أفضل خيمة على الإطلاق ..!

[فوق الطعس]

اخواني.

السلام عليكم ورحمة الله وبركاته.
وشي احسن خيمة ، تكون بالمواصفات التالية.

صغيرة ، 2/3 مثلا.
خفيفة الحمل.
سهلة التركيب، للناس العجلة.
متينة، ولا ينقط عليك المطر ( الله يجيبة ).

وبعدين ، وين أحصلها ، وإن أمكن: معليش كثر الأسئلة: كم سعرها .:what:

[جلوبلستار]

الخيمه هذي تفصلها انت حسب مواصفاتك الي تبيها .. اذا كنت في الرياض فتوجه الى سوق الخيام في ( الرياض سنتر ) يعني في البطحا . والأفضل يكون لها عمودين في الأطراف وليس في الوسط عشان ما ياخذ مساحه وقماشها تنزاني ابيض من النوع رقم ثلاث الي هو افضل شي من النوع الي يفصلون منه الصباحيات والتبطين اخضر مشجر ( اريح للعين من الأصفر ) والبيبان ركب لها سحاب من النوع الكبير مقاوم للرمال . والباب لا يكون مفتوح على الأرض مباشره ، خل الباب يرتفع عن الأرض شبر ويكون تحته طبعا قماش .
أما السعر فأنا فصلت بنفس المواصفات الي ذكرتها اعلاه لكن المقاس 3.5 في 4 بـ 1300 ريال في محل المقرن للرحلات بشقراء .وقبل ما انسى اضاف الخياط لزاق عريض تقريبا 10 سنتي عرضه ( عاشق ومعشوق ) في اسفل الخيمه في جميع الجهات ( يعني دار به عليها ) على ارتفاع 8 سنتي من الأرض يقول عشان لو بتحط فرشه تثبت وما يدخل رمل للخيمه ( الفرشه لازم تفصل بطريقه خاصه عشان تثبت على اللزاق يعني يكون مرتفع منها تقريبا نص شبر على الرواق مع كل جهه ) . والخيمه هذي اطقها لحالي وسهله التركيب واذا جا المطر ان شاء الله بطقها واصورها
أما اذا كنت تبيها للنوم فقط فأنا انصحك بالخيمه البلاستيك الخفيفه وسعرها 250 وهي مناسبه جدا للنوم . والله الموفق .,

[فوق الطعس]

أخوي جلوبلستار ،

ما يكفي أشكرك وبس على ردك المفصل ، لا ، لازم أعزمك عندي ، وتجيب معك الخيمة هذي أشوفها ، ويمكن أكسبك فيها شوي واخذها ، عارف تبي تقول : ما تغلى عليك يالحبيب ( من طيب اصلك اخوي ).

صراحة جزاك الله خير وما قصرت على ردك ، والتفصيل اللى وفى وكفى وتسايح بعد .

بس ، وآآآآآه من بس ، يمكن يكون عند الاخوان المكاشيت خيارات ونصايح اخرى ، ولا يهون اخوي العزيز جلوبلستار وهذه كله يبي يفيدني ويفيد زوار المنتدى.

ومع السلامة .

[الضاري]

عزالله ماقصرت ياجلوبلستار.. كفيت ووفيت..

هناك موضوع متكامل عن الخيام وبالتفصيل سأبحث عنة وعندما أجدة سأضع الرابط هنا..

تحياتي

[الجيب الربع]

أخي الضاري

الأنواع كثيرة ومتنوعة ولكن مايحددها هو حاجتك والوقت وهنا خيمة تأخذ 12 شخص للنوم ولكن لاأظن إنها متينة وسعرها حوالي 900 ريال ولكن عندما تصفطها فحجمها صغير جداً

http://www.mekshat.com/pix/upload/images5/mk7320_khaimah.jpg


لك تحياتي

[حد السيف]

السلام عليكم ورحمة الله وبركاته
الغالي
فوق طعس
هلابك ويمكن هذا الرابط يفيدك
http://www.mekshat.com/vb/showthread.php?s=&threadid=10697
اويمكن هذا احسن
http://www.mekshat.com/vb/showthread.php?s=&threadid=3874
ارجو ان تجد ما تصبو الية وتبحث عنة


محبك اخيك
حد السيف

[مثابر]

الله يعطيكم العافية يالربع على هذة المعلومات

[الضاري]

أخي العزيز / جيب ربع

صحيح أن ما يحدد نوع الخيمة ومقاسها هو حاجتك لها ... يعطيك ألف عافية أخوي.


جاك حد السيف بما تتمنى يافوق الطعس..

هذي روابط ومابقى الا تختار الخيمة اللي تناسبك.. وبالتوفيق أنشاءالله


تحياتي للجميع

[حد السيف]

السلام عليكم ورحمة الله وبركاته
الغالي فوق الطعس
وهذا رابط زود يمكن يفيدك
http://www.mekshat.com/vb/showthread.php?s=&threadid=20875
وفية اكثر من طريقة لنصب الخيام
من خلال مشاركات الاخوة الاعزاء
لك تحياتي


محبك اخيك
حد السيف

[فوق الطعس]

اخواني جميعا ،
لكم مني الشكر الجزيل على ردودكم واهتمامكم ، وهذه المعلومات القيمة التي زودتموني والأعضاء الآخرين فيها.

وأعتذر كثيرا عن التأخر في الرد لأشكركم على هذا التواصل حيث كنت مسافر .

الجيب الربع
حد السيف
لكما مني شكر خاص ، ودعاء خالص...

[هداج]

افضل خيمة اللي يسمونها الجحش 4*4

[العودالازرق]

حقيقه ماقصرو الشباب وخصوصا جلوبلستار وسلامتكم

[غواص الاحلام]

اخوانى
السلام عليكم ورحمة الله وبركاته

لاتفوتكم خيمة القاضى اربعة ونصف فى اربعة ونصف رواقها بظهرها بارضيتها واحد مايدخلها خشاش ولا غيره ينصبها شخص واحد ومالها الاعامود واحد .والباب سحاب يصير مثل البرنده فى الخارج
المهم شفوها فى سوق الخيام معرض القاضى فى الرياض السعر من900 الى1200

[أبو فراس]

السلام عليكم ورحمة الله وبركاته

انت ما حددت هي للنوم فقط او الجلسات

[أبو فراس]

السلام عليكم ورحمة الله وبركاته

شف هالرابط يمكن يفيد ان شاء الله

http://www.mekshat.com/vb/showthread.php?s=&threadid=23390