ترخيص الطيور

[مسسساعد]

السلام عليكم

بالله يا شباب ابي اعرف كيف اطلع ترخيص تطليع الطيور برى السعودية؟؟

وشكراا لكم

[قناص الهمله]

والله ما ادري

[@قرناص@]

والله ماعندي علم ..

لاكن الظاهر تفحص الطير ويعطونه شهاده او جواز سفر وتكلم الخطوط السعوديه وتحجز

الاخوان يفيدونك اكثر ،،

[ابو سلطان898]

اخوي اول شي كلم على هيئة الحماية اللفطريه الي بالرياض على هالرقم 014418700 واسئلهم هل فيه ترخيص السنه ذي او لا اذا قالوا لك فيه تروح المستشفى حق الطيور وتسوي فحص وتقولهم انك تبي تطلع برى وبعدين يعطونك شهاده صحيه وسي دي فيه صور ومعلومات الطير ثم تروح للهيئه وتكمل باقي استخراج الرخصه عن طريقهم وتقبل تحياتي

[راعي غضبان]

[quote=ابو سلطان898;2932035]اخوي اول شي كلم على هيئة الحماية اللفطريه الي بالرياض على هالرقم 014418700 واسئلهم هل فيه ترخيص السنه ذي او لا اذا قالوا لك فيه تروح المستشفى حق الطيور وتسوي فحص وتقولهم انك تبي تطلع برى وبعدين يعطونك شهاده صحيه وسي دي فيه صور ومعلومات الطير ثم تروح للهيئه وتكمل باقي استخراج الرخصه عن طريقهم وتقبل تحياتي انا مع اخوي ابوسلطان شهاده الظاهر اسمها سايتس والله يبيض وجهه ابوسلطان افادك وتقبل مروررررررررررررري

[مشبر البران]

الأخوان ما قصروا

[مسسساعد]

ماقصرتوا والله لايهيتكم على كل حال

[صقرالعارض]

السلام عليكم كلام اخوي غضبان مضبوط بس باقي حاجه وحده وهي تروح للحجر الصحي الي بالمطار والطيور معك والشهادات الي اخذتها من المستشفى عشان ياخذون عينه من اللعاب والمرش اعزكم الله وهذي تبع وزارة الزراعه تجلس العينه عندهم تقريبا اسبوع هذا الكلام كله انا مسويه تبهذلت تقريبا 20 يوم والله يعينك وترى المشكله بمطارنا لابالروحه ولابالرده وصدقني الدوله الي استقبلتنا ماطالعوا بلوراق يطالعون لجيبك وشوي لين طيورنا معنا ماعدوها حتى طولتها عليك وبالتوفيق.

[أبو__خــالــد او الوافي]

انا خابر اذا تبي تجيب طير من خارج المملكة يبيلك اسبوع كامل على الاقل اما من السعودية ما عندي خبر