سؤال بسيط بخصوص الصيد بالسناره [الأرشيف]

مشاهدة النسخة كاملة : سؤال بسيط بخصوص الصيد بالسناره

alma7rom

25/07/2009, 09:54 PM

السلام عليكم

كيف الحال يا شباب

امس اشتريت سناره مع البكره
ورحت اجربها على الشاطئ بصراحه مليت منها

جربت اني اخلي البكره مقفوله واول ما تصير السناره عاموديه افتح القفل
ما نفعت الحركه والبكره افتحت شوي وانعقد الخيط حولها

جربت اخليها مفتوحه على طول ونفس الحاله انعقد الخيط حول البكره

قلت مافي الا اني اجرب والبكره مقفوله وما نفع << اكيد ما بينفع :d

اخرتها رميتها في السياره واستعملت الخيط العادي...

فممكن الله يخليكم تعلموني الطريقه الصحيحه لاستعمال السناره ؟

ومشكورييين

هوا بحري

25/07/2009, 10:28 PM

عليكم السلام ورحمة الله وبركاته
الله يحييك أخونا الغالي بين أخوانك بالمنتدى
خذ هذا الرابط يمكن يفيدك
http://www.mekshat.com/vb/showthread.php?t=165232

تحياتي

A B D U L L A H

25/07/2009, 10:31 PM

يالله حيه ... تو مانور المنتدى يالغالي :)

//

اخوي ... طعمك صغير والا كبير ... ؟؟

إذا كان صغير لاتفتح المكينه ... ( الساعه ) ... خليها مقفله

وإذا كان كبير الطعم ... زي ( الميد ) ( الباغه ) ( الحمام ) ( السلس )

لازم بعد ماترميها ... تكون المكينه مفتوحه ... وعلى حسب كبر الطعم تفتحها

بحيث انه إذا ضرب عليك شي كبير ... مايطير السناره عليك :D

وحسب المنطقه اللي إنت فيها ...

إذا رمليه ... تحط ثقال ( ويفضل يكون حر - دائري ) علشان إذا ضرب مايحس بالثقال ويترك الطعم ويروح

وإذا المنطقه كلها شعب ( تصخير ) ... آرميها بدون ثقل ... وتوكل على الله

والله يرزقك ... الخير الوفير يآرب

//

وبخصوص ( الخيط يتعقد )

لاتفتح المكينه ( الساعه ) على آخر شي

إذا فتحتها على آخر شي ... حتى لو وقف السحب من السمك وفك الطعم

ماراح توقف المكينه إلآ بعد فتره ... لآنها مفتوحه على آخر شي

حاول ... توزن فتحته المكينه ... بيدك ... :good:

والله يوفقك يآرب ;)

tawmw

25/07/2009, 10:38 PM

أولا :وعليكم السلام ورحمة الله وبركاته..
ثانيا: تأكد من ان كمية الجلب في المكينة مناسبة..وذلك يعتمد على جحم الجلب وحجم المكينة..وستجد ذلك مكتوباً في بكرة المكينة..فلكل مقاس من الجلب كمية محددة تتحملها المكينة ..وينبغي عدم تجاوزها ..والا ستواجه مشكلة الترشبك.
ثالثاً: اتبع الخطوات التاليلة في رمية القصبة :
أ- اجعل مسافة بين طرف القصبة العلوي وطرف الجلب (في حدود المتر).
ب- شد الجلب الى الخلف من ناحية المكينة وامسكه بإصبعك السبابة مع رجل المكينة التي على القصبة.
ج - افتح قفل المكينة (الحديدة النصف دائرية)..وستلاحظ ان الخيط لن ينفرط لانك تمسكه كما في (ب).
د- ارفع القصبة فوق رأسك (كأنك تمسك بفأس) واجعل بكرة المكينة ألى الأعلى.. وطرف القصبة ال‘لى خلف ظهرك.
هـ- احني ظهرك للخلف..ثم إرمي القصبة بقوة.
و- عندما تصل القصبة إلى المستوى الافقي امامك اترك الجلب الذي امسكته بسبابتك.
هذه الخطوات وخصوصاً الأخيرة تحتاج الى بعض التدريب ومع الوفت ستتقن التوقيت المناسب لترك الجلب.
طبعاً هناك طرق أخرى للرمي ولكن قد تكون هذه الاسهل ..ويمكنك البحث في اليوتيوب ..وستجد ماتريد مصورا بالفيديو.
أعلم اني طولتها وهي قصيرة..وقد لا تفهم شيئاً مما كتبت...لاني اعرف ان لدي مشكلة في الشرح من صغري..ومع ذلك أرجو ان أكون فد افدتك.
وما راح يقصروا الشباب معاك ان شاء الله

alma7rom

25/07/2009, 10:54 PM

عليكم السلام ورحمة الله وبركاته

الله يحييك أخونا الغالي بين أخوانك بالمنتدى
خذ هذا الرابط يمكن يفيدك
http://www.mekshat.com/vb/showthread.php?t=165232

