استفسار عن حائل

[تمياط]

بسم الله الرحمن الرحيم
السلام عليكم ورحمة الله وبركاته

كيفكم ياشباب انا ودي اطلع لحائل والا اعرف هل هي كويسه

ابيكم تعلموني عن حائل والطلعات الي فيها والمنتزهات وعن حائل كلها

والي يعرف محلات الصقور الي فيها يعلمني وين مكانها

وشكراااااا

[ابو عزّام]

مساك الله بالخير اخي عاصم ..
حالة الطقس:
بالنسبه للجو فيها رهيب ولا كن تفتقد الامطار عسى الله يجيب الامطار ..

بالنهار مابين الساعه 10الى 3ونص الجو حار وليس بشديد اما من العصر فيبدا الجو بالبروده ...اذا كنت بالبر مابعد الساعه 2 صباحا فأتوقع انك تحتاج الى لحاف عن البرد ..

التضاريس:

حائل تتميز بكثرة المناطق الجبليه والاوديه والشعاب ويوجد فيها النفود الكبرى التي تمتد حتى الربع الخالي وقل ان ترى احد هذه المناطق مخضر او يكون فيه اعشاب...

المنتزهات:

المنتزهات في حائل قليله واكثر ماتجد الاثار وهناك منتزه يقال له "عقده"بكسر العين وهو منتزه جميل وفيه بعض الشعاب اللتي تصلح للجلوس وانا اشبه هذا المنتزه بمنتزهات الشفا بالطائف ولاكن ينقصه الاشجار الخضراء وهو قريب من حائل جدا ولو سئلت طفل بحائل لدلك عليه......وهنا ايضا مهرجانات في حائل كثيره بعضها يقيمه مراكز الدعوه وبعضها هيئة السياحه وكلها جميله وقد بدأت يوم السبت الماضي....ايضاً هناك منطقه شمال حائل ب100 كيلو يقال لها"جبه "يوجد فيها معرض النايف للتراث ويوجد فيها جبل مليئ بالتراث ولاكن لا تدخل هذا الجبل الا عن طريق حارس لان الجبل محوط بشباك....وايضا هناك منتزه قريب من المنطقه يقال له "مشار"وفيه ايضا شعاب تصلح للجلوس ولاكن اذا ماحجزت مكان من العصر مابعد ذلك لن تجد ابداً..وفي هذا المنتزه هناك شبه مدينة العاب ..خيل وملاهي ودبابات وغيرها ..

الفنادق والشقق:

هناك فندق الجبلين على طريق الملك عبدالعزيز داخل حائل وهناك ايضا فندقين جديدات ولاكن لا اعرف اسمائهن ..والشقق منذ ان تقبل على حائل تجد لوحات الشقق على الطريق وايضا لو سئلت اي احد سيدلك عليها..

اما عن اماكن الصقور فلا اعرف عنها شي ..لعل بعض الاخوان يعطونك معلومات خير مني..


ملاحظه:
حائل لا تصلح الا بمرشد من نفس المنطقه والا ستطفش وترجع وتحرّم انك تروح مره ثانيه..هههه

لعلي افدتك اخي عاصم فلا تنسانا من الدعاء.

[قرناس حائل]

حياك الله اخوي في منطقة حائل

وابو عزام كفى ووفى ما خلا شي اقوله

لكن بالنسبه للطيور فيه سلمك الله شبات ومرابط واجد مثل مربط ومقيظ الصقار :

عبدالرحمن العصفور ( ابو زيد ) الذي يعتبر مرجع للصقاره في حائل , موقعه

بقرية عقده مثل ماقال ابو عزام ( 4 كيلو عن حائل بوسط جبال اجا ) اي واحد

تسأله عن المربط راح يعلمك , وفيه الشبات واجد .....................

وأي استفسار انا حاضر تقبل تحياتي

[تمياط]

مشكورين وماقصرتم والله يوفقكم جميعااااااا

[الوطواط]

السلام عليكم ورحمة الله وبركاته ،،،،

تحية طيبة .... اذا كانت الرحله الى حائل شبابية انشاء الله افيدك،،،
انا رحتلها مرتين وانشاء الله بروح المره الثالثه في الشتاء الجاي والله حلوه بالحيل بالحيل فيها اماكن تراثية واماكن طبيعية واماكن صحراوية واماكن تاريخة ونبداء:

1- منازل طي في جبال اجا قصر اكرم العرب حاتم الطائي وقبره ،،المكان جميل بالوديان والشعاب والمناظر الطبيعة تحتاج يومين من التمشي في جبال اجا وعندك منطقة - جو - جميله جدا وبين الجبال بتشوف منابع الماء والعيون والنحيل وماتخلو من الصيد والقنص.
2- منطقة النعي منازل عنترة ابن شداد يقال انه قبره هناك بالقرب من جبال سلمى ،،
3- وانت مار على جبال سلمى زور منطقة طابا الفوهة البركانية ( الهتيمة )
4- ولا تنسى منطقة - فيد - والقلعه ودرب زبيدة بالقرب من هجرة شنان
5- ورح الى داخل جبال سلمى بالقرب من السد فيه طريق جبلي وعر تحتاج الى سيارة 4x4 وراح تشوف الطبيعة الجميله والمكان الذي يعيش في الذاكره.