المجالس بها شاري وبياع ~ وانا شاري بهالمجلس من طلق الوجيه شرواكم

[منصور بن محمد]

السلام عليكم ورحمة الله وبركاته

مسيتم وصبحتم بالخير

يالربع نوبه ضاقت بي الوسيعه عقب 10 من الليل .

طلعت البر وشبيت ناري وزهبت الدله وانا اتقهوى رفعت نظري للسما ولا حولي احد .

وانظر بجوالي ابي ادق على احد يتقهوى معي وإني قريب عن المدينه ما ابعدت وامسك الجوال اقلب بالاسامي ولا والله كلها اسامي هنود وباكستانيه ومصاريه . ( كلهم فلاحين يشرون المزارع تمر ورطب ) عملا عندنا نشري ونبيع معهم.
اقلب بالجوال ولا رفيق ولا قريب ...
واتذكر بيت قاله ابوي لي

يمنى بلا يسرى تراها ضعيفه .... ورجلآ بلى ربع )ن( على الغبن صبار

اعوذ بالله منك يابليس

دخلت النتنته )النت( عقبها بكم يوم وادخل هالموقع )مكشات( واشترك بجوال مكشات وهات من العلوم اللي تطلق الوجه كل ماتصبح وجاتك هاك الرساله ) هطول امطار على منطقة كذا وكذا على الاحداثي كذا وكذا (

وادخل قسم الصيد بالصقور وانا من عشاقها .
اقلب وجهي بين المواضيع وعلوم الصقور واخبارها واسعارها . . . الخ

والحر له في نايف المجد مطلاع ... ولايستريح ألا بعالي الرفاعه
وانا والله استرحت بهالمجلس بها رجال تطلق الوجه وتاخذ وتعطي بعلوم الديار والقنيص مثلكم وشرواكم .

بالمجالس تلقى شاري وبياع ) وانا والله اني شاري من هالعلوم الجزله بمجلس الصقارين مثلكم وشرواكم .

المهم يالربع اني عزمت اطلع القنيص بعد الله سبحانه ثم بكم وتراي كثير نشده مير استحملوني ولا تشرهون انا والله رجال ابي منكم الخبره ومواقع الصيد وغيرها وادري مافيكم من يقصر .

اتصلت على واحد من الديار اللي حول ينبع قلت قلت يارفيقي ابي طير قال ابشر غالي وطلبك رخيص قال وش تبي من طير قلت انت ابوها وسمها انا عليمي وانت شوف اللي يبيض وجهي مع الطير ويبيض وجهه معي .

قال فيه حرار على ثلاث واربع الاف تراها تطلق الوجه واما الشاهين وغيره لاتدور وان بغيت تصفق اصفق بقوه لا تاكل عقب الرجال خذ حر وغيره لا تفكر .

عطونا رايكم يالنشاما ومنكم المعاذير على المطوله .

[منصور بن محمد]

اعذروني على الاخطا الاملائيه انا والله داخل النت عن طريق الجوال .

[ذعذاع نجد]

مرحبابك بين ربعك واخوانك وهاذا الى بتلقاه من مكشات طال عمرك واما بنسبه لطير الى انت تقول لا تاخذ الا وكري دامك توك تعلم عليه اريحلك من الحر واذا تعلمت ما يمنع انك تميل على الحر هاذا رائيي ونشوف ارا الاخوان

[لعّاب المنايا]

مرحبا بك وابرك الساعاااااات

[لعيون مكشات]

الله يحيك بين ربعك وخوانك
اما الطير عليك بوكري ولا شيهانه جبليه تلقاها ارخص وهي الافضل لتلعم الصقاره والحر ملحوق عليه

تقبل مروري لعيوووووووووووووووووون مكشات

[صياد ليبيا]

