المساعد الشخصي الرقمي

مشاهدة النسخة كاملة : تبع جير شاهين


كويتي صقار
27/07/2009, 09:42 AM
انا يا جماعت الخير شريت تبع جير شاهين ودى اجرب الجيرة وانا طول عمرى راعى حراار والمشكلة ما اعرف عنهن اى شى الطير من النمسا وسعرة 2500 يورو واللة ما ادرى هو غالى ولا لاههههه المهم قالى الرجال راعى الجيرة وزنة 920 غرام وقال الموجود 3 بيض و2 سود وانا ابى الفزعة هن نفس الشى ولا يختلفن للعلم انا بخاطرى الطير الابيض وتراا صاحبنا جااية فى وااصطتن طيبتن بالحيل 50 بالمية جير و50 بالمية شاهير الفزعة للى عندة علم والى مايعرف مثلى لا يوهقنى هههههه واللة اول مرة اجنى الجير اى قبل لا انسا يقول هادينة فى شبك صارلة اسبوعين ويمسك تاريخ 15 ثمانية انجليزى العلم ابيض اطيب ولا نفس الشى ترا دفعت الدراهم وخلصت هههههههههههههههههههههه تكفون الرد السريع لا هنتم النشااااامة
بو غازي
27/07/2009, 10:01 AM
السلام عليكم ورحمه الله وبركاته
انشاءالله اهل الخبرة ينفعونك بس ودي تعلمني كم يعني يطلع بالريال ..؟؟؟
وعسى الله يوفقك ويباركلك.
المري
27/07/2009, 10:15 AM
مرحبا اخوي كويتي وحياك الله يالطيب

اغلب التبوع يجي فيها سبق ماهوب بسيط بس اهم شي الوزن اذا هو على كلامه 960 طيب بالحيل

بس 99% من الشركات اذا قال لك الوزن احذف منه 150 الى 200

لانهم غير دقيقين في الوزن
قناص الهمله
27/07/2009, 10:26 AM
الله يرزقك
gyrefalcons
27/07/2009, 10:37 AM
بسم اللة الرحمن الرحيم
الاسعار الي معطيك اياها في التبوع غاليه كثير لأنها تباع هناك من 500 الى 700 يورو ---- المبلغ تضربة في خمسه ريال اي 2500×5=12500 ريال. هذا السعر الي ياخذونه منك التجار في الامارات او دول الخليج من ربح واقيامها من 8000 ريال الى 12000 ريال في الخليج وطير تختارة بنفسك.
@قرناص@
27/07/2009, 10:48 AM
ماقلت لنا كم بالريال السعودي ؟؟

والله يوفقك
راعي غضبان
27/07/2009, 10:55 AM
مايقصروا الشباب يفيدونك
أبو رداد
27/07/2009, 11:01 AM
وعليكم السلام ورحمة الله وبركاته
اذا كان التبع أبيض أبيض ... وهك ووزنه اكثر من 900 .. وأول الوقت
اشوف قيمته زوينه هههههه فيه غلا شوي ... لكن هالمواصفات صعب تحصلها بأقل
وسلامتك
أبو رداد
27/07/2009, 11:01 AM
ماقلت لنا كم بالريال السعودي ؟؟

والله يوفقك
تقريبا 12 الف وخمسمائة ريال سعودي
حمد الدجران
27/07/2009, 11:25 AM
اذا انت شاري شاري مافي اذنك ماء

والطيور نفس الخلطات ونفس الوزن

اخذ اســــــــــــــــــــــود

مجرد رائي شخصي


الله يوفقك
مشبر البران
27/07/2009, 11:59 AM
خذ اسوووووود
مهبااش
27/07/2009, 12:20 PM
خل عنك النمساوي واخذ من قريب عندك بدر محارب يجيب تبوع طيبه وارخص من القيمه الي ذكرة وطب وتخير والله يوفقك
لعيون مكشات
27/07/2009, 03:21 PM
الله يوفقك لاكن اشوف الاسود افضل
محمد الفهيد
28/07/2009, 08:45 AM
قيمته تعتبر اول الوقت زينه
وقياسه والعلم عند الله بحر الـ15 يقصر ربع او يزيد ربع

وزنه اذا كان 950 ممتاز جدا ... قول 850 زين بعد
قيمته اول الوقت في الامارات تقريبا مابين 8000 الى الـ15 الف حسب المزرعه

واذا قال لك لونه ابيض ترى يقصد كشافت ريشته بس الظهر ايكون اسود لأن الابيض كامل يعتبر نادر
في رأيي اخذ الأسود . بس شوف الصور وتنقى بينهم

تحياتي لك
صياد الكراوين
02/08/2009, 01:45 AM
اخوي اتمنى لك التوفيق في الشريه المباركه ،انا شريت تبع جير شاهين نمساوي ب 7500 مع المقيض وصايده كراوين والطيار خيال ،واسود والمقاس 15×15 يزود ماينقص واضن ان القيمه مناسبه جداا0000000وتقبل مروري
بدران123
02/08/2009, 03:15 AM
افادوك الاخوان والله يوفقك انشالله...

من رايي شف الافظل وان احترت خذ الابيض....


بدران
ابو ندا
02/08/2009, 04:04 AM
والله ماعندي خلفيه عنها
كويتي صقار
02/08/2009, 12:31 PM
عساكم علا القوة افدتمونى فلعلوم الى تسر الخاطر ومشكورين الاخوان وابخص صياد الكراوين ولا هنتو كلكم علمكم وااااافى وتقبلو منى جزيل الشكر
عايض الدرعان
02/08/2009, 01:49 PM
خذ الاسود دايم يفعل ويرتفع مايقبض الارض والله يرزقك بالطيرالطيب وعلى فكره القيمه مناسبه جدا
..@القناص@..
03/08/2009, 12:48 AM
الله يوفقك بس .. من رايي الاسود احسن
بن_عنزة
03/08/2009, 04:09 AM
الله يرزقك بالطير اللي يسر خاطرك,,
falconer-kw
03/08/2009, 04:43 PM
اخي الكريم كويتي السلام عليكم
دامك شريت اسال الله ان يوفقك وانا اعتقد اللون مايفرق حسب ماشفت من الشباب وانا والله مالي خبره فيهم زايده و الاخوان ماقصروا لكن اذا تبي تسال زود عنهم سير على الاخ الفاضل بدر محارب وان شاء الله مايقصر ترى الرجال فيه خير شروا الشباب الموجودين واهو متعامل معاهم وله خبره كبيره واسال الله التوفيق وان يطعمك من صيده