تحياتي

مشكووور اخوي وماقصرت على الرابط
استفدت منه طريقة مسك السناره والرمي
الله يعطيك العافيه

يالله حيه ... تو مانور المنتدى يالغالي :)

//

اخوي ... طعمك صغير والا كبير ... ؟؟

إذا كان صغير لاتفتح المكينه ... ( الساعه ) ... خليها مقفله

وإذا كان كبير الطعم ... زي ( الميد ) ( الباغه ) ( الحمام ) ( السلس )

لازم بعد ماترميها ... تكون المكينه مفتوحه ... وعلى حسب كبر الطعم تفتحها

بحيث انه إذا ضرب عليك شي كبير ... مايطير السناره عليك :D

وحسب المنطقه اللي إنت فيها ...

إذا رمليه ... تحط ثقال ( ويفضل يكون حر - دائري ) علشان إذا ضرب مايحس بالثقال ويترك الطعم ويروح

وإذا المنطقه كلها شعب ( تصخير ) ... آرميها بدون ثقل ... وتوكل على الله

والله يرزقك ... الخير الوفير يآرب

//

وبخصوص ( الخيط يتعقد )

لاتفتح المكينه ( الساعه ) على آخر شي

إذا فتحتها على آخر شي ... حتى لو وقف السحب من السمك وفك الطعم

ماراح توقف المكينه إلآ بعد فتره ... لآنها مفتوحه على آخر شي

حاول ... توزن فتحته المكينه ... بيدك ... :good:

والله يوفقك يآرب ;)

الله يحيك اخوي والمنتدى منور بوجودك وبوجود الشباب الطيبين
لاهنت ياخوي على الرد
بس في نقاط ما فهمتها
اولا انا طعمي صغير (ربيان او حبار)
والمنطقه رمليه

وانت قلت اذا كان صغير لا تفتح المكينه .. بس كيف بيطلع الخيط اذا هو مقفول ؟؟
ممكن تشرحلي اكثر ما عليك امر

وما قصرت ياخوي على الرد

أولا :وعليكم السلام ورحمة الله وبركاته..
ثانيا: تأكد من ان كمية الجلب في المكينة مناسبة..وذلك يعتمد على جحم الجلب وحجم المكينة..وستجد ذلك مكتوباً في بكرة المكينة..فلكل مقاس من الجلب كمية محددة تتحملها المكينة ..وينبغي عدم تجاوزها ..والا ستواجه مشكلة الترشبك.
ثالثاً: اتبع الخطوات التاليلة في رمية القصبة :
أ- اجعل مسافة بين طرف القصبة العلوي وطرف الجلب (في حدود المتر).
ب- شد الجلب الى الخلف من ناحية المكينة وامسكه بإصبعك السبابة مع رجل المكينة التي على القصبة.
ج - افتح قفل المكينة (الحديدة النصف دائرية)..وستلاحظ ان الخيط لن ينفرط لانك تمسكه كما في (ب).
د- ارفع القصبة فوق رأسك (كأنك تمسك بفأس) واجعل بكرة المكينة ألى الأعلى.. وطرف القصبة ال‘لى خلف ظهرك.
هـ- احني ظهرك للخلف..ثم إرمي القصبة بقوة.
و- عندما تصل القصبة إلى المستوى الافقي امامك اترك الجلب الذي امسكته بسبابتك.
هذه الخطوات وخصوصاً الأخيرة تحتاج الى بعض التدريب ومع الوفت ستتقن التوقيت المناسب لترك الجلب.
طبعاً هناك طرق أخرى للرمي ولكن قد تكون هذه الاسهل ..ويمكنك البحث في اليوتيوب ..وستجد ماتريد مصورا بالفيديو.
أعلم اني طولتها وهي قصيرة..وقد لا تفهم شيئاً مما كتبت...لاني اعرف ان لدي مشكلة في الشرح من صغري..ومع ذلك أرجو ان أكون فد افدتك.
وما راح يقصروا الشباب معاك ان شاء الله

الله يعطيك العافيه اخوي على الرد الوافي
وما قصرت وشرحت المطلوب
بس انا لاحظت نقطه
انت كاتب
"وستلاحظ ان الخيط لن ينفرط لانك تمسكه كما في (ب)."
انا اصلا لو افتح القفل واخلي "البلد او الثقل" المكينه ما تفتح والخيط يبقى ثابت ولا يطول
هل هذا معناه ان البكره نوعها رديء ؟؟

