كيف اشري طير ..؟

[لاسلكي 20009]

السلام عليكم ورحمة الله وبركاته

ياجماعة الخير رحت اليوم لسوق الطيور ولقيت طير وعجبني لاكن ابي اعرف مواصفات الطير السبوق والمزيون .. بالشواهين الجبليه الفروخ

وكيف اعرف انها خاليه من الامراض ..؟

يااخوان اتمنى مايكون الرد ((رح مع صقار خبير)) لاني مااعرف صقارين اببد

اتمنى تفيدوني

وشكرا

[منصور بن محمد]

عليكم السلام ورحمة الله وبركاته


انا مثلك وودي اعرف


انشاء الله اهل العرف ما منهم قصور خصوصاً بقرب الموسم


وراح يكونون متحمسين اكثر وبعد بتشوف مواضيع رسمية تخص الطيور والمواسم واماكن الصيد وغيرها من الارشادات المتنوعه .


اخوك راكان الحربي

[a7a7]

يفيدونك الاخوان

[الصقار برهوش]

شف آنـآ آقوك اشتر الطير الي اعجبك وصوره وحط صوره بالمنتدى والصقارين مايقصرون والله
وتقبل مروري الصقار برهوش

[a7a7]

الامراض وده للمستشفى افضل

[مشبر البران]

زي ما قال الصقار برهوش
والأخوان ما يقصرون

[..@القناص@..]

والله يالغالي ودي افيدك بس لازم يكون احد معك خبير
لان صعبه والله انك تعرف الطير هو مريض ولالا
الا من خبيييير

[ابو ندا]

انت رح وشف الطير الي يعجبك وصوره ويفيدونك الاخوان بسعره
وبنسبه للمرض اكشف عليه بالمستشفىقبل ماتشتري

[لعيون مكشات]

مثل ماقالو الاخوان صور الطير منطحه راسه ظهره اكثر من صوره و حطها ونشاء الله محد يقصر الكل يبرد انشاء الله

[راعي غضبان]

مرحبا فيك اخوي الله يوفققك بالطير الطيب وبالنسبه للجبليات كلهن سباق دور الكبيره منهن الي في السوق وخذها وترها بتونسك انشاءالله ولا يحتاج احد وانا اخوك ماهي مثل الاحرار تحتار فيهن اخذ اوفاهن وبالنسبه تبي تعرف انها مريضه فرع فيها وكانها سليمه وهي وحش امسح عليها وبتشوف كفخانها كانها نشيطه بينه وعينها حيه وكان اعوينتها بارده يعني مغوره تراها مريضه وافحصها في المستشفى لتئكيد سلامتها والله يوفققك بالشيهانه الطيبه

[بو غازي]

السلام عليكم ورحمه الله وبركاته
راعي غضبان: ماقصر كلامه وافي ولاأزيد علييه بشي .
اهم شي عيون الطير كان عيونه حيه يعني ماتسكر عين وتحط الطير على كفك وتكفخ به تشوف كفخته مافي جناح يسبق جناح وترفع كفووف الطير وتشوفه تحركه واتناظر تحت الكف بطن الكف مافيه سواد الي هي حفاه او سدة طبعا نادر يجي الشاهين بس هذي تنفعك بعدين لابغيت تشتري حر وتشيك على الريش تشوف مافيه كسر بالريش وتتحسس الطير من النحر في عضمه بارزةمن النص تحسسها شوفها مضبوطه ولا ملتوية بعضها من الشبك تتعور اطق زوكرها بالارض وتتعور هي انشاءالله ماتضر بس الافضل ماتاخذها تاخذ غيرها بس اتمنى ان كلامنا ينفعك والله يوفقك ياربي .

[@قرناص@]

مرحبا فيك اخوي الله يوفققك بالطير الطيب وبالنسبه للجبليات كلهن سباق دور الكبيره منهن الي في السوق وخذها وترها بتونسك انشاءالله ولا يحتاج احد وانا اخوك ماهي مثل الاحرار تحتار فيهن اخذ اوفاهن وبالنسبه تبي تعرف انها مريضه فرع فيها وكانها سليمه وهي وحش امسح عليها وبتشوف كفخانها كانها نشيطه بينه وعينها حيه وكان اعوينتها بارده يعني مغوره تراها مريضه وافحصها في المستشفى لتئكيد سلامتها والله يوفققك بالشيهانه الطيبه

عطـاك العلم وبيض الله وجهه ..

وان كانك تبيني اخاويك ابشر بسعدك والله ،، :good:

[أبو أمين]

السلام عليكم ورحمة الله وبركاته

ياجماعة الخير رحت اليوم لسوق الطيور ولقيت طير وعجبني لاكن ابي اعرف مواصفات الطير السبوق والمزيون .. بالشواهين الجبليه الفروخ

وكيف اعرف انها خاليه من الامراض ..؟

يااخوان اتمنى مايكون الرد ((رح مع صقار خبير)) لاني مااعرف صقارين اببد

اتمنى تفيدوني

وشكرا

السلام عليكم ورحمه الله وبركاته

اخوي لاسلكي هذي بعض المواصفات تساعدك
حجم الطير كما اسلف اخوي راعي غضبان دور الوافيه في الحجم والبوز والارضيه
وتعين في المناكب تكون بارزه والجناح طويل والامراض لا تتعب نفسك اخذ الطيره المستشفى وفحص كامل عليها وبالتوفيق.

[لاسلكي 20009]

الله يعطيكم الله وبيض الله وجيهكم

لاكن فحص المستشفى بالرياض سمعت ان سعره غالي ..؟؟

[بدران123]

أرحب اخوي لا سلكي الاخوان افادوك بو غازي ولا يهون راعي غضبان...

اما بالنسبه للكشف شامل اظنه بحدود 240 ريال لكن نظرك يكفي المريض واضح وذالك جس ثنادي الطير شف فيها لحم والا ظعيف كانه ظعيف لا تاخذه.........
اخوك بدران

[كلي فخر]

اخوي راعي غضبان
طيرك اللى بالصوره وش علومه وش نوعه وابيك تشوف طيري وش رايك فيه انا شاريه ولا اعرف شي عنه

[لاسلكي 20009]

لاهنت على المرور

[قناص الهمله]

ماقصروا الربع
واذاتبي تاخذ طير فيه كل الماصفات الي قلتها

شف جناح الطير اذا طويل
افحص عيونه بيدك جب يدك من تحت الطير من الجهه اليمن وكذالك اليسرى
جس ثنا دي الطير اذا فيها لحم يقاله عديد اخذه
وشف كفوف الطير
والريش
ولا تاخذ الطير الصغير عليك بالكبير الي من 14 وفوق
ولاتاخذ الطير الي ذيله اطول من امواسه بل العكس كل ما كانت الامواس اطول من الذيل كلما كان الطير اسرع
هذه ملحوظات بسيطه ولا يهونون الربع اهل الخبره