مشاهدة النسخة كاملة : سؤال لاهل الخبره في رمنقتون
قشاع الرمث
23/07/2004, 10:07 PM
السلام عليكم ورحمة الله وبركاته
عندي مشكله وهي ان الشوزن لا رميت تردف او تزوع
بمعنا انه تطلع فشقتين من المخزن في نفس الوقت.
مع انها نظيفه ( توي غاسلها ) والفشق رمنقتون الاسود
يعني نوعيه زينه .
وش الحل .
مع الشكر للجميع .
الكشاف
26/07/2004, 01:24 AM
هالمشكلة صارت معي العام الماضي وزيًت البندق ( الرمنقتون ) ومانفع وغيرت الفشق والحمدالله وانحلت مشكلتي .
أرجو ان تجرب و تغير الفشق الأسود ,,
ولك تحياتي
قشاع الرمث
26/07/2004, 01:57 AM
السلام عليكم ورحمة الله وبركاته
حياك الله اخوي الكشاف انا والله فرحت
يوم لقيت رد لان الجماعه شكلهم مطنشيني:(
وما قصرت لاكن المشكله انه يردف بالنوبل سبورت
الازرق وغيرت للرمنقتون وما فيه فايده:confused:
وما ادري وش اسوي .
مع الشكرالجزيل ...
تحياتي .
راعي الحمره
26/07/2004, 03:01 PM
اخوي الغالي قشاع الرمث انا صارتلي المشكله هذي من قبل ولاكن السؤال هل انت بدلت سبرنق مخزن الفشق وبعدها بفتره صارتلك المشكله هذي ؟ اذا انت فعلا مبدله قص منه كم حلقه الانه صاير قوي , واذا انت ما قد بدلته تلقا العطل من سبب قطعه تمسك الفشق في بدايت المخزن وهذي القطعه لازم توديها لمصلح او تبدلها .
ارجوا من الله اني افدتك وسامحني على القصور
مع تحيات
اخوك راعي الحمره
قشاع الرمث
26/07/2004, 11:36 PM
السلام عليكم ورحمة الله وبركاته
هلا اخوي راعي الحمره حياك الله .
وانا تراي ما غيرت فيها شي من اخذتها
قبل ست سنوات غير الناتوش لانه انكسر
وبالنسبه للقطعه الي تمسك الفشق وين اقدر اصلحها
علما باني في الرياض .
مع الشكر ..
قشاع الرمث
26/07/2004, 11:47 PM
السلام عليكم ورحمة الله وبركاته
هلا اخوي راعي الحمره حياك الله .
وانا تراي ما غيرت فيها شي من اخذتها
قبل ست سنوات غير الناتوش لانه انكسر
وبالنسبه للقطعه الي تمسك الفشق وين اقدر اصلحها
علما باني في الرياض .
مع الشكر ..
راعي الحمره
31/07/2004, 12:04 AM
سامحني يا خوي قشاع الرمث على التأخير في الرد ولاكني لا اعرف احد يصلح البنادق في اسعوديه , في هذي لازم انك تسأل الشباب السعوديين فيها هم ابخص مني .
قشاع الرمث
31/07/2004, 12:22 AM
السلام عليكم ورحمة الله وبركاته
اخوي راعي الحمره حياك الله ومايحتاج
ما قصرتو .
ابشركم صلحتها في القصيم في محل
الصمعاني في بريده .
مع الشكر للجميع .
راعي الحمره
31/07/2004, 08:39 AM
الحمد لله يا خوي قشاع الرمث انها تصلحت والله انك تستاهل الخير كله , بس يا خوك يا ليت تقولنا شنهو كان خرابها يعني وش قالك المصلح .
قشاع الرمث
31/07/2004, 12:54 PM
السلام عليكم ورحمة الله وبركاته
حياك الله اخوي راع الحمره .
بالنسبه للمشكله صارت نفس الي قلت
لي وهي ان الرداد الي يمسك الفشق في
المخزن متاكل وصار ما يمسك الفشق مزبوط .
مع الشكر الجزيل للجميع .
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir