن كل اللى في المعارض وحتى والوكاله 2008 ما نزل من2009 الا قليل
السياره روعه في البر بس على الخطوط لك عليها وبال80 الف اظن تجيب لك مكينه3800 سي سي جديد
وبالتوفيق ان شاء الله

[راعي سمنان]

اخوي عن تجربه من قرب لعده طلعات وسفرات مع واحد من الزملاء فورتشنر 6 سلندر تماتيك والله ممتاز ومريح ما شاء الله تبارك الله

اذا ماتقدر على الجديد تطيح بالمعارض بتلقى ان شاء الله

المهم 4 سلندر لايقربك لو بلاش بتكره البر

[محمد بن سعيد]

خلك في الـ6 سلندر قير تماتيك تراه ما شاء الله تبارك شيء انا معي واحد 2007 فل كامل الله يبارك لي فيه

خذ رجال

[fof6666]

ودي والله بال6
لكني محدود على ال4 لأني ابشريه بنظام التأجير

[fof6666]

طيب فيه أحد خبر لي 2008 6 سلندر مخزن؟؟؟؟؟ بحدود 85

[fof6666]

ياجماعة ودي بكرا اعربن على الموتر
نبي تجاربكم تكفووووون

[فتك ابوفهد]

أكستيرا اطيب من الفورتشنر بألف مره وارخص منه
نصيحه خذه ترا الفورتشنر ماليزي مدري اندنوسي
وانت ابخص

[المميـز]

اخوي fof6666

راجع الرســـائـــل الخــــاصـــة للأهمية
:)

[ابو ناصر2020]

استخر والله خير الاستخاره