يا هلا بيك خوى (راكان حرب) وحياك الله فى منتدانا مكشات
وانت بين اخوانك ان شاء الله ما يبخلون عليك بالرأى الزين
والشيرة اللى اتبيض الوجه صدقنى رح تلاقى اخوانك
فى خيمتنا متفاعلين معاك ويتسابقون للرد على اسنفساراتك
كلهم وجوه طيبة واصحاب خبرة رح تستفيد منهم ومن تجاربهم
ولو تريد راى حاول ان تعرف ايش الفريسة اللى تبى اتهد
عليها واتكون متوفرة بالقرب منك لان الحر تراه ليه حق
عليك وتبى اطلعله صيد من تحت الارض لكن ممكن
تاخذ براى الاخ (ذعذاع نجد) وتاخذ وكرى تشيله على ايدك
و ادهله الى ان تعرف طباع الطير وكيف تدعاه واتأكله واتخاويه
سعره معقول وطبعه مثل طبع اى طير حر ومن فرايسه
الارنب والكروان ونادرا الحبارى لكن اقول تبتدى السلم
درجة درجة ويا ريت تشوف حد من الصقارة وتطلب رايه
على الطبيعة ويكون حاضر معاك يوم تشرى طير ومخاواة
الصقارة مهمة وضرورية قد تجد كل المعلومات فى مكشات
وكل سؤال عن الطير له جواب لكن يصبح الواقع شى اخر
والممارسة لها دور كبير اول خطوة حاول تسأل عن الصقارة
فى منطقتك وتتعرف عليهم لانك ما تعرف طعمة الطير
الا ورفاقك معاك وعمر ما حد شال طير ويقنص طول عمره لحاله
فلازم اول شى تندمج داخل اجواء الطيور والناس اللى اتشيلها
وانت تلقائيا رح تكتشف كل يوم شى جديد وما دام انت راغب
ها الحرفة صدقنى رح تتعلمها بسرعة

اخوك صياد ليبيا

[مخاوي شيهانه]

حياك الله بين اخوانك وربعك نور المنتدا بوجودك يبن العم
اربع ماقصرو عليك بالوكري او شيهانه اجبليه وانصحك بعد تاخذها مدهله وصايده وراكده
اسهلك في التعامل مع الطير وخاوي الصقاقير
وبرد على قلبك
واي خدمه تراني حاضر تامر امر
والله يسر امرك ويرزقك ان شاءالله

[Sraab]

يامرحبا ومسهلا..


حياك الله بين اخوانك وبيتك الثاني


عزالله بتلقى الاخوان الطيبين والعلوم اللي تسر خاطرك


وبتلقى من يفيدك ويستفيد منك


ونا ترى مثلك عليمي والربع وصوني ع شيهانه جبليه ترى ازيلك


خلك من الحرار الحين الين ماتعرف العلوم والصقارة



وتحياتي لك ..

[قناص الهمله]

ارحبوووووووو حياك الله على الشحم والطيب ومبهرات الدلالي

[صاحب نوماس]

مرحبا بك ,,,,,

[بو غازي]

السلام عليكم ورحمه الله وبركاته
راكان حرب: حياك الله بين ربعك وأخوانك.
يمنى بلا يسرى تراها ضعيفه .... ورجلآ بلى ربع )ن( على الغبن صبار
عز الله صدق وصح الله لسانه.

[مشبر البران]

الله يحيك بين ربعك وخوانك
اما الطير عليك بوكري ولا شيهانه جبليه تلقاها ارخص وهي الافضل لتلعم الصقاره والحر ملحوق عليه

تقبل مروري لعيوووووووووووووووووون مكشات
عطاك العلم:good: :good: :good: :good: :good:

[@قرناص@]

حياك الله بين ربعك واخوانك ..

ولاتنسانا من المواضيع الطيبه والعلوم الغـاانمه ..

وترى الوكري زين للمبتدئين بس انا انصحك بشهانه لانها تتعلم بسرعه وتكسر راسها بالجووع ،،

ولاتنسى مخآواة الصقاقير ..

وحيااك الله في قلب مكشـات

[عزيز2100]

حياااااااااااااااااك الله

بين ربعك واخوانك

والاخوان نشامى ماراح يقصرون عنك بشيء

[جـرح الشمـال]

حياااااااااااااااااك الله

بين ربعك واخوانك

انا انصحك بشيهانة او وكري بس افضل الوكري لانه هادئ وثقيل هههههه اما الشيهانة تبي تطفشك من كثر المكافخ والصياح هههه
واذا كانك عندك فلوس و معلومات عن الطيور والتعامل معها خذلك حر وتعلم عليه مافي مشاكل لان الحر يبي يطربك وبعدين لو شريت شيهانة او وكري وتعلمت عليها سنة سنتين اكيد تبي تشتري حر فاذا كنت قادر خذ حر من البداية وانت بكيفك.
اخوك
البرفسور