A B D U L L A H

25/07/2009, 10:55 PM

ثانيا: تأكد من ان كمية الجلب في المكينة مناسبة..وذلك يعتمد على جحم الجلب وحجم المكينة..وستجد ذلك مكتوباً في بكرة المكينة..فلكل مقاس من الجلب كمية محددة تتحملها المكينة ..وينبغي عدم تجاوزها ..والا ستواجه مشكلة الترشبك

نقطه ايضآ مهمه ولم اذكرها ... وماقصر الآخ tawmw ذكرها وبالتفصيل

الله يجزاه خير ...

alma7rom

25/07/2009, 10:55 PM

وبالنسبه ليوتيوب يا اخوي tawmw
مليت وانا ادور ولا لقيت شي

alma7rom

25/07/2009, 10:56 PM

نقطه ايضآ مهمه ولم اذكرها ... وماقصر الآخ tawmw ذكرها وبالتفصيل

الله يجزاه خير ...

اي نعم ياخوي متأكد من هذا الشي

A B D U L L A H

25/07/2009, 10:58 PM

الله يحيك اخوي والمنتدى منور بوجودك وبوجود الشباب الطيبين
لاهنت ياخوي على الرد
بس في نقاط ما فهمتها
اولا انا طعمي صغير (ربيان او حبار)
والمنطقه رمليه

وانت قلت اذا كان صغير لا تفتح المكينه .. بس كيف بيطلع الخيط اذا هو مقفول ؟؟
ممكن تشرحلي اكثر ما عليك امر

وما قصرت ياخوي على الرد

اهاا ... قصدك وانت ترمي يعني ...

لا ... وقت الرمي إفتح المكينه ( القوس النصف دائري اعلى المكينه )

وتوكل على الله وارمي ...

وبعد ماترمي ... لاتفتح ( الساعه ) من الآعلى ... لآنك بتحس بضرب السمك ( كآنك ماسك الخيط بيدك )

وماراح يسحب السناره السمك الصغير ... :)

ومن وين انت اخوي ... ؟؟

وايش السمك اللي تطلع من المنطقه ... ؟؟

alma7rom

25/07/2009, 11:02 PM

اهاا ... قصدك وانت ترمي يعني ...

لا ... وقت الرمي إفتح المكينه ( القوس النصف دائري اعلى المكينه )

وتوكل على الله وارمي ...

وبعد ماترمي ... لاتفتح ( الساعه ) من الآعلى ... لآنك بتحس بضرب السمك ( كآنك ماسك الخيط بيدك )

وماراح يسحب السناره السمك الصغير ... :)

ومن وين انت اخوي ... ؟؟

وايش السمك اللي تطلع من المنطقه ... ؟؟

اخوي انا من قطر

وفي المنطقه اللي جربت فيها بالذات ما لقيت غير الصافي

قناص البحر

25/07/2009, 11:03 PM

اخوي الغالي

انا اشوف إن الشباب ما قصروا في الكلام

لكن في شي

لو كنت قريب منك لكنت افهمك الطريقه

واتمنى إن احد الإخوه يتفضل معاك برحله او كشته على البحر او عند البيت ويعلمك الطريقه

لان العملي يفرق عن النظري

وتحصل معاك في البدايه لكن مع الأيام راح تعرف وتكون ماهر في رمي القصبه

طارق عيسى

25/07/2009, 11:05 PM

اخى العزيز لابد من فتح الماكينة قبل الرمى ووضع اصبعك السبابة على الخيط وانت بترمى وتركها عند الرمى وعموما الموضوع دة يبغى له تدريب عملى وانصحك تشاهد قناة على القمر الأوربى الهوت بيرد اسمهاpassione pesca وستتعلم منها كيفية الرمى وبعض تقنيات الصيد عموما وإن شاء الله ستتعلم بالمحاولات ولا تيأس
والسلام عليكم ورحمة الله وبركاته

A B D U L L A H

25/07/2009, 11:17 PM

ونعم فيك وبآهل قطر

آجل المنطقه رمليه ... وتشبه للشرقيه عندنا

طيب إذا مافي إلآ ( صآفي )

مايحتاج مكينه يالغالي ... حتى الثقل ( صغير )

وتحتاج ... طفاحه دائريه ... وتجعل بين الطفاحه و الميدار طول على حسب العمق اللي عندك

والميدار ... انصحك ( للصافي )

