استفسار يالنشاما عااااااااجل

[bader_max]

السلام عليكم

يالربع وش تنصحوني فيه

لقيت ناظور بندق خرازه يقولون صاب الماني وقيمته 240 ريال ومكتوب على كرتونه من برى صيني ودقيت على المحل وسالته وقال هذا عشان تخش البضاعه المملكه فقط والكلام ماهضمته الماني وبـ 240 بس

المهم قال فيه استرالي رقمه 4+12+50 ويمدحه قيمته 320 ريال

وش تنصحوني فيه طبعا كلها زوم

وياليت الي يعرف اسم الاسترالي يعلمني ابي اسوي بحث ابغى اشوف صورته

والي يعرفه ياليت يرفق صوره

طبعا عاجل بعد الصلاه الرجال بيروح للمحل وقلت عطني دقايق

[عون الخوي]

اخوي مساك الله بالخير نصيحه انحش عن هالنوع من الدرابيل هذا صاب بس غير اصلي انا اخذت واحد من مكه بـ210 ريال وكان دربيل فاشل جدآ .. الصاب الاصلي قبل 8 سنوات كان فوق 800 ريال بس انا غرني الاسم المكتوب عليه ( صاب ) بالعربي انحش وخذلك شي معروف من شركه معروفه
تقبل مروري

[bader_max]

يعطيك العافيه اخوي عون الخوي

والله الموضوع شف كم له استفزعت محد عطاني وجه نهائي

قلبتها يمين يسار وطقيت الصاب والرزق على الله

لاهنت اخوي وبيض الله وجهك

[برنو1990]

هــــــــــــــــــــــــــــــــــــــــــــــج يا ولد لا تشريه
ونصيحة هدى النوع غير اصلي

ولا تشري إلا الهاكو الياباني ولا قولدن إيقل الياباني
صح انه غالي بس يستاهل ويعيش معك
وان ما حصلت رح لمحل الهدف بالرياض عنده اشاء ممتازه واصلية

[محمد الرويس]

اذا مالقيت الماني اصلي ولا اخذ ياباني انا مجربه تمام
وخل عنك صاب

[تاميلون]

المشكله ما عاد تعرف تفرق ما بين الاصلي والتقليد
تجد التقليد مكتوب عليه صنع في المانيا او في اليابان وفي الاساس هو صيني