[ربع خالي]

اخوي راكان حرب من طريقة طرحك للموضوع ما اعتقد بإنك صغير سن ,عسى الله مايصغر مقدارك , ورأيي تشوفلك حر وخاصه من الحرار الدهم بحيث انه يجيك مطواع ولابه نفس مثل الحرار الحمر والشقر,, ويجيك فيه من السبق باللي يسر خاطرك وخاصه ان جاك وسيع الصدر كبير الثنادي,,,,
تقبل مروري
تحياتي

[عزوم الاولين]

السلام عليكم ورحمة الله وبركاته
اخوي:راكان حرب
حياك الله وبياك , منتدى مكشات يعتبرمكان متكامل سوف تجد بإذن الله
من يشور عليك وتستفيد منه واكثر الاعضاء ذو خبره لا تستهان بها
مشالله عليهم وهذه فرصه لك تحتك معهم وتاخذ من خبرتهم قبل يدخل
عليك موسم الطيور .
واعتقد ان ينبع ايضا من المدن التي يكثر بها القنوص واكثرهم معروفين
(اهل طيور ) ويكفيك انهم على خط هجرة الطيور
اتمنى منك بما انك تريد التعلم ان تدخل مع احد القوص وتشوف على الطبيعه
كيفية التعامل مع الطير
اما بالنسبه لطير الي تبي تشتريه اتمنى انك تاخذ وكري لانه سهل التعامل معه
وطير اغلب القنوص الكبار الي في ينبع معهم وكارى واضن انك لاحضت الشي ذا
وبعد ما تتمكن من هوايتك خذ الحر هذا رائي .
(واسف على الاطاله ولكن حبيت اني اشارك موضوعك)
وجزاك الله خير
وتقبل مروري.........

[هماش]

السلام عليكم
هلابك وغلا بين ربعك واخوانــك

[ولد سرحان]

الله حياه بين اخوانك وربعك

[راعي غضبان]

ماقصروا الشباب الله يوفققك

[مساح الريضان]

حياك الله وهذي ابرك الساعات طال عمرك

[مهبااش]

يامرحبا فيك بين اخوانك

[احمدالصالح]

ياهلا وسهلا فيك ومرحبا بك ابرك الساعات وجودك معنا .

[صقار الهواشم]

مرحباااااااااومسهلاااااااااا
لاخلااااااا ولاااااااااااعدم
بين خوانك

[منصور بن محمد]

بيض الله وجيهكم كلن بسمه ولا قصور بالربع

تسلم يمناكم جميع على كل ماذكرتوه

الطيور فعولها واجد وانتم ماقصرتم ابد .

سمعت بمجلس قصيده لتواصيف العرب وذكر بيت

قال
وبعض العرب ماغير بندق ودربيل ~~~ ومنين ماهب الهوا جايز )ن( له

و بعض العرب لا والله ألا تهاويل ~~~ مهما عقدت الحبل لازم يحله

قد دربوه ولكعوه الرجاجيل ~~~ ومن قبل لا يسير الحدث جاهز )ن( له

مير بيض الله وجيهكم جميع مافيكم لحقنا منه قصور ولا عليكم زود .





‏ ‏

[((السنياري))]

شرواك الطيب

حياك الله بين اخوانك وربعك باالمنتدا

[تمياط]

حـياك الله بين ربعك واخوانك نصيحه خذلك شيانه او وكري وهي افضل شي لتعليم الصقاره الحر لاصقار المتعلم بالمره وشكرا تقبل مروري

[غريم الحباري]

ياولد الحر مايشيل الا حر فكك من الوكارا وطيور الصغاارا

[العبدالهادي]

خلك من الوكري واعتلي المقناص من فووق ... اخذلك حرررررر ... يطربك بفعوله

والوكري ما منه فايده ( إلا بعض منهم قلبه يجيك ميت او يفعل )


اخذلك حررر او توكل على الله

[قنيص غبر]

ابو عقاااب انا شوووري تاخذلك حر وتتوكل على الله خلك من الوكري .. وانته رجال تبي لي برزت بين الرجاجيل اتكون ناقلك طير وافي ...