تآخذ آصغر ميدار ثلاثي ... وتستعمل ( طريقة النتش )

والطعم عجين ... وآفضل دقيق لعمل العجين المتماسك ... هو الطحين الكويتي ( مادري عندكم او لا )

غطي الميدار الثلاثي بالتمام ... وتوكل على الله ارمي

اول ماتحس نتش ونقد ... اسحب على فوق بسرعه ... وإن شاء الله يجيك الخير

وآفضل قصبه للسيجان آو ( الصافي )

القصبه اللي مافيها مكينه ... وبراسها ( حلقه ) تربط فيها الخيط

حتى بهذه القصبه تطلع معاك ( شعوم + قرقفان + نيسر + فسكر ) آغلب الآسماك اللي حجمها صغير

وإن شاء الله اكون ماطلعت عن المسار ... :)

alma7rom

25/07/2009, 11:33 PM

قناص البحر

باذن الله لو لقيت احد من الشباب يعرف للسناره باحاول اروح معه
وما قصرت اخوي

طارق عيسى

ما قصرت اخوي على الملاحظه بس لو تعرف وش سبب المشكله اللي عندي
انا لو اترك الخيط والمكينه مفتوحه ما يطلع زياده الا لو اسحبه انا بنفسي
هل هذا الشي يعني ان المكينه من النوع الرديء ؟

اخوي عزازي22

ما عليك زود ياخوي

وانا اقصد ان الصافي متوفر في هذه المنطقه بالذات
بس انا اسأل عن السناره لان المناطق الثانيه كثيره بس الخيط ما ينفع فيها

وباذن الله باجرب طريقتك للصافي وان شاء الله اتوفق في الصيد

ولا هنت ياخوي

جبرني وقتي

26/07/2009, 01:54 AM

وبالنسبه ليوتيوب يا اخوي tawmw
مليت وانا ادور ولا لقيت شي

طارق عيسى

26/07/2009, 08:55 AM

أخى العزيز الخيط يطلع زياده لانه من المفروض أول ماالخيط يوصل المياة وينزل على القاع أو أول ماتشوف العوامة إذا كنت تستعملها تراها عامت على السطح على طول لازم تلف يد الماكينة لفه واحدة حتى يعود غطاء الماكينة الى وضع الاغلاق وعموما كما قلت لك قبل ذلك الموضوع عاوز محاولات عملية حتى تتقن موضوع الرمى وانا لو فى حالتك اروح اقف على شاطيى مفتوح لكن ابعد عنك الناس حتى لا يصاب احد عند محاولاتك الرمى وحاول تدريب نفسك عدة مرات حتى تتقن العملية وإن شاء الله تتقنها بعد عدة محاولات

قناص البحر

26/07/2009, 11:20 AM

أخوي بارك الله فيك

انا من قطر

وهذا رقمي للتواصل

6970769

بوبدر

أتمنى منك تشوف وضعك كيف وإن شاء الله نطلع مع بعض ونعلمك ع القصبه

والأمور طيبه إن شاء الله

راحوا فيها

26/07/2009, 11:29 AM

اذا ما عليك امر اخوي حط صورة المكينة عشان الاخوان يفيدوك اكثر

تحياتي

dbdob

26/07/2009, 01:42 PM

اخونا العزيز تحيه طيبه وبعد
اول شيء في الصيدوالمهم جدا هو الصبر حتى تتعلم
النقطه الثانيه:حاول تجلس بجنب ناس تصيدوشوف كيف يرمون وكيف يضعون الطعم ومع الايام بتصيرمعلم
انالي 3شهوراتعلم والحظ معاندني مااصيد الا بالعجين على قدكف اليدالحمدلله لكن اطمح لشيء طيب انافي جده وكل يوم اشتري كيلوثقل عشان جده كلها صخوربس مع المنتدى هذا افادنا كثير قبل اطلع للبحراشوف تعليماتهم واروح للبحر
تقبل مني كلامي

tawmw

26/07/2009, 02:22 PM

حياك الله اخوي..وبالنسبة لموقع اليوتيوب ان شاء الله راح ادور على المقطع واضع لكم الرابط.

يامغيث اغثني

03/02/2012, 10:49 PM

accentkool

04/02/2012, 04:03 AM

افتح السم على على الماكية وخل الخيط بااصبعك وارمي باقوا ماعندك والخيط مشدود وهد الخيط من اصبعك مع النهاية الرمية وبيطلع الخيط من الماكينة زي الحلاوة

The Fisher

06/02/2012, 12:51 PM

nTS3RsfkGaU

تفضل اخوي مقطع على اليوتيوب ان شاء الله يفيدك