للي يبخصون في السلق

[راعي 2005]

انا عندي سلقه اجرت مسكت من عيالها اربعه الحين اعمارهم 8شهور وبديت اطلع بهم يوم تمو7 شهور جربعه طبعا اثنين من الجراوه الي اشكالهم زينه ما عندك احد مهنا طرد ولهنا لقط ولا كن قدامه جربوع اما الاثنين الثانين طرد ولقط يوسعون الصدر فا وش السواه اصرفهم بس اخاف اتحسف عليهم ولا توهم مع العلم انهم 3 والاخير في الولاده
افيدونا ياهل البخص تكفى

[راعي 2005]

وفكيت لهم جرابيع في النهار قلت يمكن توهم على الليل مابعد فهمو لنور الكشاف بس ما عند احد

[@قرناص@]

اخوي .. اكسب سلقك بحرارة الطرد .. اذا عندك سلقه حااااااره وراعية طرررررد ..

تقدر تطلعها معهم وهم بيكسبون حرارتها من طرد او مسك ..

والله يوفقك .. وليتك منزل صور لهن ..

[فيصل الدشاش]

على خبرتي الي مريت فيها .. شف لك سلقه راعيـت طررد ..

وفكها مع الي عندك وتبي تشوف ألتحسن قدام عيونك ..

عسى ألله يطرح فيهن الخير وتاكل من صيدن ..

بررررررررررررررب ..

[مدامع الحر]

السلق دايم لاتهدهم الى هم جيعانين زيهم زي الطير اذا هم شباع ماراح تطرد وحتى لو طردت تلقى طردها بسيط وتفحم بسرعه ياعني خلهم يوم بلااكل قبل المطلاع على حليب فقط

[GX_V8]

السلام عليكم
والله يا اخي الكريم
جوعهم وفك لهم جرابيع في نهار وخل معهم واحد من الجراوه الحارين في الصيد
وبعد ما يلقطون الجربوع ركب اللي تعرف وفك لهم ثاني
لكن حاول السياره اللي تكون رايح غيها جيب
عشان السلقان ما تنشغل بخوانها
اذا كنت مركبها في حوض
هذا اللي اقدر افيدك فيه
اعتذر عن الاطاله
تقبل مروري

[راعي 2005]

ما قصرتوا على الردود والنصايح
بس ماحد يقنص والسلق معيشه منيب اطلع بهم الا وانا مجوعهم بس سؤالي يتحسنون بعدين مع الوقت ولا الي هذا اوله ينعاف تاليه

[star22]

اصبر حتى تكتمل سنه
والنصيحه لاتجوعهن ابد
حتى تصبح بهن طاقه للطرد ولايتقطعن من الجوع
مع احترامي للاخوان ماتقارن الطير بالسلوقي ابداً
وهذا مفهوم خاطئ عند معضم الناس

[@قرناص@]

ما قصرتوا على الردود والنصايح
بس ماحد يقنص والسلق معيشه منيب اطلع بهم الا وانا مجوعهم بس سؤالي يتحسنون بعدين مع الوقت ولا الي هذا اوله ينعاف تاليه


يـاما الردي طلع طيب ،،

اخوي انا انصحك تطلعهم مع سلق حااار بالصيد وبيتغيروون ..

ولاتنسى التجويع فقط قبل يوم الهد بيوووم واحد ..

موب تجوعهم اسبوع تقصر عليهم وتبيهم يطردون .. ؟؟>>يطلعن هلكانات ..

والله يوفقك ،،:good:

[@قرناص@]

اصبر حتى تكتمل سنه
والنصيحه لاتجوعهن ابد
حتى تصبح بهن طاقه للطرد ولايتقطعن من الجوع
مع احترامي للاخوان ماتقارن الطير بالسلوقي ابداً
وهذا مفهوم خاطئ عند معضم الناس


صحيح اذا جراااوه لاتجوعهم لاكن اذا كبـار انا مجرب ماجاب حرارة الطرد الا التجوييع

وبخصوص المفهوم هاذا صحيح ؟؟

والدليل عندي سلقه اوريها الارنب تخااف منه ؟ ويوم جوعتها ابشر به طررررد وحراره ..

:good::good:

[قناص جواثا]

ان شالله يفيدونك اخواني لاعضاء ومافهمت انا المشكله شنهي بضبط

[راعي 2005]

ما قصرتوا وبيض الله وجيهكم
المشكله ياخوي ان ازين الجرواه اشكال والي كنت انا مامل فيهم طلعو ما يطردون صح فما ادري اصرفهم معد ينفعون ولا وش السواه

[عروق الدهنا]

اخوي راعي 2005

نصيحه لاتجوع السلق كبار ولاصغار
لان غريزة السلوقي تخليه يهد جوعان ولاشبعان
المهم انه مايشرب ماء ثم يهد

وبالنسبة للجراء
اذا هي سلقه لاتحكم عليه الا بعد سنه وست شهور
لانه تبي تمر على اجعال وبعدها اجحام اذا فكت اول اجحام ذاك الوقت تحكم عليه

واما بالنسبه للذيخ
لاتحكم عليه الا اذا تعد السنتين اذا وصل العمر هذا يتم فعله ويبين

هذا والله اعلم

[الخماش111]

الاول تراه الدو والثاني القلب والثالث الريه والرابع اكيد جرمه كبير يسمونه الساق

[ابو محمد 3]

اذا كانت اذيخه عااادي ولا تحكم عليه الا بعد سنتين اذا ماطرد وجهه المحرقه ههههه

[abood.148]

آنشآء آلله




مآآ يقصروون معك آلشبآآآآب

[راعي 2005]

الله لا يهينكم جمعيا وماقصرتوا وكلامكم هو الي بمشي عليه
اصبر عليهن زود 6شهور واشوف