ماهو أفضل محل لصنع قلص للبر؟

[Turki1]

السلام عليكم جميعا.
بارك الله فيكم،ماهو أفضل محل لتفصيل قلص عملي للبر(يعني به جميع مايحتاجه راعي للبر)وليس زبرقه كما يقال،مع شرط الامان على سرعه معقوله.
السعر ليس مهم مادام الشغل زين.
مشكورين سلفا.

[ابولولو]

اخوي سلمك الباري اذكر ورشه المواهب +والمميز شغل علي كيفك ويكملونها لك بعده البر وتانكي ماء

[Turki1]

بارك الله فيك اخي ابولولو،وبيض الله وجهك على سرعه الرد.
هل لديك فكرة عن معدل اسعارهم وهل لديهم قلوص جاهزة؟
دمت بخير.

[ابولولو]

ووجهك ابيض ماسوينا الي الواجب السعر يتغير وعلي مزاجهم اما عندهم قلوص مادري مرهم

[العاااازف]

بلا مواهب وسعرها الغاالي وغيرها
هذا الرقم بعد اذن اخواني المشرفين كلم هذا الشخص
وقل له من طرف ابونورة وشف الشغل الجيد
سعوودي ومعااهم يشتغل وهو صاحب الورشة
وشغله مشالله اكثر من ررررائع وسعره معقوول
والله اشتغلت عنده واكثر زملائي بالعمل اشتغلوا وما احد سبة بالعكس ولا يزكى على الله احد
هذا رقمة0555262662

[Turki1]

بارك الله فيك اخي العازف،سأتصل به باذن الله.
تقبل تحياتي

[أمير الخيال]

الآخون عطوك ملعلومآتهم و آنآ مآ عندي خلفيه في هذآ الموضوع

[برق الظلام]

السلام عليكم
اخوي العزيز اوصيك بورشة الفوزان بصناعية الدائر اللي على اليمين ونت رايح لجنوب الرياض مدخلها بعد مخرج 17 على ما اضن يسمونها صناعية اليحيى نفس صاحب الورشة شغال معهم مجرب وممتاز.

[عطارد]

اخوي تبي الشغل الزين ولا يهمك التكلفه عليك بمصنع القاضي بالدمام عندهم عربات المنيوم تقنيه المانيه والشاسيه الماني وتقدر تسحبها بسرعة 160 وبأمكانك تضيف بريك هيدروليك وكل شيء بحقه وصدقني ما راح تندم لأنها قمه من ناحية الاداء والجوده والشكل والابعاد

[بدر الجديد]

نبي صور يا اخوان عشان نقرر

[الدبل الثقيل]

فيه ورشة في الرس عندهم قلوص مميزة ما ادري هي ورشة الوادي او الضويان؟

[Turki1]

بارك الله فيكم جميعا وبيض الله وجيهكم.
ذكر لي بعض الاخوة خارج المنتدى ان ورشه الوادي بالرس لديها قلوص مميزة،أحد جرب منتجاتهم يااخوان؟
وجمعه مباركه للجميع.

[Turki1]

بارك الله في الجميع،وشاكر مروركم ومشاركاتكم.

[مرابع الربيع]

اخي انا عملت قلص لدى ورشة الحسن بالرياض .عند ابو عبدالله بنفسه يشتغل لها معي اكثر من عشر سنوات واي تعديل او ابتكار جديد ما اروح الا له رجل مخلص وصاحب امانة ولي مشاركات بصور القلص ....مرابع الربيع ..والله يختار لك مافيه الصالح

[ابو البر]

مصنع الفراج بالمزاحميه
شغل مرتب واسعار معقوله
واترك عنك بعض الورش اللي كل ما مدحتهم زادو في الأسعار وكأن الناس بنوك متحركه .

صاحب المصنع اللي اقول لك عليه سعودي يعمل بيده وعملت عنده غرفتين على مدار السنتين الأخيره .
وكلها سحب على كفرات .

وغير كذا شخص فاهم في عمله ويفهم طلبك .
رقمه 0540302307

ولا يحتاج تقول له جيتك من طرف احد لآن شغله ثابت سواء يعرفك او ما يعرفك .
وشكرا .

[مطر وسم]

فيه محلات حداده شرق صناعية الرياض القديمه يصلحون عربات قلص عفش وماء تفصيل على مزاجك صلحت عندهم عربة قلص من 5 سنوات والى الحين استخدمها متر ونص في متر فيها تشبيك كهرب وكفرات جديده تحتاج ضرب بويه وصطبات خلفيه فقط

عارضها للبيع اللي يبيها يرد لي

مكاني بالرياض

تحياتي لكم

[اسدهم]

والله هي توفيق من رب العالمين يعني تطيح في ابو يمن يسويلك قلص وطلاباتك وشغل صح وفي ناس تصورلة قلص وتقولة ابي زي هذا يقول ابشر مرني بعد 15 يوم وتحصلة جاهز نفس الي حصلتة في صورة مره سويت قلص اعجبنبي ورحت لبو يمن وسوه نفسة الفرق في الامتار فقط هو الي كبير والي عندي صغير حق طلعات خفافية

[شيخ العبدان]

ماشاء الله معلومات طيبة

[Hagaanaf]

يحفظك الله
تبي العلم الي يجمد على الشارب
شف لك صندوق هايلوكس او ددسن او ميتسوبيشي بالتشليح ، ورهمه ، مكان للماء ، للماطور ، لشنطة العده ، لدبة الغاز ، تفستك على كيفيك ، همن كد ومد ، مطاب ما مطاب كل هذا انسه وريح بالك ، واصحى تخفف السرعه في المطاب