ابي اشتري ام خمس وابي راييكم بالزينه؟؟؟

[الصيد ولعه]

ياشباب عندي سؤال انا عندي شوزن ام حبه وجايبتلي المرض والسكر وودي اشتري ام خمس وابي راييكم انا فلوسي تقريبن حدود 4000 الاف وشوي .,.
السوبر غاليه شوي والروسيه مايمدحونها والبنلي مدري البانلي مدري راييك الله لا يهينكم

[MماونشيM]

فيه التركيه ميراج 32-30 يمدحونها


بس خذ الخبر الاكيد عيوب ومميزات من اهل الميراج

[أبوأحمد2006]

هلا بك أخوي الصيد ولعه؟
أنا الصراحه جربت الروسيه 30 أنش وماصلحت لي من ناحيه الثقل والرمي موب ذاك الزود(رايي الشخصي)
لكن عقب مابعتها قالوا نزل لها مظواق 660 ويمدحونها لكن أنا ماجربته
لكن اذا انت تقول حدك 4000 وشوي خذها وتوكل على الله؟
لان ماحولك بسعر هذا الى الروسيه والا التركيه؟
أمل أني أفتك بشي وأن شاء الله الاخوان ماراح يقصرون معك
تقبل تحياتي

[هتلر2007]

وش نوع ام حبه اللي عندك ؟

[الصيد ولعه]

نوعها ياطويل العمر امريكيه بس قديمه وحلوه تسوق مره سوق والماصوره طويله

[مربط القعاسي]

تصدق جبتها على الجرح

من عرفت الصيد ونا معي ا م حبه لا وبعد ثلاث قصيرة ووسط وطويله مرة وودري اشتري ام خمس من زمان

لا كن ان جت الدراهم مالقينا بندق ون طارت لقينا وللحين ماشريت ام خمس ويقولون ان فيه

تركيه توها نازله جديده ويمدحونها ياليت الشباب يوافونا بها اذا هي زينه ولا

لني ناوي ام خمس والدراهم جاهزة

ولي يخبر شي ينبنا بخبر

وبالله التوفيق

[احسن قناص]

اسمعو كلامي كلكم يأخوان الي يلقى منكم بيكال روسيه طولها 30 فيبر جديده من 5500 الى 5000او مستعمله استعمال (حشمه)من 4000 إلى 4500يمسكها ولايفكها حتى لو فيها كفيلين واثنين مزكين وحبة خشوم تراها افضل شي بالقيمه ذي وغيرها من البنادق خذ وخل
ملحوظه::ترى كلامي لكم ماجبته من راسي وانا جالس .......لآ.....تعبت إلين جبت المعلومات من الرياض والقصيم وحفرالباطن كلهم اصحاب خبره ....وانا الى الآن ماحصلت الي على مزاجي الى الآن طبعاً بيكال روسيه
وتقبلو احترامي

[مختار الصيد؟؟]

اخوي اخذ براوننق ولله عالميه

[الصيد ولعه]

يعطيكم العافيه والله احترت؟

[عشقي دحروج]

ليش محتار

فلوسك 4000 بس

يعني يا تاخذ روسي او تركي او تاخذ صناعه طيبه بس مكروف ومن يد نشيط ليد نشيط

[الصيد ولعه]

بس الروسيه مافيها امان وهاذا عيب فيها

[أبوقزاز]

بس الروسيه مافيها امان وهاذا عيب فيها

من لاعب عليك قايل مافيهااا اماان!؟!.

إلا فيهاا اماان تفتحه وتصكره متاا مابغيتاا

تحياتي/

فمان الله

[الصيد ولعه]

مااقصرت يالغالي

[المستفهم]

الروسية 30 أو 28 زي بعض وإذا حصل تشوك 690 فعد أن معك أطلق بندق

[العياده]

يفيدونك الربع ان شاء الله

[ناصر الحمد]

نصيحه يالغالي اشتر بيكال وخل عنك التركي انا مجرب مشاء الله عليها البيكال

[العفّار]

اذا دراهمك حدود 4000 مالك الاّ الروسية وصدقني انها باروووود بس تحتاج لشوي تعود عليها وصدقني تعشقها !

وفقك الله اخوي

[الصيد ولعه]

يامرحبا والله

[شبل الصفرات]

كانك تبي نصيحتي يا الحبيب

خذ البيكال الروسيه ولا تفرط فيها

بس يبيلك تحافظ عليها من ناحيه النظافه على كل كرتونين فشق ثلاثه نضفها

وعيب البيكال وصلاتها الله بالخير لو تحصل تشوك 690 عزا الله انها بندق

وفالك الشحم ان شاء الله

[ابونايف الروقي]

خذ لك بيكال روسيه فيبر اسود 30 انش وخذ لك تشوك 660 وادعي لي ..

[صياد المزارع]

انحش عن التركية

واذا هذي دراهمك خذ لك بيكال ويقولون ان الخشب ارخص
وخذ معها تشوكاتها واطرب عمرك

[الكظيم الاول]

تبي رايي
اذا هذي امكانيتك خلك على ام حبه والله انه ابرك لك

والروسيه والتركيه والله حرام فيهن الفشق اللي تشريه بالفين عشانهن من جد:no:

والله وانااخوك اسمع مجرب
خلك على ام حبه

والا

( اذا كنت ذا شغف طموح * * * فلا تطمع فيما دون النجوم )

خذ لك قرض سلفه تايد اي شي ( اشترك باليانصيب:eek: ) واشتر اكستريما 2

ولو لسبب واحد غير الصيد انك اقتنيت شي قيم وسلاح من عالم اخر :dance:

[رعد سدير]

الكظيم خخخخخخخخخخخخخخ والله ضحكتني ....

الكاظيم الي تبيه ياخذ قرض علشانها برى ببلاش....بس الشعب لو تنزل البنلي ب30 الف شروهاا طبعاً الدلوخ المطخطخين خخخخخ..وهم الي طيرو الفشق والسلاح ...

.....................


المهم 4000 تجيبلك بيكال ....ولا بلاك ولف تركيه شي شي ...وماعليك من الهرووج

.............

[كنق صيد]

يا اصحاب البيكال يا اهل الخبرة

ممكن تفيدوونا

بصراحة ما عرفنالكم ناس تسب والثانية تمدح

وبعدين ابي اعرف هل اذا شريت بيكال ان شاء الله يحتاج ترهيم

لاني بصراحة شايل سالفة الترهيم من راسي:no: ترى هذا سلاح مو لعبه :no2:

لاني مو فاهم واحد يقول اشتر وركب وصله 660 والثاني يقول لا 690

والضحية من انا والثاني والثالث

فياليت اللي جربوا السلاح ومن فترة طويلة يعطونا الكلام اللي عليه العلم

وتحياتي لكم جميعا