تصويتكم : ابهــا أوو صلالـــة سفرة عائلية وش تختار

[برق الشرقية]

ياشباب ابغى تصويتكم بالرقم يعني ابها ( 1 ) صلالة ( 2 ) مع ذكر اسباب الاختيار والأفضلية للي جربو

[هاوي البر]

صلالة ممتازه للعزاب الا اذا كنت بتروح بالطائرة لان الخط طويل وممل قرابة 2200 كيلو ومن بعد حدود الامارات بي 100 كيلو تقريبا يشين الخط سيد واحد ضيق ومحفر وشحنات و الاستراحات الي على الخط قليلة ومحطات البنزين قليلة والسنه هذي صلالة خريفها تاخر كثير والخضره في بدايتها


ابها السنه هذي مشاء الله زي ما نتابع في التقارير اليوميه لهم اسبوع امطار وقريبه وخطها كله سيدين
وانت و رايك

[رريح المطر]

انا نفسك محتار بين صلالة وابها


لاكن ان شاء الله صلالة

ياخي ابها حفظناها وحفظنا مناظرها قلنا نغير الوجه لم صلالة

[سبع الصحراء]

ودي أقول لك أبها عشان اشجع السياحة الداخلية

وبنفس الوقت ما ودي لك بالخساير

عشان كذا صلالة زينه واللي ازين منها الشام
انا ما رحت للشام لكن زملاء لي وأقارب مدحوها كثير وهم رايحين عوائل

[شاص المقناص]

1 ولا تقرب صلالة رايح لمه العام ماتستاهل العنوة لا شباب ولا عوايل فوق بالجبل ندى ماتقدر تجلس وضباب متقدر تمشي وناموس وتحت حر ومن رايي سوريا لا تفوتك الزبداني على كيف كيفك

[برق الشرقية]

بالأرقام الله يجزاكم خير ومشكورين على التفاعل ويله اللي بعدووووووووووووه شاركو ياهل الخبرة

[العابر سبيل2]

كل يقول راية وانا رأييي مع من يقول ان ابها حفظناها وحفطنا شوارعها واللي يبي الخسارة وزودالمصاريف يروح لها اما صلالة في جميلة خــــــــــــــــــاصة اذا وافقت الخريف في اخره شلالات عيون امطار درجة حراره لاتتجاوز 21في عز الظهر والمصاريف والسكن معقول جدا اقول هذا من واقع تجربة سنتين اروح لها العام الماضي والعام الذي قبلة جلست فيه بحدود 14يوم وماندمت على سفري لها وعن طول المسافه جعلت الطريق على مراحل ووصلت لها ولله الحمد مع الاهل بيسر وسهولة امــــــــــــــــــــــــــــــــــــا عن سوريا فان الوضع يختلف عماكانت عليه سوريا في السنوات الخمس الماضية من حيث سوء المعاملة للسعوديين واستغلالهم في رفع اسعار الشقق والاكل وكل شيئ والله ماانصح بها فـــــــانا انصح بصلاله لاكن بعد 20/8 لمن اراد انيستمع بجمالها لكـــــــــــــــــــــــــن ظروف الشهر الفضيل قد تحول دون سفرنا لها تحياتـــــــــــــــــــــــــــي للجميع

[شقير]

ابها جوها افضل سحب وبروق وخيال وسيول وشلالات وصلاله توها مابعد ربعت زبن وكلها طين ونامس وضباب ماتشوف الا جلستك

[ابوراس الدحمي]

ابها وبدون تعصب
بين اهلك وربعك
وبعدين عندك اغلب الناس تقول ايجارات نار نار وغلا
طيب والله لو انك في سويسرا..... تراها ابها .....وان رفعوا السعر شوي فهذا موسم
تخيل واحد باني له عمارة كلفته ملايين يبي يترزق الله ويشغها 3شهور فقط في الصيف فقط مثل ما انك تبي تسكن
هو صاحب العقار وده يستفيد
اصلا فيه بيوت في السودة واماكن ثانية مصايف قليل من المصطافين مسوي حركة حلوة
يسأجر بيت كامل يشيل ثلاث عوائل صغيرة, على مدى سنه, ما يتعدى قمية الايجار 18او 17 الف ريال
طيب تعال احسبها على ثلاث عوائل او عائلتين تطلع بلاش في قرية او ريف لا صجّة ولا لجّة
وحوش ايش كبر وعندك صيفية كاملة ان جيت انت والا اي واحد من معارفك يستخدم البيت وصاير
لك على طول السنه هذا شور وكل ابخص بشورة

[ذرب سدير]

كلهن حليلات والحمد لله زرت الثنتين وكل وحدتن لها ميزتها

صلالة أجمل طبعاً من ناحية الخضرة والعشب الأخضر اللامتناهي .. الشلالات .. الغابات .. العيون .. البحر الساحر وأمواجه العالية .. الجبال الخضراء التي تـُنسيك أنك في جزيرة العرب !

صلالة بصراحة قطعة من أوروبا .. لكن عيبها البعد ثم البعد ثم البعد

أما بالنسبة لأبها .. فجوها بصراحة مُنعش وأبرد من صلالة .. صح مهنا خضرة لكن بها غابات .. والمطر ما شاء الله ما يتوقف .. أجواء أبها رائعة جداً جداً

لكن مع ذلك صلالة عندي أفضل .. لكن ما يمنع الاعتراف بأن أبها جميلة جداً وتستاهل العنوة

وبصراحة أبها وصلالة عينين في رآس :)

[ابوريناد1979]

اذا لم يسبق لك ان زرت أبها فأنا أنصحك فيها واقرب لك بعد،،، بس حاول تضبط لك سكن تمشي لها (يعني دور لك احد يحجز لك) واللي يقولون لك غاليه ترا صلالة أغلى منها ، اعرف ناس راحوا لها قبل فتره مستاجرين شقة متوسطه بحدود 700 ريال .
اللي يميز صلاله عن أبها انها اكثر خضره وطبيعه .
وعلى فكره اللي سمعته ان اسعار ابها حلوه هالسنه لحد الأسبوع اللي فات اما هالأسبوع مادري هي زادت ولا ، وانا ماشي لها ان شالله السبوع القادم وباخذ لي فيها 5 ايام ثمن يومين النماص ثمن الباحه يومين ان شالله .

[برق الشرقية]

والله ماقصرتو بس اسمحوا لي أقول لكم زدتوني حيرة

[راعي الرجم]

صلالة بعيدة ايجارات فوق غاليه جداً
ابها مدينه كبيرة ومصائفها وطرقها زينه عندك فيفا
عندك النماص عندك الساحل
عندك تنومة كلها قريبة وبالنسبة للسكن متوفر وبكثرة ماهو مثل صلالة العام
الماضي بلشة العالم ما لقو ســكن وايضا صار فيه استغلال كبير برفع الايجارات

ابها بامكانك رحلة داخلية توصل الي تبي داخل المملكة بكل سهولة
اما صلالة والله شغلة

يعني مافيه شي يحدنا على صلالة لا هي رخيصة ولا توفر فيها الاسواق والحدائق
والخدمات .
ومطاعمها خايسه

[شهاب2020]

علاء الدين اطقع من اخيه